लूकाल 14:11 - माडिया गोंड पवित्र सास्त्रम

¹¹ बोग़े मनेग़, तना कुद नना बेरोनन इनदनोग़, ओन देवुळ उड्लोग़ कीयग़ा. मति तना कुद नना उड्लोनन इनदनोग़, ओन मात्रम देवुळ बेरोग़ कीयग़ा,” इनजोर इतोग़.

लूकाल 14:11 Iomraidhean Croise

मत्याल 23:12

बोग़ तन्क बेरोग़ कीयनोग़, देवुळि ओन उड्लोग़ कीयग़ा. अहे बोग़ कुलुल बुदते ताकिह्‌तोग़, ओन देवुळ बेरोग़ कीयग़ा.

लूकाल 1:51

देवुळि तना लाव तोहता, ओसो माट बेरोरोम इनवालोर पोमाडेङेरिन बिरोबटो कीता.

लूकाल 1:52

बेरोर मुक्यालोरिन तमाङ कुर्सिनाहि इळ्न रेहता, पोहचीतप मतोरिह्‌क बार मान ईता.

लूकाल 14:12

पया बोग़ येसुन लोन केयिस मतोग़, ओन वने येसु उंद पोल्‍लो इतोग़, “निमा पियल आयि, नग़्का आयि, गाटो तिनदलाह केयतेके, नीवा गोततोरिन, दादालोरिन, जीवा-तलातोरिन, ओसो नीवा एरे-गूरेतोर साव्कर्किन बह केयमा. बाराह्‌क इतेके ओर ओसो तमा लोन नीक केयनुर, इद्रम कीसि निमा केयतदिना बद्ला, नीकु ओर वने केयिसि देहचीयनुर.

लूकाल 18:14

पया ओर इर्वुरग्डाहि, सिद्‌वा एनवाले देवुळता मुनेह सेतेमतोग़ आसि लोन अतोग़. मति परुसि सेतेमतोग़ आयोग़. बाराह्‌क इतेके, बोग़ तन्क बेरोनन इन्ह्‌तोग़, देवुळि ओन उड्लोग़ कीस्ता. मति बोग़ तन्क उड्लोनन इन्ह्‌तोग़, देवुळि ओन बेरोग़ कीस्ता,” इद्रम वेहचि पीटोतुन येसुसामि मारिह कीतोग़.

याकुब 1:9

देवुळि तना मुनेह माक कदर ईता इनजोर, कदरलेवोर विस्वसिर गिर्दा आयना गावले.

याकुब 4:10

सामिना मुनेह मीट उड्ला बुदतोरिर आम्ह्‌टु. अह आतिर इतेके, मीकु तना मुनेह बेरा कीयग़ा.

याकुब 4:6

(बोग़ाय देवुळता विरुदतोग़ आतेक तेला, ओना पोग़ोन) देवुळ एक्‍वा दया तोहतह्‌ता. अदिनेनाह्‌क ताना सास्त्रमतगा इद्रम रासतद मन्ह्‌ता: नना बेरोनन इनवानु, देवुळि अडम मन्ह्‌ता, मति नना उड्लोनन इनवानु, देवुळि दया कीस्ता.

1 पत्रु 5:5

इहलेह्‌का मीट लेयोरिर वने, बेरोरा पोल्‍लोते वग़्ङिस मन्ह्‌टु. ओसो मीटु सबेटोर विस्वसि लोकुरिर बुदते उड्ला आसि, ओर्विह्‌क-ओर्वोग़ साय्ता आम्ह्‌टु. बाराह्‌क इतेके (पवित्र सास्त्रमवने इहे इन्ह्‌ता): नना बेरोनन इनवानु, देवुळि अडम आस्ता, मति नना उड्लोनन इनवाह्‌कु, देवुळि देय्वा ईस्ता. (इद पोल्‍लो मीट सीताते तासाटु.)

1 पत्रु 5:6

अदिनेनाह्‌कु मीटु बेरा लावता देवुळता मुनेह, माट उड्लोरोम इन्जि ताकतिर इतेके, ओप्पनद कगोते देवुळि मीक बेरा कीयग़ा.