लूकाल 2:46 - माडिया गोंड पवित्र सास्त्रम

⁴⁶ इमा दिया ओन मंदिरताङ मंडानगा दोर्किह कीतोर. अस्के ओग़ यहुदि गूरुरा संगे उदिस, ओराङ पोल्‍लोङ केंजसोर, ओरिन पोल्‍लोङ ताल्ह्‌कसोर, ओरा संगे वळ्ह्‌कसोर मतोग़.

लूकाल 2:46 Iomraidhean Croise

मत्याल 12:40

इतेके योनाल बेद्रम नग़्का-पियल मूंड दियाङ बेरा मीनता पोटालोप्पा मतोग़, अद्रमे माने-मन्कना नडुम पुटटोनन, नना नग़्का-पियल मूंड दियाङ इद बूमता लोप्पा मिंजिस मनदकन.

मत्याल 16:21

अस्केडाहि येसु तनाङ कग़यवालोरिह्‌कु वेहता बोटटोग़, “नाकु येरुसलेम सहरते दायाय पोयह्‌ता. अग्डोर पेदल्कु, पेर्मालोर, सास्त्रमगूरुर, नाकु वेल्‍लाय तिपल कीयनुर, हव्कनुर, ताना पया मूंड दियाने नना तेग़्ककन, इव करलि, अद्रम आयनुङे!” इन्ज वेहतोग़.

लूकाल 2:47

ओना पोल्‍लो केंजसोर मतोर सबेटोर, “वेग़ पेकाल पका उसरतोग़ आंदोग़ रा! पका बुदते पोल्‍लो मल्हतह्‌तोग़,” इनजोर बामतोर.

लूकाल 5:17

अद्रमे उंद दिया बाताल आता इतेके, येसु बोनाय लोतगा देवुळता पोल्‍लो काग़्हचोर मतोग़. ओनाङ केंजवालोरगा उय्तुर परुसिरा तुंगातोर ओसो यहुदिरा सास्त्रमगूरुर उदिस मतोर. वेरु गालिल पटटाङ, यहुदा पटटाङ सबे नाह्‌कनाहि, अहे येरुसलेम सहरताहि, अगा वास मतोर. अद लोतगा येसु ओरिन काग़्हचोर मतोग़. अगा देवुळता लाव येसुसामिनगा मताह्‌कु, रोगमतोरिन बेस कींदोग़.

योहन 3:10

अस्के येसु ओन इतोग़, “निमा इस्रयेलतोरिन काग़्हवानिन बेरोग़ गूरुनिन आस तेला मति, इव गोटिङ नीक तेळियोङा?

बळयिर 5:34

मति ओरगा गमलियेल पेदिरतोग़ वग़ोग़ मतोग़, ओन यहुदिर पका कदर ईंदुर. ओग़ परुसिरा तुंगातग्डाहि देवुळता सास्त्रम काग़्हवाल गूरु मतोग़. ओग़ तेदिसि बळयिरिन अग्डाहि गळ्क पलते पेसिह कीयलाहि, सीपय्किन वेहतोग़.

1 तिमोति 1:7

ओरु मोसानाङ अडोङ काग़्हवालोर गूरुर आयलाह ऊळिह्‌तोर. मति ओर पका पुतोरा लेह्‌का वळ्ह्‌कतेकाय, ओर बाताङ काग़्हतह्‌तोर, अद ओरिह्‌के तेळियो.