लूकाल 1:17 - माडिया गोंड पवित्र सास्त्रम

¹⁷ तपेर तमाङ पिलाङ-पेकोरिन बेस जीवा वाटनाह कीयनोग़, देवुळता पोल्‍लो केंजवोरिन सेतेम बुदतेके ओयनोग़. लोकुरिन सामि वायनदिनेनाह्‌क तयर कीयलाह, अद्रम कीयनोग़. एलिया मुय्तोह्‌क बुदि ओसो लाव ईतप लेह्‌का, ओन्क वने अदे लाव ईयग़ा. ओसो सामि वायनामुने, सामिना कबुरतुन मुनेह-मुनेह वेहचोर दायनोग़,” इनजोर देवतुल इता.

लूकाल 1:17 Iomraidhean Croise

मत्याल 11:14

मुनेतोर कबुरतोर बेस्के ‘(देवुळ लोहवाल राजाना मुने), एलियाल कबुरतोग़ इद बूमते मल्स वायनोग़,’ इनजोर इंदुर, अस्के ओरु योहनना लोप्पाने वेहन्दुर. इदिन पुनदलाह मीवा विचर मन्ह्‌ता इतेके पुन्ह्‌टु: योहन इतेके एलियाललेह्‌काडोग़े!

मत्याल 3:3

वेल्‍लाङे वर्साना मुने देवुळता कबुरतोग़ यसयाल इनवाल, पवित्र सास्त्रमते रासिस तासतोग़, अद इह मन्ह्‌ता, पेळ्ह्‌कल बूमते केयवाना उंदि बेरा आल्का वेनदा वास्ता: “सामि मीवा जीवातगा वायना इन्जि, ओना अग़दुन तीर्ह्‌काटु, ओना वायनद अग़दुन कसुम कीम्ह्‌टु.” इद्रम रासतोग़. इंजेके योहन पेळ्ह्‌कल बूमते वातस्के, अद पोल्‍लो करल आता.

मत्याल 3:4

मुनेता कालमते एलियाल कबुरतोना लेह्‌का, योहननाङ केग़यनाङ केनकेनेताङ, इतेके रूटुह्‌कनाङ केल्कने कोटटद गेंदे उहन्दोग़, नंडटुह्‌कु तोलाता पेटा दोहन्दोग़. ओना तिंडि इतेके पापेङ, ओग़्वेनेय अचोने मंदु.

लूकाल 1:16

ओग़ मीवा वेल्‍लाटोर इस्रयेल लोकुरिन तमा देवुळतके मल्हच ततनोग़.

लूकाल 1:76

ए नावा पेकानिन! नीक इंजेके बेरा डीसाता देवुळता कबुरतोग़ इनदनुर. बाराह्‌क इतेके, मावा देवुळि पका जीवा लोपिसि, तना लोकुरा पापमतुन मापि कीस पिसिह कीयग़ा इनजोरे, निमा सामिना अग़दुन मुनेह-मुनेह तीर्ह्‌कसोर दाकिन. पंङवियतस्के ईकळ मायिह्‌ता, अद्रमलेह्‌का माट पापमता ईकळते ताकवालोरगा, हामुरतुह्‌क रेयवालोरगा देवुळ लोहवाल पिसिह केवाना वेह्‌च दींचग़ा, ओग़ माक देवुळता संगे गूनम आनाह कीयनोग़.” इनजोर जकरिया मुय्तोग़ इतोग़.

योहन 1:13

देवुळताङ मग़्क-मयास्‍क आयना इतेके, मन्कना पोटाते, मन्कना विचर मतप पुटना लेह्‌का आयो, मति विस्वस केवालोरिह्‌कु पूना पुटमुळि देवुळिये ईस्ता.

योहन 1:34

अह आतदिन नना कोंडामेंड ऊळतन, ऊळिसि वेग़ देवुळताय पेकाल आंदोग़ इन्जि, मीक साक्सि ईय्ह्‌नन,” इन्जि योहन वेहतोग़.

योहन 3:28

नना देवुळ लोहतोग़ पिसिह केवानन आयोन मति, लोकुराङ जीवानगा ओना अग़ि तयर कीयलाह, देवुळि नाक लोहता, इह इनजोर नना वेहतन, इदिन मीट केंजतिरे!

बळयिर 10:33

अदिनेनाह्‌क नना तोप्नेन नियेके कबुर लोहतन. निमा एवतिन अदिह्‌क पकाय बेस कीतिन. इंजेके देवुळि नीक वेहतव सबे पोल्‍लोन केंजलाहि, माट देवुळता मुनेह जमा आतोम,” इनजोर कुरनेलि इतोग़.

रोम सहरतोर 9:23

बाराह्‌क इद्रम केपसोर मन्ह्‌ता इतेके, बोर लोकुरिन तना संगे, तना मान-डीसाता जागाते तासना इन्जि, सुरुमुनेन आचता, ओरा पोग़ोन इंजेके दया कीसि, नना बेचोटा बेरा देवुळतन इनजोर, सबेटोर लोकुरिह्‌क तोहतलाह आता; अदिनेनाह्‌के केपिह्‌ता.

2 तिमोति 2:21

(विस्वसिरा लोप्पा वने इद्रमलेह्‌काने.) नना पोग़ोन वेहतव लाग्वाङ कबस्कनाहि, बोग़ तन्क सुद्रे कीस्तोग़, ओग़ एळ्मतोर वातस्के काळ्ङनद मादा लेह्‌कान, तना माल्काल देवुळता कबळतेनाह्‌क एग़िस मन्ह्‌तोग़. ओसो देवुळता कबळतुह्‌क अरयह्‌तोग़, सबे बेसताङ कबस्क कीयलाह तयर आस मन्ह्‌तोग़.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

1 योहन 2:28

ए पेकोरिर, किर्स्तुना संगे जोळेम आस मन्ह्‌टु. अद्रम मतेके, ओग़ बेस्के इद बूमते मल्स वायनोग़, अस्के माट रेयवल आयकल. ओसो ओग़ वायह्‌पा, ओना मुनेह लजा आयवालेवा मनदकल.

तोहचीतव पोल्‍लोङ 20:4

पया नना राजकुर्सिन ऊळतन. अविस्कना पोग़ोन बोर उदिस मतोर इतेके, बूमतगा मनदह्‌पा उच्वुर मन्कलोर अद रकसतुन, ताना बोमातुन, मोळ्कवोरु. ताना सीनातुन तमाङ तला-कपरानगा, कय्कनगा रासवोरु. ओर येसुना ओसो देवुळता पोल्‍लोता साक्सि ईताह्‌कु, विरुदतोर ओराङ तलान डायिस मतोर. अद्रम डोलतोर मन्कलोराङ जीवाङ, अव राजकुर्सिनगा उदिस मतदिन ऊळतन. देवुळि ओरिह्‌क नेयम कीयनद अदिकर ईता. ओर ओसोवने जीवा अर्सि, किर्स्तुना संगे अजर वर्साङ आनाह, राजेम ताकिह कीतोर.