लूकाल 17:16 - माडिया गोंड पवित्र सास्त्रम

¹⁶ ओसो ओग़ येसुनाङ काल्क अर्सि, ओन जोहर कीतोग़. ओग़ मन्कल सामरि जाततोग़ु, (इतेके उड्ला जाततोग़) मतोग़.

लूकाल 17:16 Iomraidhean Croise

मत्याल 10:5

ओरिन येसु इद्रम काग़्हच लोहतोग़: “मावा इस्रयेल देसेमतोर इतेके, लेसताङ गोरेनलेह्‌का मन्ह्‌तोर, अदिह्‌क ओरेकेन मीट अन्ह्‌टु; मति ओरिन विळ्सिसि, दुस्राङ जातिनोरक्‍के मात्रम अनमाटु, अहे सामरिया पटटाङ नाह्‌कने नेङमाटु.

मत्याल 2:11

पया ओरु उका रोमतद लोतगा नेङतोर, अगा पेकानु, ओना तलोग़ मरियानु ऊळतोर, ऊळिसि पेकानाङ काल्क अर्सि, ओरु ओन दंडुम अरतोर. ओसो ओरु तमाङ सोमताङ पेटिनु तेंडिसि, बंगरि, वेल्‍ला दाराता दूपमि, अतर्नेयु, इद्रमताङ पेकाह्‌कु वाटटोर.

मार्कल 5:33

अस्के अद आंचाळि, सव्रेम आतन इनजोर पुन्जि, येसुनगा वाता. वासि रेयते साङसोर येसुनाङ काल्क अरता. अर्सि पया तन्क बह बह आता, अद सबे ओन सेतेम-सेतेम वेहता.

लूकाल 17:17

अस्के येसु इतोग़, “कतमतोर सव्रेम आतोर इसि. पया इंका नव मन्कलोर बेगाडुर?

लूकाल 5:8

अचो वेल्‍लाङ मीन्क पोयतदिन ऊळिसि, सिमोन पत्रु ओसो ओना तोळतोर पका बामतोर. बामिसि सिमोन येसुनाङ काल्क अर्सि, “सामि, नना पापि मन्कनन आंदन, नीवा एरे मनदलाह नना ओप्पोन!” इनजोर इतोग़.

योहन 4:9

पया अद इता, “एंह-एंह, निमा यहुदि जाततोनिन आसि, नाक सामरि जातता आंचानु एग़ उनडलाह ईम इनजोर, बेद्रम ताल्ह्‌किह्‌निन?” (अद इद्रम इता, बाराह्‌क इतेके यहुदि लोकुर सामरितोरिन विटळ तासिंदुर).

योहन 8:48

अस्के यहुदिराङ पेदल्क येसुन इतोर, “निमा सामरितोनिन पर्गेनिन, नीक देयम पोयता इनजोर माट इह्‌नोम, अद बह जोलिया?”

बळयिर 1:8

मति मियगा देवुळता जीवाता दळ्म अरतापया, मीक लाव दोर्कग़ा. अद लावते येरुसलेम सहरतगा, पूरा यहुदा पटटगा, सामरिया पटटगा, ओसो बूम मारेंगा एवनाह, नावा पोल्‍लोता साक्सितोरिर मनदकिर,” इन्जि वेहतोग़.

1 कुरिंततोर 14:25

ओना पोटालोप्पाडाङ मकिह कीतव पोल्‍लोङ पङ्ने आयनुङ. पया ओग़ दंडुम अर्सि, देवुळतुन मोळ्कनोग़, ओसो निटम देवुळि मीवा नडुम मन्ह्‌ता इनजोर, मीक इनदनोग़.(इद्रमलेह्‌का मीट तेळियतद बासाते वळ्ह्‌कतेके, मीट विस्वसिरिह्‌क देवुळता पिसिह कीयनद सीना ऊळलाह दोर्किह्‌ता.)

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.

तोहचीतव पोल्‍लोङ 4:10

वेर वीसा नालवुर पेदल्क वने, राजकुर्सतगा उदतदिनाङ काल्क अर्सि, अमेसा-अमेसातुह्‌क जीवात मनदनदिन मोळ्किह्‌तोर. ओसो तमाङ राजटोपिन, राजकुर्सता मुनेह तासिसि, इद्रम इन्ह्‌तोर:

तोहचीतव पोल्‍लोङ 5:14

इतस्के नालुङ आस जीवात मनदनव दिंचिङ, “इंगो आमेन” इनजोर इताङ. अहे ओसो पेदल्कु दंडुम अर्सि मोळ्कतोर.