लूकाल 11:18 - माडिया गोंड पवित्र सास्त्रम

¹⁸ नाक देयह्‌कना मुक्याना साय्ताते देयह्‌किन पेसिह कीस्तोग़ इनजोर इह्‌निर. देयह्‌कना मुक्याल तनाय तोळताङ देयह्‌किन बाराह्‌क पेसिह केवालि? अद्रम देयह्‌कना मुक्याल ओसो ताना तोळताङ देयह्‌क, तमा तमा विरुद आतेके, अविस्कना राजेम बेद्रम नितग़ा?

लूकाल 11:18 Iomraidhean Croise

मत्याल 10:25

आयो, कग़यवाल गूरुनलेह्‌का ओसो ओर्युलतोग़ माल्कानलेह्‌का आयना, इचोने ओन्क बेसु. नना लोता माल्कानन मन्ज तेला, नाके ओर देयह्‌कना मुक्याल इन्ह्‌तोर; मीट इतेके लोता मन्कलोरिर इन्जि, मीक बेचोन वीळिस तिपल कीयनुर, इदिन सीताते तासाटु!

मत्याल 12:26

अद्रमे देयह्‌कना मुक्याल तनाङे देयह्‌किन पूंडटेके, अविस्कनगा वने कोंटेङ मन्ह्‌ताङ. पया अविना राजेम बह नितग़ा?

मत्याल 4:10

अस्के येसु तान इतोग़, “एय देयमतिन, निमा इग्डाहि विता, बाराह्‌क इतेके देवुळतुने मोळ्कना, तानाये माळना कीयना, इद्रम सास्त्रम वेहतह्‌ता.”

मत्याल 4:24

येसुनाङ कीताङ कबस्क पूरा सुरिया पटमेंड आबुर आताङ. अस्के सबे रीतिनाङ रोगह्‌कने ऊटेम आस मतोरु, कुर्मुटटप आतोरु, पटापुटा नोयनद दुकतोरु ओसो देयह्‌क पोयतोरु, कुळ्न्दिल रोगह्‌कनोरु, कय्क-काल्क वाग़तोरु, इद्रम सबे रोगह्‌कनोरिन येसुनके ततोर. ततस्के येसु सबेटोरिन सव्रे कीसीतोग़.

लूकाल 11:15

मति ओरग्डाहि उय्तुर बारा, “वेग़ बेल्जेबुब इनदनद देयह्‌कना मुक्याना साय्तातेने, देयह्‌किन मन्कलोरग्डाहि पेसिह कीस्तोग़ रा!” इनजोर इतोर.