लूकाल 7:13 - माडिया गोंड पवित्र सास्त्रम

¹³ अद आंचान ऊळिसि, येसुसामिह्‌क पका मान वसता. अदिनेनाह्‌क तानु, “निमा अळमा बायि!” इनजोर इतोग़.

लूकाल 7:13 Iomraidhean Croise

मार्कल 8:2

“वेर नयगान मन्जि, नेटुह्‌क मूंड दियाङ आतोर, वेरगा तिनदलाह बातय इले. अदिह्‌क नाक वेरा मान वसिह्‌ता.

लूकाल 10:1

पया येसुसामि मूंड वीसाङ बारा (72) तनाङ कग़यवालोरिन आचतोग़, आचिसि तन्क दायना मतव सबे नाह्‌कने, ओरिन इर्वुर-इर्वुरिन कीसि, मुनेह लोहतोग़.

लूकाल 11:1

उंद दिया येसु पार्तना कीसोर मतोग़, ओग़ पार्तना कीयनद मारतापया, ओनाङ कग़यवाल ओर्वोग़ इद्रम इतोग़, “गूरु! देवुळता पेदिरते एग़ मीहवाल योहन, तनाङ कग़यवालोरिन काग़्हतप लेह्‌का, माक वने पार्तना बेद्रम कीयना इनजोर काग़्हच ईम,” इतोग़.

लूकाल 11:39

अदिन पुन्जि येसुसामि ओन इद्रम इतोग़, “इके केंजा, मीट परुसिरिर गिनेङ-बट्किन सिरप पलतेनाह तोमिह्‌निर. मति मीवा लोप्पाडेके इतेके, उळ्बेते लोकुरिन जाळ्पनद निंदिस मन्ह्‌ता.

लूकाल 12:42

इतस्के येसुसामि इतोग़, “बेसता बुदतोग़ सेतेमते कबळ केवाल, इद्रम बोग़ मेटि मन्ह्‌तोग़, ओन लोता माल्काल ओर्युलतोरिह्‌क कगोत्क-कगो अडिया ईयलाहि आचिह्‌तोग़.

लूकाल 13:15

अस्के येसुसामि इतोग़, “एय सोङ केवालोरिर! पोल्वादियाते मीवा कोंदातुन, आयवेक गाळ्‍दतुन कोळ्काताहि विळ्सिसि, एग़ ऊहतलाह ओयविरा?

लूकाल 17:5

इदिन पया केंजिस, “मावा विस्वसतुन बेर्सिह कीसीम गूरु,” इनजोर बळयिर येसुसामिन इतोर.

लूकाल 17:6

इतस्के येसुसामि इतोग़, “मीवा विस्वस नूङमेटा मतेक वने, मीट इद बेरा ताळ मरातुन, ‘कुळ्ह वासि, सम्दुरतगा निल्म’ इनजोर वेहतेके, अद मीवा पोल्‍लोतुन केंजग़ा.

लूकाल 18:6

पया ओसो येसुसामि इतोग़, “नेयम कीसेवाल लाग्वोग़ मन्कल बाताल इतोग़, अद पोल्‍लोतुन सीता कीम्ह्‌टु.

लूकाल 19:8

पया जकय निचि येसुसामिन इद्रम इतोग़, “गूरु! इंजेके नावा मालसोमतग्डाहि वळ्गा तूस लेवोरिह्‌क ईय्ह्‌नन. ओसो नना बोनग्डाह आयि नाळेह कीस ततद मतेके, ओन्क नालुङ पटिङ मल्हच ईय्ह्‌नन,” इतोग़.

लूकाल 22:61

पया येसुसामि पत्रुनेके मिळ्न्दिस ऊळतोग़. अस्के कोनि “नेंडे नग़्का तलाकोग़ कूसनामुने, निमा मूंड मल्काङ येसुन पुनोन, इद्रम इनदकिन,” इनजोर येसुसामि मुने वेहच मतद पोल्‍लोतुन पत्रु सीता कीतोग़.

लूकाल 24:3

पया अव आस्कु लोप्पा ओळियिस ऊळताङ, अस्के अविस्किह्‌क अगा येसुसामिना सेत्ता दिसो.

लूकाल 7:12

येसु अद नाटेनगा ओळियनद अग़दगा एरे एव्स मतोग़. अचोटेने ओर्वोग़ हातोना सेत्तातुन गति कीयलाह, नाटेनोर कांजिस ओसोर मतोर. वेग़ हातोग़ लेयोग़ मन्कना तलोग़ रांडे आंचाह्‌कु, वेग़ वग़ोग़े मग़ि मतोग़. नाटेनोर वेल्‍लाटोर ताना संगे अनजोर मतोर.

लूकाल 7:14

इतापया, अन्जि सेत्ताता डोह्‌लातुन बोयतोग़, बोयतस्के कांजिस ओयवालोर अगान रोमतोर. अस्के येसु हातोन इतोग़, “पेका! तेदा!”

लूकाल 8:52

सबेटोर लोकुर अद पिलातेनाह्‌क अळसोर-केयसोर मतोर. अस्के येसु ओरिन “अळमाटु! पिला हायो, अद निद्रतेन मन्ह्‌ता!” इतोग़.

योहन 11:2

(येसुसामिनाङ काल्किनु अतर्नेयदे ऊसता, तनाङ केल्कने ओनाङ काल्किन उम्चता, अद इदे मरियालि.)

योहन 11:3

“सामि, नीवा गोतयाल लाजर पकाय दुक अरतोग़” इन्जि, ओनाङ अकास्कु येसुह्‌क कबुर लोहताङ.

योहन 20:13

अव पया तान इताङ, “बाराह्‌क अळयह्‌निन बायि?” इताङ. “ओरु नावा सामिना सेत्तातुन ओतोर, ओस अदिन बेगा तासतोरो, पुनोन इनजोर अळयह्‌नन,” इन्जि मरियालि अविस्किन इता.

योहन 20:15

अस्के येसु तान इतोग़, “बाराह्‌क अळयह्‌निन? बोन पर्ह्‌किह्‌निन?” ओग़ वाळुमतुन ऊळेवाळे केवाल मनदनोग़ बहे इन्जि, ओन इता, “दादा, निमा ओना सेत्तातुन इग्डाह ओतेके, तान बेगा तासतिन, इद नाक वेहा. अस्के नना अदिन ओसि, (ओसो बेस पोहतकन),” इता.

योहन 4:1

मनेक मनेक पया, येसु योहनिह्‌काय एक्‍वा लोकुरिन देवुळता पेदिरते एग़ मीहतह्‌तोग़, अह आसि ओनाङ कग़यवालोर वीळिह्‌तोर इनजोर, परुसिर केंजतोर. (येसु तनाय एग़ मीहोग़, मति ओनाङ कग़यवालोर अह कींदुर). इद पोल्‍लो परुसिरिह्‌कु आबुर आता इनजोरे येसु पुतोग़. पुताह्‌कु, (माट इग्डाहि पेसकल इन्जि,)यहुदा पटटुन विळ्सिसि, ओसो उंद मल्का गालिल पटटे दायलाह पेसतोग़.

1 कुरिंततोर 7:30

बेद पोल्‍लोतेनाह्‌क अळयह्‌निर, तान इदे बूमता पोल्‍लो इन्जि, अळसोर मनदनदायो. अहे बेद पोल्‍लोतेनाह्‌क गिर्दा आय्ह्‌निर, तान इदे बूमता पोल्‍लो इन्जि, गिर्दा आसोर मनदनदायो. ओसो बेद मादुन असतिर, तान रेंड दियाना माल इन्जि, पोयसोर मनदनदायो.

1 तिसलुनितोर 4:13

मावोरिर, मीट डोलतोर विस्वसिरेनाह्‌क, आसालेवोरा लेह्‌का दुकम आयनद आयो इन्जि, माट मीकु तेळियिह कीस वेहतह्‌नोम.

इब्रितोर 2:17

अदिनेनाह्‌क ओग़ सबे पोल्‍लोनगा, तनाङ तमोर-एलास्कना लेह्‌कान आयनद गर्ज मता. इद्रमलेह्‌का ओग़ देवुळता सेवाते, दया केवाल बर्वसलायकतोग़ पेर्माल आसि, मन्कलोरा पापमतेनाह्‌कु, तनाय जीवाता मोक ईतोग़.