18 जमा आतोरग्डाहि उय्तुर ओग़ वेहतनाङ पोल्लोङ केंजलाह वास मतोर. उय्तुर बार तमाङ रोगह्कनग्डाह सव्रेम आयलाहि वास मतोर. देयह्क पोस मतोर वने वासि सव्रेम आंदुर.
पया ऊळाटु, अद पटटा उंद यहुदि आयवदु कनान जातता आंचाळि येसुनगा वासि केयसोर इता, “ए सामि, दाविद राजाना कूळतोनिन पिसिह केवानिन, नयगा जीवा लोपा. नावा मयानु देयम पोसि, तान पट्पट अह्चिह्ता,” इनजोर ओन कालगडेम अरता.
पया येसु ओरा संगे गुड्रापोग़ोटाहि रेगिसि, गुड्राकचुदा पलातगा नितोग़. अगा ओनाङ कग़यवालोर वेल्लाटोरे मतोर. ओसो येरुसलेम सहरताहि, यहुदिरा बूमताङ दुस्राङ नाह्कनाहि, सम्दुरकचुदा सोर-सिदोन एरियाताहि, वेल्लाटोर लोकुर ओनगा जमा आस मतोर.
देवुळताहि सव्रे कीयनद लाव येसुनगा मताह्कु, ओग़ सबेटोरिन सव्रे कीसोर मतोग़. अदिनेनाह्क सबेटोर ओन बोयलाह ऊळिंदुर.
येरुसलेम सहरता एरे मतव नाह्कनाहि, वेल्लाटोर दुक अरतोरिन, देयह्क पोस मतोरिन, अगा पोस वांदुर. ओर सबेटोर बळयिरा कयदे बेस आंदुर.