लूकाल 3:7 - माडिया गोंड पवित्र सास्त्रम

⁷ देवुळता पेदिरते एग़ मीयलाह, गोह्‌डिनाङ गोह्‌डिङ वाता मुडुन, योहन इद्रम इतोग़, “एय वीसम तरस्कना लेह्‌काडोरिर! (पापमता अग़दाहि देवुळतके मलवालेवा, वेट देवुळता पेदिरते एग़ मीतेके,) देवुळि ईयनद सिक्साताहि माट पिन्ह्‌ट अरयकोम इनजोर बाराह्‌क इह्‌निर?

लूकाल 3:7 Iomraidhean Croise

मत्याल 12:34

एय वीसमतरसलेह्‌काडोरिर, मीट लाग्वोरिर मन्जि, मीक नेह्‌नाङ गोटिङ बह वळ्ह्‌क वायनुङ! बाराह्‌क इतेके, पोटातगा बेव पोल्‍लोङ निंदिस मन्ह्‌ताङ, अवे पोल्‍लोङ तोडटाहि पेसिह्‌ताङ.

मत्याल 3:6

ओर तमा कीता पापमतुन कबुल आसि, योर्दन बेरेटगा वासि, योहनना कयदे देवुळता पेदिरते एग़ मींदुर.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

बळयिर 13:10

“ए सत्रल मन्कनिन, पका नाळेमता कबळते निंदतद देयमतिन, निमा सेतेमता अडम मह्‌निन. बह निमा देवुळता सेतेमता पोल्‍लोतुन मिळ्हतनदिन विळ्सविना?

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

इब्रितोर 6:18

मावा मुनेह तासतद आसाता पोल्‍लोतुन पोसि, अद माक राका कीयि इनजोर, माट देवुळतगा वित वातल. तनगा वित वावालोरिह्‌क दीरा ईयना इन्जि, देवुळि पोल्‍लो वने विळ्सता, ओसो ओतता वने. देवुळि पोल्‍लो विळ्सनेक वने मुर्तिय जोल वळ्ह्‌क पग़वो, ओतनेक वने मुर्तिय जोल वळ्ह्‌क पग़वो. इव रेंड आस पोल्‍लोङ बद्लेम आयनव आयोङ.

1 योहन 3:8

मति बोर पापम कीसोर मन्ह्‌तोर, ओर देयह्‌कना मुक्याना लोकुर आंदुर. बह इतेक, अदु सुरुमुनेताहिये पापम कीसोर वायलाह आता. तानाङ कबस्किन बूळे कीयलाहिये, देवुळता मग़ि वातोग़.