योहन 7:18 - माडिया गोंड पवित्र सास्त्रम

¹⁸ तमाङे विचर्किन वळ्ह्‌कवालोर, तमाये पेदिरतुन बेरा कीयलाह ऊळिह्‌तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्‌तोग़, ओग़े सेतेमतोग़ मन्ह्‌तोग़, ओनगा बातय जोल मनो आस्ता.

योहन 7:18 Iomraidhean Croise

मत्याल 6:9

अदिनेनाह्‌क देवुळता संगे बाताङ वळ्ह्‌कनवु, अविन मोदुल कीसि मीकु पुन्पिह कीसीय्ह्‌नन, अव इहलेह्‌का मन्ह्‌ताङ: जोहर सामि, मावा देवुळदीपतोग़ बाबानिन, सबेटोर नीवा पेदिरतुन मान ईयिर.

योहन 11:4

इद कबुर केंजिसि येसु इतोग़, “इद दुकि ओना जीवा तिनदलाह वावो, मति देवुळता डीसा तोहतलाह, अहे इवटे देवुळता मग़िह्‌कु मान दोर्कना इन्जि, अद दुक पुटटा,” इतोग़.

योहन 12:28

बाबा, नीवा डीसातुन निमा तोहा!” इन्जि येसु इतोग़. अह इतस्के, पोग़ोटा बूमताहि आल्का केंज वाता, “नना नावा डीसातुन तोहतन, ओसोवने तोहतकन.”

योहन 12:43

बाराह्‌क इतेके, देवुळतेनाह दोर्कनद कदरतुह्‌काय एक्‍वा, ओरिह्‌कु मन्कलोरेनाह दोर्कनद कदर बेस आता.

योहन 5:41

“मन्कलोर नाकु कदर ईतेकाय, एवेकाय, नाक पर्वा इले.

योहन 8:54

येसु ओरिन इतोग़, “नना नाके कदर ईतेके, अद कदरता बातय पाय्दा इले. मति बोन मीट ‘मावा देवुळबाबाल आंदोग़,’ इनजोर इह्‌निर, ओग़े नावा बाबाल नाक कदर ईस्तोग़.

1 तिसलुनितोर 2:6

मियगा मनदह्‌पा, माट येसु किर्स्तुनाङ बळयिरोम, अदिनेनाह्‌क मीट माक मान ईयना इनजोर वेहतलाह, माक अदिकर मताये. मति मीट आयि, बोर दुस्रोर आयिर, मन्कलोर माक इद्रम मान ईयिर इनजोर, माट विचर केवोम. मति पाल ऊहतनद तलोग़, तनाङ पिलाङ-पेकोरिन बेद्रम बेस-नेह्‌ना अय कीस्ता, अद्रम माट वने मीवा संगे उड्लोरा लेह्‌का, कुलुल बुदते मतोम.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

1 योहन 2:29

ओसो किर्स्तु सेतेमतोग़ आंदोग़ इनजोर, मीट पुतिर इतेके, मियग्डाहि बोरु सेतेमताङ कबस्क कीस्तोर, ओरिह्‌क पुटमुळि देवुळिये ईता, इदिन वने पुन्ह्‌टु.