लूकाल 10:11 - माडिया गोंड पवित्र सास्त्रम

¹¹ ‘मावाङ काल्कनगा तुंडटद मियग्डा दुरातुन इगान दुल्पिह्‌नोम, (मीट देवुळता पोल्‍लोतुन केंजविर इनजोर, इद दुरा साक्सि मनदग़ा.) मति देवुळि इतेके मन्कलोरगा राजेम कीयनद कगो एवयलाह आता, इदिन सीतात तासाटु,’ इनजोर वेहाटु.

लूकाल 10:11 Iomraidhean Croise

मत्याल 10:14

बेद नाटेनोर मीक एरे केवोर, मीवा कबुरतुन केंजोर, अद नाटेनाहि पेसनेके, (ओर देवुळता सिक्सातुह्‌क ओजिह्‌तोर इनजोर तोहतलाहि,) मीट मीवाङ काल्कना दुरातुन अगान दुल्पाटु.

मत्याल 10:7

मीट अनेके ‘देवुळता राजेम कीयनाङ दियाङ एवयलाह आताङ,’ इनजोर वेहचोर अन्ह्‌टु.

मत्याल 3:2

“देवुळि मन्कलोरगा राजेम कीयनद कगो एवयलाह आता. अदिह्‌क मीटु मीवा पापमताहि मिळ्न्दिसि देवुळतके वाटु,” इद्रम वेग़ वेहन्दोग़.

मार्कल 6:11

ओसो बेद नाटेनोर लोकुर मीक रोमलाह एवोर, मीवाङ केंजोर, अग्डाहि पेसना वेलाते, ओर देवुळता सिक्सातुह्‌क ओजिह्‌तोर इनजोर तोहतलाहि, मीवाङ काल्कना दुरातुन, अगाने दुल्पिसि पेसाटु,” इनजोर इतोग़.

लूकाल 10:10

मति बेदाय नाग़ अतस्के, अद नाटेनोर मीक बेस-नेह्‌ना ऊळवेके, अद नाटेनाङ बजर्क-बजर्क अन्जि, इद्रम वेहाट इतेके,

लूकाल 10:9

अद नाटेनाङ बेमरतोरिन सव्रे कीम्ह्‌टु, ओसो देवुळि मन्कलोरगा राजेम कीयनद कगो मियगा एवयलाह आता इनजोर वेहाटु.

लूकाल 9:5

बेद नाटेनोर लोकुर मीक रोमलाह एवोर, अग्डाहि पेसना वेलाते, ओर देवुळता सिक्सातुह्‌क ओजिह्‌तोर इनजोर तोहतलाहि, मीवाङ काल्कना दुरातुन अगाने दुल्पिसि पेसाटु,” इतोग़.

बळयिर 13:26

“मावोर इस्रयेलतोरिर, अब्रहम मुय्तोना पुळ्गतोरिर, यहुदिरा देवुळतुन मोळ्कवालोरिर, येसुसामि लोकुरिन पिसिह कीयनद कबुरतुनु, मयगाने देवुळि लोहचीता.

बळयिर 13:40

देवुळता कबुरतोर मुनेन (ताना पोल्‍लोतुन केंजवोरिह्‌क) इद्रम रासतोर इतेके, देवुळ इन्ह्‌ता, ‘इद ऊळाट, नावा पोल्‍लोतुन पास्कवालोरिर, नावा नेयमतस्के मीट बामिस डोलकिर, बाराह्‌क इतेके, मीवा वेलाते नना इद्रमता कबळ कीकन इतेके, बोग़ाय वासि मीकु तेळियिह कीतेके, नना इद्रम कीकन इन्जि, मीट मुर्तिय विस्वस केविर आयकिर,’ इनजोर देवुळि वेहता, इन्जि रासतद मन्ह्‌ता. ओर रासतद सिक्साता लेह्‌का मीक आयमाकि इन्जि, पुन्ज मन्ह्‌टु,” इनजोर वेहचि पोलु रोमतोग़.

बळयिर 13:46

मति पोलु, बार्नबस मुर्तिय रेयवालेवा इतोर, “मावोरिर, मीक यहुदिरिह्‌के, देवुळता पोल्‍लोतुन मुने वेहतना मता. मति मीट कोनि तान पास्किसि, अमेसाता पिसमुळतुन दोर्किह कीयना लेह्‌काडोर आयविर इन्जि तोहतिर. अदिह्‌क इंजेके माट इगा यहुदि आयवोरगा दाय्ह्‌नोम.

बळयिर 13:51

अस्के (मीट देवुळता सिक्सातुह्‌क ओजिह्‌निर इदिन तोहतलाहि,) पोलु, बार्नबस, तमाङ काल्कनगा तुंडिस मतद दुरातुन, ओरा मुनेह दुल्पतोर; दुल्पिसि इकुनियुम इनदनद सहरते अतोर.

रोम सहरतोर 10:21

इस्रयेल लोकुरा लोप्पा बार, देवुळि इद्रम इता: “नयगा मल्स वायिर इनजोर, वेल्‍लाय जोम ओरा अग़ ऊळतन. मति ओर कैंगम आसि, नावा पोल्‍लोतुन केंजोर,” इता, इनजोर यसयाल रासतोग़.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.