लूकाल 19:34 - माडिया गोंड पवित्र सास्त्रम

³⁴ अस्के ओरु, “सामिह्‌क तेना गर्ज अरता दादा,” इतोर.

लूकाल 19:34 Iomraidhean Croise

लूकाल 19:33

पया अद गाळ्‍द पियोतुन लेहचोर मतोर, अस्के गाळ्‍दताङ माल्कालोर, “मीट तान बाराह्‌क लेहतलाह आतिर रा?” इनजोर ताल्ह्‌कतोग़.

लूकाल 19:35

पया तान येसुनगा ततोर. तचि तमा मुचिस मतव गेंदेङ, गाळ्‍द पियोता पोग़ोन वाटटोर. वाटिसि ताना पोग़ोन येसुन उदिह कीतोर.

योहन 10:35

ओसो देवुळता सास्त्रम बेस्केन जोल आयो इन्जि माट पुह्‌नल. अद कालमते नेयम कीयलाह, बोरिह्‌क देवुळताङ पोल्‍लोङ दोर्कताङ, ओरिन देवुळबाबाल ‘देवुळ्कनिर’ इनजोर इतोग़. इतेके बोनु बाबाल पवित्र कबळतेनाह्‌क आचिस, इद दुनियाते लोहतोग़, ओनन ननाने देवुळता मग़नन इन्जि इतेके, अद बाता गल्ति? पया मीट नाकु देवुळतुन पास्किह्‌निन इनजोर, बाराह्‌कु कसुर तोहतह्‌निर?

योहन 12:16

इव गोटिङ येसुनाङ कग़यवालोरिह्‌क अद तूकने तेळियोङ आसि. मति इव गोटिङ येसुना लोप्पा सास्त्रमते मुने रासतव मताङ, ओसो अहे लोकुर ओन कीतोर, ओग़ पया डीसाते जीवा अरतस्के, कग़यवालोरिह्‌क तेना सीता वाता.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.