लूकाल 9:11 - माडिया गोंड पवित्र सास्त्रम

¹¹ मति इद पोल्‍लो लोकुरिह्‌क एर्का आतस्के, ओर वने ओरा पयाह अतोर. अस्के येसु मुडुन गूनमते केयिसि, देवुळि मन्कलोरगा राजेम कीयनद पोल्‍लोतुन ओरिह्‌क वेहतोग़. केंजवालोरग्डाहि बोर रोगमतोरिह्‌क सव्रेम आयना मता, ओरिन सव्रे कीतोग़.

लूकाल 9:11 Iomraidhean Croise

मत्याल 12:15

इव पोल्‍लोङ केंजिसि, येसु अग्डाहि पेसतोग़. अस्के वेल्‍लाय मुल ओना पयाह अतोर. ओराङ सबेटोर रोगह्‌लोरिन ओग़ सव्रे कीसीतोग़.

मत्याल 14:14

पया येसु ओडाताहि पेसिस ऊळतोग़ अस्के, वेल्‍लाय मुल नावा अग़ ऊळिह्‌तोर इन्ज पुतोग़. ओरिन ऊळिसि, वेन्कु ओरा मान वसता, अस्के ओर ततोर रोगमतोरिनु वेग़ सव्रे कीतोग़.

मत्याल 21:31

“इदिनलोप्पा मीवा बाताल विचर मन्ह्‌ता? इर्वुरग्डाहि बोग़ तपेना पोल्‍लो केंजतोग़?” इन्जि येसु ओरिन ताल्ह्‌कतोग़. “माळा मग़िय केंजतोग़,” इनजोर इतोर. येसु ओरिन इतोग़, “इह केंजाट, नना सेतेम वेहतह्‌नन, मीकाय मुने सिद्‌वा एनवालोर ओसो बोगेस्कु, इद्रमतोर देवुळता राजेमते जागा पोयह्‌तोर.

लूकाल 1:53

लेवोरिह्‌क बार बेसतल-बेसतल माल ईता, मता मन्कलोरिन बारा वेट्‍टाङ कय्क लोहचीता.

लूकाल 5:31

ओरा वळ्ह्‌कनदिन केंजिसि, येसु ओरिन इद्रम इतोग़, “रोगमलेवोरु डाक्‍टरनके अनोर, मति रोगम मतोरे तमा दुकतुन पोहतलाह दास्तोर, पुनविरा?

लूकाल 8:1

पया येसु सबे नाह्‌कने, देवुळि मन्कलोरगा राजेम कीयनद बेसता कबुरतुन पोकुर कीसोर तिरियलाह बोटटोग़. ओना संगे ओनाङ बळयिर बारा मुलु मंदुर.

लूकाल 8:10

येसु ओरिन इतोग़, “मीक इतेके देवुळि तना राजेमताङ मकतव पोल्‍लोन पुनदलाह बुद ईता. दुस्रोरिह्‌क बार इव मकतव पोल्‍लोन, नना पुन्पिह कीयनव पीटोने वेहतह्‌नन. इतेके: ओर नावाङ कबस्किन ऊळलाह कोनि ऊळसोर मनदनुर, मति अविस्कना अर्तम ओरिह्‌क बेस्केन तेळियो आयग़ा, ओसो लोकुर नावाङ केंजलाह कोनि केंजसोर मनदनुर, मति ओरिह्‌क बेस्केन तेळियो आयग़ा.

लूकाल 9:10

पया येसुनाङ बळयिर सेवाताहि मल्स वासि, तमा बाताल बाताल कीतोर, अव सबे कबस्किन येसुह्‌क वेहतोर. वेहतापया ओग़ ओरिन पोसि, बेत्‍सेदा नाटेनगा बोरिह्‌के एर्का आयवाह अतोग़.

लूकाल 9:12

पया पोळ्‍द दायलाह आस मता, अस्के बारा बळयिर येसुनगा वासि, इद्रम इनदलाह आतोर, “गूरु, माट नाटेनग्डाह वेल्‍लाय जेक मह्‌नल, अदिह्‌क लोकुरिन इग्डाह लोहचीम, वेर सबेटोर एरे-गूरेताङ नाह्‌कनगा अन्जि, तम्क उंजलाह जागा ओसो तिनदलाह तिंडि पर्ह्‌किर.”

लूकाल 9:2

पया देवुळि मन्कलोरगा राजेम कीयनद पोल्‍लोतुन पोकुर कीयलाहि, ओसो रोगमतोरिन सव्रे कीयलाहि, ओरिन लोहतोग़.

योहन 4:34

मति येसु ओरिन इतोग़, “बोग़ नाक लोहतोग़, ओना विचर मतप कीयना, ओसो ओना कबळतुन पूरा मारिह कीयना, इदे नावा तिंड आंदु.

योहन 6:37

बोन-बोन नाक बाबाल ईस्तोग़, ओर कतमतोर नयगा वास्तोर. ओसो बोर नयगा वायनुर, ओरिन नना बेस्केन मल्हच लोहोन आयकन.

बळयिर 28:31

ओसो बोन्के रेयवालेवा, दीराते देवुळि मन्कलोरगा राजेम कीयनद पोल्‍लोतुन लोकुरिह्‌क वेहन्दोग़. ओसो किर्स्तु येसुसामिनाङ पोल्‍लोन बेदे एग़्कुळलेवा काग़्हन्दोग़.

रोम सहरतोर 10:14

मति बोर लोकुर किर्स्तुन विस्वस केवोर, ओर बह केयेर? ओरिह्‌क ओना पोल्‍लोतुन बोग़े एव्सिह केवालेवा, ओर बह विस्वस केवेर? ओरगा बोग़े अनवालेवा, किर्स्तुना कबुर बह एवयग़ा?

रोम सहरतोर 10:17

इद्रमलेह्‌का लोकुर किर्स्तुना बेसता कबुरतुन केंजतेकेने, विस्वस कीया पग़यह्‌तोर. बोग़ाय अद कबुरतुन पोकुर कीतेकेने, ओर केंजिह्‌तोर.

रोम सहरतोर 15:3

(माट बह ताकना इनजोर, किर्स्तुमाक तोहचीतोग़. ओग़ इद बूमतगा मनदह्‌पा,) तन्क विचर वातव कबस्क कीसोर तिरियोग़. अद्रमे मन्कलोरा कदर वने पर्ह्‌कोग़.(मति देवुळबाबाह्‌क विचर वातव कबस्किने कींदोग़.)सास्त्रमतगा ओना लोप्पा इद्रम रासतद मन्ह्‌ता इतेके, ए देवुळतिन, नीक पास्कताङ पोल्‍लोङ नाक तोकताङ, इनजोर रासतद मन्ह्‌ता.

2 तिमोति 4:2

बेसता कबुरतुन पोकुर कीम. मन्कलोरिह्‌क केंजलाह विचर वातेकाय, वावेकाय, वेहचोर मन. मुर्तिय ओङ आयवा, मन्कलोरिन सुद्रे कीसोर, लाग्वा कबळ कीतेक तेर्हचोर, दीरा ईसोर, देवुळता पोल्‍लोतुन बेस-नेह्‌ना काग़्हचीम.

इब्रितोर 4:16

माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.