लूकाल 21:15 - माडिया गोंड पवित्र सास्त्रम

¹⁵ मीक बाताल वळ्ह्‌कना मन्ह्‌ता, ताना बुदि नना मीक ईकन. मीवा कोटुलतोर मीवा पोल्‍लोतुन केंजतस्के, पोल्‍लो मल्हता पग़वोर आयनुर. मीवा पोल्‍लोतुन जोल वने तोहता पग़वोर आयनुर.

लूकाल 21:15 Iomraidhean Croise

लूकाल 12:12

मति अगा बाताल मीक वळ्ह्‌कना मन्ह्‌ता, देवुळता पवित्र जीवा अदे गट्काते मीक वेहतग़ा,” इनजोर इतोग़.

लूकाल 21:16

“ओसो मीवा तलोग़-तपे, दादाल-तमोग़, जीवातोरु, मीवा गोततोर वने, मीकु विरुदतोरा कयदे पोस ईयनुर, ओसो मियग्डाह उय्तुरिन हव्कनुर.

लूकाल 24:45

पया देवुळता पवित्र सास्त्रमताङ पोल्‍लोन पुनदलाह, येसु ओरिह्‌क बुद ईतोग़.

बळयिर 2:4

वास उदतस्के ओर कतमतोर देवुळता पवित्र जीवाते निंदतोर. अस्के देवुळता जीवा ओरिह्‌क (तमा पुनवव दुस्राङ-दुस्राङ देसेह्‌कनाङ पोल्‍लोने वळ्ह्‌कनद) बुद ईता. बुद ईतस्के ओर सबेटोर दुस्राङ-दुस्राङ देसेह्‌कनाङ पोल्‍लोने वळ्ह्‌क बोटटोर.

बळयिर 24:25

अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना, देवुळ आक्रिते दुनियामेटोरा नेयम बेद्रम कीयग़ा, इव पोल्‍लोन पोलु वेहतोग़. पया इव पोल्‍लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़.

बळयिर 26:28

अस्के अग्रिपा राजाल पोलुन इतोग़, “गळ्किह्‌के नाक किर्स्तुना विस्वसि कीयलाहि ऊळिह्‌निन अय?”

बळयिर 6:10

मति इस्तिपन देवुळता जीवा ईतद बुदते वळ्ह्‌कनदिन ऊळिसि, ओरु ओन तेल्वेने गेल्स पग़वोर.

इपिसुसतोर 6:19

मन्कलोर मुने पुनवालेवा मंदुर, अद पोल्‍लोतुन बेसता कबुरते, देवुळि इंजेके पुन्पिह कीता. तान पोकुर कीयलाहि, किर्स्तु नाक लोहतोग़. अदिनेनाह्‌क कोनि इंजेके नना जेलतगा मह्‌नन. नना तान पोकुर कीयनाये, अद नावा कबळ आंदु. अद इसबते देवुळि नावा तोडटगा पोल्‍लोङ ईयि, नना रेयवालेवा वेहतलाहि, नयेनाह्‌क वने पार्तना कीम्ह्‌टु.

याकुब 1:5

मियग्डाह बोन्क बुदता कमि मन्ह्‌ता, ओग़ देवुळतुन ताल्ह्‌केग़, अस्के देवुळ ओन्क ईयग़ा. बाराह्‌क इतेके, तान ताल्ह्‌कवालोर कतमतोरिह्‌के, अद नारज केवा लेकालेवा ईस्ता.