लूकाल 23:5 - माडिया गोंड पवित्र सास्त्रम

⁵ मति मुडा लोकुर पका कैंगम आसोर कयर कींदुर, “वेग़ु गालिल पटटग्डाह इतेके, मावोर यहुदिर मनदनद सबे बूमतगा, लोकुरिन तनाङ काग़्हच लेसिह कीसोर, इगा एवनाह वातोग़,” इतोर.

लूकाल 23:5 Iomraidhean Croise

मत्याल 11:1

अस्के येसु तनाङ बळयिर, बारा मांदतुन इव अडोङ वेहतनाङ मारिह कीतस्के, तना कबुरतुन पोकुर कीयलाहि, ओरिन लोहतोग़. लोहचि, ओग़ अग्डाहि पेसिस, अग्डाङ नाह्‌कने देवुळता कबुर वेहचोरे, काग़्हचोरे अतोग़.

मत्याल 2:1

बेह्‌रोग़ एरोद राजाना कालमते, यहुदा पटटा बेत्लेहेम नाटेनगा येसु पुटिस मतोग़. ताना पया अद पटटा मोदुल सहर येरुसलेमते, बोर उकान ऊळिसि पुनवालोर वातोर. ओर पोळ्‍द पेसनेनाहि वेल्‍लाय जेक देसेमताहि येरुसलेमते वासि, पता कीयलाह बोटटोर.

मत्याल 27:24

इंजेक वेरगा नावा बातय ताको, मति रोदा कोन आस्तोर इन्जि, पिलाति इचुन एतुन कयदे पोसि, लोकुरा मुनेहु तनाङ कय्किन नोग़तोग़, नोग़्स इतोग़, “वेग़ मन्कन हव्कनद पापमि नाक दल्गमाकि, मति मीके दल्गि,” इनजोर इतोग़.

मत्याल 4:23

पया ओराङ पार्तनाताङ लोह्‌कनगा देवुळता पोल्‍लो काग़्हचोरे, देवुळि लोकुरगा राजेम कीयनदिना लोप्पा बेसता कबुर पोकुर कीसोरे, अहे लोकुराङ सबे रोगह्‌किन, दुकिनु सव्रे कीसोरे, पूरा गालिलमेंड येसु तनाङ कग़यवालोर बार तिरियतोर.

मार्कल 1:14

पया बह आता इतेके, अग्डोग़ राजाल योहनिन जेलते वाट वेहतोग़. ताना पया, येसु गालिल पटटे वासि, देवुळता राजेमता बेसता कबुरतुन पोकुर कीतोग़.

लूकाल 11:53

पया येसु अग्डाहि अतस्के, परुसिर ओसो सास्त्रमगूरुर ओना पोग़ोन पका ओङ आतोर. आसि बेदाय पोल्‍लोते येसुन एग़्किह कीयना इनजोर विचर कीसि, ओन वेल्‍लाङे पोल्‍लोङ ताल्ह्‌क बोटटोर.

लूकाल 23:23

मति मुडा लोकुर, “येसुन हव्कनागुटातगा वेळ्हा,” इनजोर पका केयसोर रोदा पोयतोर. अद्रमे ओरा केयनद पका वीळता.

लूकाल 23:6

पया पिलाति इदिन केंजिसि, “वेग़ मन्कल गालिल पटटोग़ा?” इनजोर ताल्ह्‌कतोग़.

योहन 1:43

इमा दिया येसु गालिल पटटे दायलाह तयर आतोग़. आतस्के पिलिप इनवान कलियिसि ओन इतोग़, “नावा संग वय, नावाङ कग़या,” इतोग़.

योहन 19:15

अस्के ओर केयतोर, “वेन ओम! वेन ओम! हव्कनागुटातगा वेळ्हा!” इनजोर इतोर. अस्के पिलाति ओरिन इतोग़, “नना मीवा राजानु हव्कनागुटातगा वेळ्हतलाह उकुम ईकना?” अस्के पेर्मालोर इतोर, “कय्सर राजान विळ्सिसि, माक बोग़े राजाल इलेग़!”

योहन 2:11

इद्रमि येसु गालिल पटटा काना नाटे, इद मुनेटा बामिह कीयना सीना कीसि, तना डीसा तोहतोग़. अदिह्‌कु ओनाङ कग़यवालोर, (ओग़ देवुळ लोहतोग़ राजाल मनदनोग़ इन्जि,) ओन नमतोर.

योहन 7:41

ओसो उय्तुर बारा, “आयो, वेग़ देवुळ लोहवाल पिसिह केवाल आंदोग़,” इनजोर इतोर. ओसो दुस्रोर इतोर, “देवुळ लोहवाल पिसिह केवाल गालिलताह बह वाया पग़यनोग़?

योहन 7:52

ओर पया वेन इतोर, “बह, निमा वने गालिल पटटोनिना? अन, सास्त्रमते पर्ह्‌किस ऊळा, गालिलताहि बोग़े देवुळता कबुरतोग़ वावोग़!” इतोर.

बळयिर 10:37

एते मीहवाल योहन इस्रयेल लोकुरिन तमा पापमता अग़दाहि मल्सि, देवुळता पेदिरते एग़ मीयलाहि पोकुर कींदोग़. ताना पया यहुदिरा बूमते बाताल बाताल आता, अदिन मीट पुतिरे. इतेके देवुळि नासरेत नाटेनोग़ येसुन निल्पिह कीसि, ओना तोळ मन्जि, तना पवित्र जीवाते, तना लावते ओन निहता. ओग़ गालिल पटटाहि सुरु कीसि, सबेटोर इस्रयेल मन्कलोरेनाह्‌क, बेसताङ कबस्क कीसोरे, देयह्‌कना मुक्यानाकय इळ्न मतोरग्डाहि, देयह्‌किन पूंडसोरे तिरियतोग़. इद पोल्‍लोतुन वने मीट पुतिरे.

बळयिर 23:10

ओरगा इचोटा जग्ळम आता इतेके, वेन हव्किह्‌तोर तेला इनजोर, सीपय्कना मुक्याल रेयतोग़. पया “पोलुन ओरग्डाहि पेसिह कीसि, सीपय्कना किलेतगा ओम्ह्‌टु,” इनजोर सीपय्किन उकुम ईतोग़.

बळयिर 5:33

पत्रुना पोल्‍लोतुन केंजिसि, तग्वाङ केवालोर पका ओङ आतोर. ओङ आतस्के, बळयिरिन हव्कलाह तयर आतोर.

बळयिर 7:54

इस्तिपन वळ्ह्‌कतद पोल्‍लोतुन केंजिसि, तग्वाङ केवालोरिह्‌क इचोन ओङ वाता इतेके, ओन ऊळिस तमाङ पल्क कोग़्कलाह बोटटोर.

बळयिर 7:57

इतस्के तग्वाङ केवालोर लोकुर, (वेग़ देवुळतुन पास्किह्‌तोग़ इनजोरे,) पकाय जोरते केयिसि तमाङ केव्किन मुचतोर, मुचिस उंदि विचरते वित वासि ओन पोयतोर.