लूकाल 16:17 - माडिया गोंड पवित्र सास्त्रम

¹⁷ ओकावेला पोग़ोटा बूमि ओसो इळ्ता बूमि बूळेम आयनुङ, मति देवुळताङ अडोना सास्त्रमतग्डा उंद गीता वन मायो आयग़ा.

लूकाल 16:17 Iomraidhean Croise

मत्याल 5:18

इह केंजाट, नना सेतेम वेहतह्‌नन, पोग़ोटा बूमि, इळ्ता बूमि बूळेम आनाह्‌जोम, पूरा सास्त्रम करल आयवालेवा, अडोना सास्त्रमते रासतविनग्डाहि उंद गीता, उंद सुनेतेला मायो आयग़ा.

लूकाल 21:33

पोग़ोटा बूमि, इळ्ता बूमि मायनुङ, मति नावा पोल्‍लो बेस्केन मायो आयग़ा.

रोम सहरतोर 3:31

अह इतेके, माट अडोन माग़्ङतप लेह्‌का आतला? आयो! विस्वस कीतेकेने, देवुळता जीवा माकु अडोङ वेहतप ताकिह कीस्ता.

2 पत्रु 3:10

मति मन्कलोरिह्‌क एर्का लेवस्के, कले वायना लेह्‌कान, सामि ओसोवने वायनद दिया वायग़ा. अस्के पोग़ोटा बूमि पका नेकसोर मायग़ा, अगा मनदनव सबेटव कर्विसि बूळेम आयनुङ. इळ्ता बूमि, ओसो तानगा कीतव सबे कबस्क पङ्ने आयनुङ.

तोहचीतव पोल्‍लोङ 20:11

पया उंद बेरा पांड्रि राजकुर्सतुन ऊळतन. ताना पोग़ोन देवुळि उदिस मतदिन ऊळतन. अचोटेने इळ्ता बूमि ओसो पोग़ोटा बूमि, ताना मुनेहताहि वितताङ. अविस्कना पता-जाडा वने दोर्को.

तोहचीतव पोल्‍लोङ 21:1

(देवुळि सबेटोर मन्कलोरिन नेयम कीतापया,) नना पोग़ोटा बूमि ओसो इळ्ता बूमि, पूना आतदिन ऊळतन. मुने मतद पोग़ोटा बूमि ओसो इळ्ता बूमि मायता. सम्दुर वने मायता.

तोहचीतव पोल्‍लोङ 21:4

देवुळि ओराङ सबे तिपल्किन जेक कीसि, ओराङ कंड्रिन उम्चिसीयग़ा. अद ओरा संगे मनाह्‌कु, मुनेता कालम मारिस अता; अदिनेनाह्‌क हामुर मनो आयग़ा, दुकम मनो आयग़ा, अळयनद मनो आयग़ा, तिपल आयनद मनो आयग़ा.”