लूकाल 24:39 - माडिया गोंड पवित्र सास्त्रम

³⁹ नावाङ कय्किन-काल्किन ऊळाट! नाक बोयाटु! इद ऊळाटु नना येसुनने, मिळ्सुमतुह्‌क इद्रम अविङ-बोकाङ इलेङ, मति नाक मन्ह्‌ताङ!”

लूकाल 24:39 Iomraidhean Croise

लूकाल 23:46

अस्के येसु, “ए बाबा! नावा जीवातुन नीवा कयदे ईय्ह्‌नन,” इनजोर जोरते केयिसि हातोग़.

लूकाल 24:38

अस्के येसु ओरिन इतोग़, “मीट इचोन बाराह्‌क रेयतिर? नावा लोप्पा बाराह्‌क उन्क-मन्क आय्ह्‌निर?

लूकाल 24:40

इनजोर वेहचि येसु तनाङ कय्किन-काल्किन ओरिह्‌क तोहतोग़.

योहन 20:20

इनजोर वेहचि, ओरिन तनाङ कय्कनाङ ओसो सेंकाता देबान तोहतोग़. सामिन ऊळिसि ओरिह्‌क गिर्दा वाता.

योहन 20:25

अदिह्‌क ओग़ वातस्के, “माट सामिन ऊळतोम, रा!” इनजोर ओन ओर वेहतोर. तेला मति ओग़ सेतेम पोयोग़, ओग़ इतोग़, “ओनाङ कय्कनगा मोल्‍लाना देबानु ऊळवालेवा, अगा वेळ्न्ज तोग़्किसि ऊळवालेवा, ओसो ओना सेंकाता देबातुन कय बोयिस ऊळवालेवा, ओग़ येसुसामिये आंदोग़ इन्जि, नना मुर्तिय नमोन,” इनजोर इतोग़.

योहन 20:27

पया ओग़ तोमान इतोग़, “निमा नीवा वेळ्न्जतुन नावा कयदा देबातगा तोग़्किस ऊळा. ओसो नीवा कय इके मुनेह कीसि, नावा सेंकातगा बोयिस ऊळा. अह कीसि, निमा नमवोना लेह्‌का मनमा, मति उन्क-मन्क आयवा, विस्वस कीमु,” इनजोर इतोग़.

बळयिर 1:3

ओग़ तिपल आस डोलिसि, ओसो जीवा अरतोग़, अस्केडाहि रेंड वीसाङ दियाङ आनाहि, ओरिह्‌क ऊक-ऊके नना जीवा अरतन, इंजेके जीवात मह्‌नन इन्जि, बेस नेह्‌ना तोहतोग़. ओसो देवुळि लोकुरगा तना राजेम ताकिह कीयनद पोल्‍लोतुन ओरा संगे वेहन्दोग़.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

इब्रितोर 12:9

मावाङ लोह्‌कने मावाङ तपेर माक सुद्रे कीतोरे. अस्के माट ओरिन मान ईंदल. ओरिने अचोन मान ईंदल इतेके, मावा पोग़ोटोग़ देवुळबाबाल माक सुद्रे कीयह्‌पा, ओनग्डा पिसमुळ दोर्किह कीयलाहि, ओना पोल्‍लोते ओसोय वग़्ङिस मनदना गावले.

1 योहन 1:1

बोग़ बूम पुटवस्केडाह मन्ह्‌तोग़, ओना लोप्पा माट मीक वेहतलाह आतोम. ओनाङ माट केंजतोम, मावाङ कोंडाने ऊळतोम, बेस-नेह्‌ना ऊळिसि, मावाङ कय्कने वने इटिस ऊळतोम. ओनाय मेटे देवुळि माक वळ्ह्‌किसि, पिसमुळ ईस्ता.