लूकाल 23:2 - माडिया गोंड पवित्र सास्त्रम

² ओसि येसुना पोग़ोन इद्रम तप तोहता बोटटोर इतेके, “वेग़ मावा यहुदि जाततोरिन लेवाङ-मताङ काग़्हचि, लेसिह कीस्तोग़. ओसो कय्सर राजाह्‌क सिद्‌वा एमाटु इनजोर, लोकुरिन तग़्हतह्‌तोग़. वेग़ तन्के देवुळ लोहतोग़ पिसिह केवाल राजानन इनजोर वेहतह्‌तोग़,” इतोर.

लूकाल 23:2 Iomraidhean Croise

मत्याल 17:27

अद्रमे माट देवुळता मन्कलोरल इनजोरे, माक वने ताना मंदिरता सारा दल्गो. तेला मति ओर कोंटे कीयना आयो इन्जि, माट ओरिह्‌क ईकले. निमा सम्दुरकचुल अन्जि मीन्क कूसा. बेद मीन मुने दोर्कग़ा, अद मीनता तोडटुनु पळ्ह्‌किस ऊळा, अगा नीकु नीवा-नावा सारातुह्‌क आलनाहि, उंदि कल्दर बंडि दोर्कग़ा. अदिन ओसि दोह्‌चीम,” इतोग़. (पया पत्रु अहे कीतोग़.)

मत्याल 22:21

ओर इतोर, “कय्सर राजानाये!” इदिन केंजिसि येसु इतोग़, “अह इतेके, बेद रोम राजेमता कय्सर राजाना मन्ह्‌ता, अद ओन्के दोहचीम्ह्‌टु. मति बेदिन देवुळ ताल्ह्‌किह्‌ता, अदिन देवुळतुह्‌क दोहचीम्ह्‌टु.”

मत्याल 27:11

पया येसु गुमसिना मुनेह नितोग़. नितस्के, गुमसि ओन ताल्ह्‌कतोग़, “निमा यहुदिरा राजानिना?” “निमा इह्‌निन, अहे!” इनजोर येसु इतोग़.

मार्कल 12:17

इतस्के येसु ओरिन इतोग़, “अह इतेके बेद रोम राजेमता कय्सर राजाना मन्ह्‌ता, अद ओन्के ईम्ह्‌टु! ओसो बेद देवुळ ताल्ह्‌किह्‌ता, अदिन देवुळतुह्‌क ईम्ह्‌टु,” इनजोर इतोग़. पया इद्रम केंजिसि, ओर पका बयल आतोर.

मार्कल 15:2

पया पिलाति येसुन, “बह निमा यहुदिरा राजानिना?” इनजोर ताल्ह्‌कतोग़. पया येसु ओनु, “निमा इह्‌निन अहे,” इतोग़.

लूकाल 23:14

केयिसि इद्रम इतोग़, “लोकुरिन लेवाङ-मताङ पोल्‍लोङ काग़्हचि, लेसिह केवाल आंदोग़ इनजोर, मीट वेग़ येसुन इगा ततिर. इंजेक नना मीवा मुनेह वेन पर्ह्‌किस ऊळतन. मीट वेना पोग़ोन बेव पोल्‍लोना कसुर्क वाटटिर, अव पोल्‍लोनाङ कसुर्क इतेके, वेना लोप्पा नाक बाताङे दिसोङ.

लूकाल 23:5

मति मुडा लोकुर पका कैंगम आसोर कयर कींदुर, “वेग़ु गालिल पटटग्डाह इतेके, मावोर यहुदिर मनदनद सबे बूमतगा, लोकुरिन तनाङ काग़्हच लेसिह कीसोर, इगा एवनाह वातोग़,” इतोर.

योहन 18:29

अदिह्‌क पिलाति लोता पलत पेसिस ओरिन इतोग़, “मीट वेग़ मन्कना बेद कसुर तासिह्‌निर?”

योहन 18:30

ओर पिलातिन इतोर, “वेग़ कसुरतोग़ आयवेके, माट वेन नियके पोस तवोम आवेरोम, महरज,” इतोर.

योहन 19:12

इदिन केंजिसि, पिलाति येसुनु विळ्सलाह ऊळसोरेन मतोग़. मति यहुदिर इतेके, कियोग़-मुयोग़ केय बोटटोर, “निमा वेन विळ्सतिन इतेके, रोम राजेमता कय्सर राजाना अडम आतिन; (ओनगा माट नीवा रिपोट कीकोम). बोग़ नना राजानन इन्ह्‌तोग़, ओग़ कय्सरना अडमतोग़ु,” इनजोर इतोर.

बळयिर 24:13

नावा पोग़ोन वेर वाटटोर अव कसुर्कनाङ पोल्‍लोङ निटमे इनजोर तोहतलाह, वेरगा साक्सि वने इले.

बळयिर 24:5

वेग़ मन्कल जग्ळा पुटिह केवाल, बूममेंड मनवालोर सबेटोर यहुदिरा नडुम कोंटेङ पुटिह केवाल. ओसो वेग़ नासरिरा लाग्वद तुंगाता पेदामन्कल आंदोग़.

रोम सहरतोर 13:7

बोन्क बाताल ईयनद ओप्पिह्‌ता, अदिन ईम्ह्‌टु. इतेके सिद्‌वा एनवालोरिह्‌क सिद्‌वा दोहाटु, गरपटि एनवालोरिह्‌क गरपटि दोहाटु, अदिकरते मनवालोरिह्‌क रेयिस मान ईम्ह्‌टु.