लूकाल 8:37 - माडिया गोंड पवित्र सास्त्रम

³⁷ अस्के मावाङ कतम पदिङ बूळेम आताङ इन्जि, गिरासेनिरा एरियातोर सबेटोर पका रेयिसि, “निमा मयगा मनमा, इग्डाहि पेसिस अन,” इनजोर येसुन अर्जि कीतोर. अदिनेनाह्‌क येसु तनाङ कग़यवालोर बार, पेसिस दायलाह ओडातगा उदतोर.

लूकाल 8:37 Iomraidhean Croise

मत्याल 8:34

वेहतस्के मावाङ कतम पदिङ बूळेम आताङ इन्जि, अग्डोर पूरा नाग़मेटोर रेयतोर, रेयिसि येसुनगा वासि कलियतोर. ओन कलियिसि इतोर, “मयगा निमा मनमा, मावा सिवातग्डाहि पलते पेसिसि, अबर बूम अन,” इनजोर येसुन अर्जि कीतोर.

मार्कल 5:17

अस्के, “निमा मयगा मनमा, मावा सिवातग्डाहि पेसिस अन” इनजोर, अग्डोर येसुन अर्जि कीतोर.

लूकाल 10:16

“मीट कग़यवालोराङ पोल्‍लोङ बोर केंजिह्‌तोर, ओर नावाङ पोल्‍लोङ केंजिह्‌तोर, ओसो बोर मीवाङ पोल्‍लोङ केंजोर, ओर नावाङ पोल्‍लोङ केंजोर. अद्रमे बोर नावाङ केंजोर, ओर नाक लोहवानाङ वने केंजोर,” इनजोर येसु वेहतोग़.

लूकाल 5:8

अचो वेल्‍लाङ मीन्क पोयतदिन ऊळिसि, सिमोन पत्रु ओसो ओना तोळतोर पका बामतोर. बामिसि सिमोन येसुनाङ काल्क अर्सि, “सामि, नना पापि मन्कनन आंदन, नीवा एरे मनदलाह नना ओप्पोन!” इनजोर इतोग़.

लूकाल 8:28

अद देयमि ओग़ मन्कन ऊक-ऊके पोय्न्दु. इद्रम पोयतस्के, लोकुर ओनाङ कय्किन-काल्किन गोल्स्कने दोहचि पह्‌रा मंदुर. मति ओग़ ऊक-ऊके गोल्स्किन देहन्दोग़, अस्के देयम ओन बोरे लेवा जागातेके पोस वितिंदु. पया येसु, अद देयमतुन ओनग्डाहि पेसिस दायलाह उकुम ईतोग़, अस्के ओग़ येसुना कालगडेम अर्सि “एय सबेट्क बेरा देवुळता मग़ि येसुनिन, निमा नाक बार्किया अडम आय्ह्‌निन? नना नीक अर्जि कीय्ह्‌नन, नाकु सिक्सा एमा,” इनजोर जोरते केयतोग़.

लूकाल 8:36

अगा येसु कीतद कबळतुन ऊळतोर मन्कलोर, ओग़ बेद्रम बेस आतोग़, अद कतमे लोकुरिह्‌क वेहतोर.

लूकाल 8:38

येसु अग्डाहि दायह्‌पा, देयह्‌क पेसिस विततोग़ मन्कल, “नाक नीवा संगे वायलाह ईम, गूरु!” इनजोर अर्जि कीतोग़. मति येसु ओन इद्रम इनजोर मल्हच लोहतोग़ इतेके,

लूकाल 9:5

बेद नाटेनोर लोकुर मीक रोमलाह एवोर, अग्डाहि पेसना वेलाते, ओर देवुळता सिक्सातुह्‌क ओजिह्‌तोर इनजोर तोहतलाहि, मीवाङ काल्कना दुरातुन अगाने दुल्पिसि पेसाटु,” इतोग़.

लूकाल 9:56

पया ओर अग्डाह दुस्रा नाग़ अतोर.

बळयिर 16:39

अदिह्‌क ओर तमाय वासि, “माक मापि कीम्ह्‌टु” इनजोर इतोर; पया पोलुन, सीलासिन जेलताहि पेहतोर. पेहचि, “मीट इंजेके इद सहरताहि पेसिस अन्ह्‌टु, माट मीवाङ काल्काय मोळ्किह्‌नोम,” इनजोर इंदुर.