लूकाल 11:32 - माडिया गोंड पवित्र सास्त्रम

³² अद्रमलेह्‌काने योनाना कबुरतुन निनवे सहरतोर केंजिसि, तमा पापमताहि मिळ्न्दतोर. इंजेके इगा योनाह्‌काय वीळिस बेरा पोल्‍लो मियगा एवता. (मति मीट इतेके मीवा पापमताहि मलविर.) अदिनेनाह्‌क आक्रि नेयमता दियाते, निनवे सहरतोर निचि, इद पीळतोरिन तप तासनुर,” इतोग़.

लूकाल 11:32 Iomraidhean Croise

मत्याल 12:39

अस्के येसु ओरिन इतोग़, “लाग्वोरु, देवुळतुन केंजवोरु, नावाङ बेरा डीसाताङ कबस्किन ऊळतोर इद पीळतोरु, नाक सीना ताल्ह्‌किह्‌तोर. मति योनाल इनवाल देवुळता कबुरतोन्क बह बह आता, सिरप अदे सीना नना ओरिह्‌क तोहतकन, तान विळ्सिस दुस्रा सीना तोहोन.

मत्याल 12:41

केंजाटु, योनाना कबुरतुन केंजिसि निनवे सहरतोरु, तमा पापमताहि मिळ्न्दतोर इन्जि पुतिर. ऊळाटु, योनाह्‌काय वीळिस बेरा पोल्‍लो मियगा एवता, (मति मीट इतेक केंजविर). अदिह्‌के आक्रि नेयमता दियाते, निनवे सहरतोर निचि, इद पीळतोरिनु तप तासनुर.

लूकाल 11:31

साल्मोन राजाना बुदताङ पोल्‍लोङ केंजलाहि, सीबा देसेमता रानि वेल्‍ला जेकताहि वाता; मति इंजेके इगा साल्मोनिह्‌काय वीळिस बेरा पोल्‍लो मियगा एवता; (तेला मति मन्कलोर अद पोल्‍लोतुन नमोर.) अदिनेनाह्‌क आक्रि नेयमता दियाते, अद रानि निचि इद पीळतोरा पोग़ोन तप तासग़ा.

इब्रितोर 7:26

येसु पवित्र मनवाल, बाताले कसुरलेवोग़, पापमता डागिल आयवोग़, पापि मन्कलोरग्डाहि एग़िस मन्जि, इंजेके पोग़ोन देवुळदीपतगा, सबेट्क बेरा कदरता जागाते उदवाल. इद्रमतोग़ पेर्माल मयेनाह्‌क बेस ओप्पिह्‌तोग़.