लूकाल 5:8 - माडिया गोंड पवित्र सास्त्रम

^8-9 अचो वेल्‍लाङ मीन्क पोयतदिन ऊळिसि, सिमोन पत्रु ओसो ओना तोळतोर पका बामतोर. बामिसि सिमोन येसुनाङ काल्क अर्सि, “सामि, नना पापि मन्कनन आंदन, नीवा एरे मनदलाह नना ओप्पोन!” इनजोर इतोग़.

लूकाल 5:8 Iomraidhean Croise

मत्याल 17:6

इद आल्कातुन केंजिसि, वेर मुवुर कग़यवालोर रेयिह्‌कु साङसोर, कप मुळ्न्दिस अरतोर.

मत्याल 2:11

पया ओरु उका रोमतद लोतगा नेङतोर, अगा पेकानु, ओना तलोग़ मरियानु ऊळतोर, ऊळिसि पेकानाङ काल्क अर्सि, ओरु ओन दंडुम अरतोर. ओसो ओरु तमाङ सोमताङ पेटिनु तेंडिसि, बंगरि, वेल्‍ला दाराता दूपमि, अतर्नेयु, इद्रमताङ पेकाह्‌कु वाटटोर.

मत्याल 8:8

अस्के वेग़ दरोगाल येसुन इतोग़, “गूरु, निमा नावा लोनलोप्पा वायना इन्जि, नना लायक इलेन. नना वने ओर्विना कय इळ्न मह्‌नन, अहे नावा कय इळ्न उय्तुर सीपय्क मन्ह्‌तोर. नना वग़ोग़ सीपयिन ‘अन!’ इनजोर वेहतेके, ओग़ दास्तोग़, ओसो दुस्रोनु ‘वाय!’ इनजोर केयतेके, ओग़ वास्तोग़. अहे नावा साकुर केवानु ‘इद कीम, रा!’ इनजोर वेहतेके, अद कबळतुन ओग़ कीस्तोग़े. (इद्रमि, इद रोगमता पोग़ोन नीवा अदिकर मन्ह्‌ता;) निमा मात्रम उंद पोल्‍लो वळ्ह्‌कतिन इतेके, नावा साकुर केवाल सव्रेम आयनोग़,” इनजोर इतोग़.

लूकाल 5:7

वदिङ अग़यनुङ बहा इनजोर, दुस्रा ओडातगा मतोर तमा तोळतोरिन कय सायाते केयतोर. केयतस्के ओर वासि, रेंड आस ओडानु मीन्कने बर्ति निहतोर. अव ओडाङ बर्ति निंदताह्‌कु, एतगा मुळ्न्देङ-मुळ्न्देङ आंदुङ.

योहन 11:32

येसु रोमिस मतोग़ अद जागाते मरियाल एवतस्के, ओन ऊळिसि ओनाङ काल्क अरता, अर्सि इता, “सामि, निमा इगा मन्ज मतेके, नावा तमोग़ हायोग़ आवेग़.”

1 कुरिंततोर 13:12

अदमतगा ऊळना लेह्‌कान, माट इंजेके बग़ाङ-बग़ाङ ऊळिह्‌नल. मति पया पिङम-पङम ऊळकल. इंजेक नना वळ्गाय पुतन. मति देवुळि नाक पुतप लेह्‌कान, पया सबेटविन पूरा पुनदकन.

तोहचीतव पोल्‍लोङ 1:17

नना ओन ऊळिसि, मेग़्यतप लेह्‌कान ओनाङ काल्कनगा अरतन. अरतस्के ओग़ नावा पोग़ोन, तना तिनळ कय तासिस इद्रम इतोग़: “रेयमा! ननाय सुरुतोनन, ननाय मारेंगातोनन;