लूकाल 2:26 - माडिया गोंड पवित्र सास्त्रम

²⁶ “बेचानाह देवुळ लोहवाल पिसिह केवाल किर्स्तुन निमा ऊळविन आयकिन, अचानाह डोलविन आयकिन” इनजोर, देवुळता जीवा ओन वेहच मता.

लूकाल 2:26 Iomraidhean Croise

मत्याल 2:12

पया वेन पेकान एरोद हव्कनोग़, इदिन देवुळ पुन्जि “एरोद राजानके मल्स अनमाटु,” इन्जि ओरिह्‌कु कलाते कबुर वेहता. अदिह्‌कु ओरु तमा देसेमतके दुस्रा अग़दुह्‌क पेसिस अतोर.

लूकाल 2:29

“जोहर सामि! इस्रयेल लोकुरिन पिसिह केवाल किर्स्तुन नावाङ कोंडाने नना ऊळतन! सबे देसेह्‌कनोर ऊळनाह, वेन निल्पिह कीस तासतिन. वेग़ पेकाल वेह्‌चलेह्‌का मनदनोग़, यहुदि आयवोरिन नीक पुन्पिह कीयलाह ओसो इस्रयेलतोर यहुदिरिह्‌क मान दोर्किह कीयलाह. अदिह्‌क निमा मुने वेहतप लेह्‌का, नना नीवा सेवकनन इंजेक सुकमते डोल पग़यकन,” इनजोर इतोग़.

लूकाल 9:27

इह केंजाट, सेतेमते नना वेहतह्‌नन, मियग्डाहि उय्तुर नावा संगे मनवालोरिर, हायनामुनेन देवुळि तना राजेम निल्पिह कीयनदिन मीट ऊळकिर,” इनजोर वेहतोग़.

योहन 1:41

अग्डाहि ओग़ मुने तमदादाल सिमोनिन वास कलियतोग़, कलियिस इतोग़, “माक देवुळ लोहतोग़ पिसिह केवाल दोर्कतोग़, रा!” (ओग़ पिसिह केवान युनानि पोल्‍लोते “किर्स्तु” इन्ह्‌तोर.)

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

योहन 8:51

इह केंजाट, नना सेतेम वेहतह्‌नन, बोर नावाङ पोल्‍लोङ केंजिस, अहलेह्‌का तिरियनुर, ओर बेस्केन हायोर आयनुर.”

बळयिर 17:3

देवुळ लोहतोग़ पिसिह केवाल किर्स्तु तिपल आसि डोलनाये मता, डोलिस ओसोवने जीवा अरयना मता इनजोर, देवुळता सास्त्रमतग्डाङ पोल्‍लोन उंद-उंद वचन तोहचि, तेळियिह कीस वेहतोग़. ओसो “बोग़ येसुना लोप्पा मीक वेहतन ओग़े येसु, पिसिह केवाल किर्स्तु आंदोग़,” इनजोर वेहतोग़.

बळयिर 2:36

मीट बोन हव्कनागुटातगा मोल्‍लाङ कोटिस हव्कतिर, ओग़े येसुन, देवुळि कतमतोरा माल्काल कीता, ओसो मीवा पिसिह केवाल राजाल कीताये. इद पोल्‍लोतुन सबेटोर इस्रयेलतोर बेस-नेह्‌ना पुनिर,” इनजोर पत्रु वेहतोग़.

बळयिर 9:20

अगा मनेके, सोलु यहुदिरा पार्तनाताङ लोह्‌कनगा अन्जि, येसुये देवुळता मग़ि इन्जि, पोकुर कीया बोटटोग़.

इब्रितोर 11:5

विस्वस कीताह्‌कु, हनोक डोलवाये मायतोग़, ओनु मेंदुल अग़्के जीवाते मनेकेने देवुळि तेहचि ओता. अद ओन ओयनामुने, ओग़ तान्क विचर वातप लेह्‌का ताकतोग़ इनजोर, सास्त्रम वेहतह्‌ता.