योहन 8:19 - माडिया गोंड पवित्र सास्त्रम

¹⁹ तेन केंजिस ओर ताल्ह्‌कतोर, “अह इतेक नीवा बाबाल बेगाडोग़?” ताल्ह्‌कतस्के, “नना निटम बोनन आंदन, इदिन मीट पुनविर, ओसो नावा बाबान वने पुनविर. मीटु नाक पुन्ज मतेके, नावा बाबान वने पुनेरिर,” इन्जि येसु ओरिन इतोग़.

योहन 8:19 Iomraidhean Croise

योहन 16:3

ओर बाबान पुनोर, नाक वने पुनोर इन्जि, इद्रम मीक तिपल कीयनुर.

1 कुरिंततोर 15:34

इव पोल्‍लोना लोप्पा पुन्ज मन्ह्‌टु. देवुळतुह्‌क विचर वातप बेस बुदते मन्ह्‌टु, पापम कीयनद विळ्साटु. मीक लजा वानाह उंद पोल्‍लो इह्‌नन, मियगा उच्वुर मन्कलोरिर देवुळतुन इंका पुनविरे.

योहन 7:28

अस्के येसु मंदिरते काग़्हनेके बेह्‌राङ वळ्ह्‌कतोग़, “‘माट नीक पुह्‌नोम, ओसो निमा बेग्डोनिन इन्जि माक एर्काय,’ इनजोर इह्‌निर. नना नावाय विचरते वावोन. मति नाक लोहतोग़ ओग़ सेतेमतोग़ आंदोग़, ओन मीट पुनविर.

योहन 1:10

ओग़ इद दुनियातेन वातोग़, ओनाय मेटे देवुळि दुनियातुन पुटिह कीता, मति ओग़ बोग़ आंदोग़ इन्जि, दुनियातोर पुनोर.

मत्याल 11:25

अस्के येसु देवुळतुन जोहर कीस इतोग़, “ए बाबा! इळ्ता, पोग़ोटा बूमता सामिनिन! नना नीक जोहर कीय्ह्‌नन, बाराह्‌क इतेके निमा इव सेतेम पोल्‍लोनु, बुदतोरोम, पका तेळियतोरोम इनवालोरिह्‌क तोहवालेवा, उड्लोरोम, बुदलेवोरोम इनवालोरिह्‌क तोहतिन.

2 योहन 1:9

किर्स्तु काग़्हतव पोल्‍लोनु, बोग़ विस्वस केवा जेक दास्तोग़, ओग़ देवुळता संगे जोळेम आयोग़. मति किर्स्तु काग़्हतव पोल्‍लोन, बोग़ विस्वस कीसोर मन्ह्‌तोग़, ओग़ देवुळबाबाना ओसो ओना मग़ना संगे वने, जोळेम आस मन्ह्‌तोग़.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

गलातितोर 4:9

इंजेक बार मीट देवुळता एरे वातिर (आयो, देवुळिये मीक एरे कीता), मीट बेद्रमि दुनियाताङ अङ्ळमताङ पाय्दालेवाङ उतुर्कना पेग़्के, ओसो मल्स दायलाह आतिर? अविस्कना लेकाने बेद्रम मीटु ओसो एग़्कलाह ऊळिह्‌निर?

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

योहन 15:21

नाक लोहतोग़ बाबान वेर पुनवाह्‌कु, मीट नावाङ कग़यवालोरिर इन्जि, मीकु इद्रमताङ तिपल्क ईयनुर.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

कुलुसितोर 1:15

देवुळबाबाल दिसोग़ मति, ओना मग़ि येसुन ऊळतस्के, देवुळबाबान ऊळतपे आंदु. दुनियाते पंडटव सबेटविना पोग़ोन येसुनाय अदिकर मन्ह्‌ता.

इपिसुसतोर 1:17

नना इद्रम पार्तना कीय्ह्‌नन: मावा येसुसामि किर्स्तुना देवुळतुन, डीसातोग़ बाबान मीट पूरा पुनदना इन्जि, ओग़ मीक तना बुदि ईयेग़, तनाङ विचर्किन मीक पुन्पिह कीयेग़.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

1 योहन 2:23

बोग़ु देवुळता मग़िन जेक तासिह्‌तोग़, ओनगा देवुळबाबाना तोळ इले. मति बोग़ ओना मग़िन (नावा पिसिह केवाल इन्जि) कबुल कीस्तोग़, ओनगा देवुळबाबाना तोळ मन्ह्‌ता.