लूकाल 4:1 - माडिया गोंड पवित्र सास्त्रम

¹ पया येसु योर्दन बेरेटगा देवुळता पेदिरते एग़ मीसि, पवित्र जीवाते निंदतोग़. निंदतस्के देवुळता जीवा ओन पेळ्ह्‌कल बूमते ओसीता.

लूकाल 4:1 Iomraidhean Croise

मत्याल 3:16

येसु एतगा मुळ्न्दिसि चट्‌ने पोग़ोन तेदतस्के ऊळाट, पोग़ोटा बूमि पङ्ने आसि,देवुळता जीवा परेवा पिटेलेह्‌का तनगा वास दळ्म अरतदिन, येसु ऊळतोग़!

लूकाल 2:27

पया देवुळता जीवा ओन वेहताह्‌कु, मरियाल ओसो योसेप मंदिरतगा वातद दिया, ओग़ वने मंदिरताङ मंडानगा वातोग़. मोसानाङ अडोनगा रासतप लेह्‌का, येसुन देवुळतुह्‌क विळ्सिसीयनद रिवज कीयलाहि तलोग़-तपे तच मतोर.

लूकाल 3:3

ओग़ अद पोल्‍लोतुन पोसि, योर्दन बेरेटा एरे-गूरेताङ सबे नाह्‌कनगा अन्जि, इद्रम पोकुर कीतोग़ इतेके, “पापमता अग़दुन विळ्सिसि, देवुळतके मल्म्ह्‌टु. माट मलतोम इनजोर तोहतलाह, देवुळता पेदिरते एग़ मीम्ह्‌टु! अस्के देवुळि मीवा पापमतुन मापि कीयग़ा,” इनजोर केयिंदोग़.

लूकाल 3:38

केनान एनोसना मग़ि, एनोस सेतना मग़ि, सेत आदमना मग़ि, आदमिन देवुळि पंडटा.

लूकाल 4:14

पया येसु अग्डाहि गालिल पटटे मल्स अतोग़. अस्के देवुळता जीवा ईतद लाव ओनगा मता. गालिल पटटाङ सबे नाह्‌कनोर मन्कलोर, ओनाय पोल्‍लोतुन वळ्ह्‌किंदुर.

लूकाल 4:18

“देवुळता पवित्र जीवाता दळ्म नयगा अरता. गरिबतोरिह्‌क बेसता कबुरतुन पोकुर कीयलाहि, देवुळि नाक निल्पिह कीता. मन्कलोरा कय इळ्न मनवालोरिन, देवुळ मीक विळ्सिह कीता इनजोर, पोकुर कीयलाहि, तोववोरिन मीट तोवयकिर इनजोर, पोकुर कीयलाहि, तिपलते मनवालोरिन विळ्सिह कीयलाह, देवुळि देय्वा ईयनद कगो एवता इनजोर पोकुर कीयलाहि, अद नाक लोहता.” इनजोर रासतदिन अर्वतोग़.

योहन 1:32

ओसो योहन येसुना लोप्पा इद्रमता साक्सि ईतोग़, “ओग़ देवुळ लोहवाल पिसिह केवाल इन्जि, नना पुनोन आसि, मति नाकु एते मीहतलाह लोहतनद देवुळि, अदे नाकु वेहच मता, ‘बोना पोग़ोन पवित्र जीवा वासि, दळ्म अरतदिन ऊळकिन, ओग़े लोकुरिन पवित्र जीवाते मीहवाल आंदोग़.’ निटमे नना पवित्र जीवातुन परेवा पिटेलेह्‌का देवुळदीपताहि दळ्म अर्सि, वेना पोग़ोन उदतदिन ऊळतन.

योहन 3:34

बोनु देवुळि लोहता, ओग़ु देवुळताङे पोल्‍लोङ वेहतह्‌तोग़. बाराह्‌क इतेके देवुळि तना जीवाते ओन पूरा निहता इनजोरे.

बळयिर 8:39

पया ओर एतग्डाहि पेसतस्के, देवुळता जीवा पिलिपिन माय्‍पिह कीस, अग्डाहि ओता. पया मंत्रिह्‌क ओग़ दिसोग़, अस्के देवुळि नाक पिसिह कीता इनजोर, बेस गिर्दा आसि ओग़ मंत्रि अतोग़.