लूकाल 3:14 - माडिया गोंड पवित्र सास्त्रम

¹⁴ उय्तुर सीपय्क वने ओनगा वासि, “माट बाताल कीकोम?” इनजोर ताल्ह्‌कतोर. ताल्ह्‌कतस्के ओरिन वने वेहतोग़, “मीकु बेचोन पगर दोर्किह्‌ता, अचोने पगरते मुयोग़ आयवा मन्ह्‌टु. बोरिने बह डारेह कीसि, इलवेके जोल कसुर वाटिसि, कोताङ एनमाटु.” इनजोर वेहतोग़.

लूकाल 3:14 Iomraidhean Croise

मत्याल 8:5

पया येसु कापेर्नाग़ वातस्के, सीपय्कना ओर्वोग़ दरोगाल ओनक्‍के वासि, कालगडेम अरसोर साय्ता ताल्ह्‌कतोग़, “ओ गूरु, नावा साकुर केवाल कय-काल वावा, वेल्‍लाय दुकते अर्सि, लोते ऊल्गसोर मन्ह्‌तोग़,” इतोग़.

लूकाल 19:8

पया जकय निचि येसुसामिन इद्रम इतोग़, “गूरु! इंजेके नावा मालसोमतग्डाहि वळ्गा तूस लेवोरिह्‌क ईय्ह्‌नन. ओसो नना बोनग्डाह आयि नाळेह कीस ततद मतेके, ओन्क नालुङ पटिङ मल्हच ईय्ह्‌नन,” इतोग़.

लूकाल 3:10

अगा जमा आता मुलु योहनिन इद्रम ताल्ह्‌कतोर, “पापमताहि मलयना इतेके माट बाताल कीकोम?” इतोर.

लूकाल 3:13

ताल्ह्‌कतस्के ओरिनु “मीक बेचोन सिद्‌वा एता वेहतोर, अचोने एनाटु! लोकुरिन मुळ्हमाटु,” इतोग़.

बळयिर 10:7

इद्रम वेहचि देवतुल अता. अतापया कुरनेलि बाताल कीतोग़ इतेके, तनाङ इर्वुर ओर्युलतोरिन केयतोग़, ओसो तना संगे मनवालोर सीपय्कनग्डाहि ओर्वोग़ देवुळतुन मोळ्कवाल सीपयिन केयतोग़.

पिलिपितोर 2:15

अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

पिलिपितोर 4:11

नाक गर्ज अरताह्‌कु नना इद्रम इनोन, बाराह्‌क इतेके नना बह मतेक तेला, बेस सुकमते मनदलाह कग़यतन.

तीतुस 2:3

अद्रमे सेळो आस्किन वने इद्रम काग़्हा: अमेसा देवुळतुन रेयसोर ताकिङ, बोनाङे कूदिङ अनमाकिङ, कल लोटि आयमाकिङ, बेसताङ पोल्‍लोङ काग़्हतनव आयिङ.

तोहचीतव पोल्‍लोङ 12:10

अचोटेने देवुळदीपतग्डाह जोरते उंद लेङ इद्रम केंज वाता: “मावोरिन देवुळता मुनेह, नग़्का पिळ्‍विळ पियल-पोळ्‍द कसुर ओपसोर मतदिन, इंजेके बूमतगा अर्ह्‌चीतद मन्ह्‌ता. इंजेके देवुळि तना मन्कलोरिन पिसिह कीयनद कगो वाता. देवुळि तना लावते राजेम ताकिह कीयलाह आता. इंजेके अद आचतोग़ राजाल, तना अदिकरतुन तोहतलाह आतोग़.