लूकाल 16:11 - माडिया गोंड पवित्र सास्त्रम

¹¹ अदिनेनाह्‌क इद बूमतग्डा मालसोमतेने मीट सेतेमते इलवेके, देवुळि तना राजेमता मालसोमतुन मीवा कयदे बेद्रम ईयग़ा?

लूकाल 16:11 Iomraidhean Croise

मत्याल 6:24

“बोग़ाय इर्वुर माल्कालोरा सेवा-साकुर कीया पग़वोग़. बाराह्‌क इतेके ओग़ु ओर्विन बार कोटुल कीयनोग़, ओर्विन बार जीवा कीयनोग़. इलवेके ओग़ु ओर्विना पोल्‍लो केंजनोग़, ओर्विना पोल्‍लो बार केंजोग़ आयनोग़. अद्रमे मीट वने मालसोमु ओसो देवुळि, इव रेंडिना सेवा मुर्तिय कीया पग़विर.

लूकाल 12:33

मीवा पूरा मालसोमतुन वमिसि, लेवोरिह्‌क ईसीम्ह्‌टु. ओसो बेस्केन पाळ्ना आयवद बट्वातुन दोर्किह कीम्ह्‌टु. अह कीतेके, बेस्केन मारवद मालसोम, देवुळदीपतगा जमा कीकिर. अगा कलेर एवया पग़वोर, ओसो एल्म वने बूळे कीया पग़वो.

लूकाल 16:12

दुस्रोना मालसोमतुन मीट सेतेमते काळ्ङविर इतेके, देवुळ ईयनद तूस मीक बेद्रम दोर्कग़ा?

लूकाल 16:9

नना मीकु वेहतलाह आतन, इद दुनियाता मालसोमते, आपुह्‌क गोततोर दोर्किह कीम्ह्‌टु. बाराह्‌क इतेके अद मालसोम बेस्के मायग़ा, अस्के बेस्केन मायवव लोह्‌कने मीक जागा दोर्कग़ा.

लूकाल 18:22

ओना पोल्‍लोतुन केंजिसि येसु इतोग़, “(इंगो निटमे निमा उड्लग्डाहि अव अडोन माळसोर वातिन, मति) नियगा इंका ओसो उंद पोल्‍लोता कमि मन्ह्‌ता. अन! नियगा मनदनद सबे मालसोमतुन वमिसि, लेवोरिह्‌क तूसिसीम. अद्रम कीसि, निमा नावा संगे मन्जि नावाङ कग़या. अद्रम कीतिन इतेके, पोग़ोन देवुळता जागातगा नियेनाह्‌क निटमता मालसोम दोर्कग़ा,” इनजोर इतोग़.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

याकुब 2:5

मावोर विस्वसिरिर, केंजाट! इद दुनियातोरा इसबते बोर गरिबते मन्ह्‌तोर, ओरिन विस्वसते बेरोर कीयलाह, देवुळि आचताया, आचो? नावा राजेम मियेनाह्‌के आयग़ा इन्जि, देवुळि तन्क जीवा केवालोरेनाह्‌क पोल्‍लो विळ्सिस मता इन्जि पुतिर; अदे राजेम गरिबतोर विस्वसिरिह्‌क आयग़ाया, आयो?

तोहचीतव पोल्‍लोङ 3:18

अदिनेनाह्‌क नना मीक बुद काग़्हतह्‌नन, केंजाट: मीट (विस्वसता इसबते) मता मन्कलोरिर आयलाहि, नयग्डाहे किसते कारियिह कीसि, जूत कीतद बेसता बंगरतुन असाट. कूळल आसि लजा अर्स मनदनदिन दुस्रोर ऊळवाह, नयग्डाहे उहतलाह पांड्रि गेंदेङ असाट. मीवाङ कोंडानगा ओकलाह, नयग्डाहे मत असाट, अस्के तोवयकिर!