योहन 5:18 - माडिया गोंड पवित्र सास्त्रम

¹⁸ येसु इह इताह्‌कु, यहुदिराङ पेदल्क ओसो ओन हव्कलाह कोहन्दुर, बाराह्‌क इतेके ओरा विचरते येसु रेंड कसुर्क कीतोग़. उंदि इतेके पोल्वादियाते कबळ कीयना, ओसो दुस्रा इतेके देवुळतुन नावाय बाबाल इनजोर, नना देवुळता बराबरतोनन इतप वळ्ह्‌कना, इव रेंडु.

योहन 5:18 Iomraidhean Croise

मत्याल 12:5

अद्रमे पोल्वादिया मतेकाय, बूमयालोरिह्‌कु मंदिरता माळना कबळ कीयना पोलिह्‌ता, अस्के ओर पोल्वादियाता अडोतुन कळ्‍वोग़ केवोर, इदिन मीटु सास्त्रमते अर्वविरा?

योहन 1:19

अस्के पया यहुदिराङ पेदल्क बाताल कीतोर,येरुसलेम सहरताहि देवुळता मंदिरतगा माळवालोर बूमयालोर, देवुळवडेर, वेरिनु योहनिन ऊळिस वाटु इन्जि लोहतोर. वेर योहननगा वासि “देवुळ लोहवाल पिसिह केवाल राजाल वावाल मतोग़, ओग़ बह निमानेया?” इनजोर योहनिन ताल्ह्‌कतोर.

योहन 10:30

बाबाल, नना, माट उंदिये मह्‌नोम,” इन्जि येसु वेहतोग़.

योहन 10:33

“आयो, बेसता कबळतेनाह्‌क नीक माटु बंडाङ उकिस हव्कोम. मति निमा मन्कल आसि, ननान देवुळतन इतपु, देवुळतुन उस्किस-पास्किस वळ्ह्‌कतिन; अदिह्‌क नीकु माट हव्ककोम,” इनजोर यहुदिराङ पेदल्क इतोर.

योहन 14:23

येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर. बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.

योहन 14:9

अस्के येसु ओन इतोग़, “पिलिप, नना इचोक दियाङ मीवा ऐंगे मन्ज तेला, निमा नाक पुनविना? बोग़ नाक ऊळतोग़, ओग़ बाबान ऊळतपे मन्ह्‌तोग़. इतेके निमा बाबान माक तोहा इनजोर, बेद्रम इह्‌निन?

योहन 19:7

अस्के (माक ओन हव्कलाह अदिकर इले इनजोर पुन्जि) यहुदिर ओन इतोर, “मावा सास्त्रमताङ अडोङ मन्ह्‌ताङ, अव अडोङ वेहतपु, वेग़ु नना देवुळता मग़नन इनजोर इताह्‌कु, वेग़ हायनाय गावले.”

योहन 5:15

अग्डाह पया वेग़ अन्जि “नाक दुकतग्डाहि तेग़्किह कीतोग़, ओग़ येसुये आंदोग़,” इनजोरे यहुदिराङ पेदल्किन वेहतोग़.

योहन 5:16

अदिनेनाह्‌कु यहुदिराङ पेदल्क येसुन कट्ला कीयलाह आतोर, बाराह्‌क इतेके पोल्वादियाते ओग़ इद्रमताङ कबस्क कीस्तोग़ इनजोरे.

योहन 5:17

अस्के येसु ओरिन इतोग़, “नावा बाबाल नेंड एवनाहि कबळ कीसोरेन मन्ह्‌तोग़, (पोल्वादियाते वने कीस्तोग़े). अद्रमे नना वने कबळ कीय्ह्‌नन,” इनजोर इतोग़.

योहन 7:1

इव गोटिना पेग़्के, गालिल पटटाङ नाह्‌कने, येसु लोकुरिन काग़्हचोरे वेलियिंदोग़. यहुदिराङ पेदल्क ओन हव्कलाह ऊळिंदुर, अदिह्‌कु ओन्क यहुदा पटटे वेलिय वसो.

योहन 7:19

मोसा मुय्तोग़ इतेक मीकु अडोना सास्त्रम ईतोग़, तेन सीता कीम्ह्‌ट. मति मियग्डाहि वग़ोग़ वने अव अडोन माळोग़. मीटे बराबर माळविर इतेके, नाक बाराह्‌कु हव्कलाह ऊळिह्‌निर?” इन्जि येसु इतोग़.

योहन 8:54

येसु ओरिन इतोग़, “नना नाके कदर ईतेके, अद कदरता बातय पाय्दा इले. मति बोन मीट ‘मावा देवुळबाबाल आंदोग़,’ इनजोर इह्‌निर, ओग़े नावा बाबाल नाक कदर ईस्तोग़.

योहन 8:58

येसु ओरिन इतोग़, “इह केंजाट, नना सेतेम वेहतह्‌नन, अब्रहम मुय्तोह्‌काय सुरुमुनेतोनन नना मतन, इंजेक ओसो मह्‌नन!”

पिलिपितोर 2:6

ओग़ पूरा देवुळिय मतोग़. अद्रम मन्ज तेला, देवुळता बराबरतोनन इनजोर अद अदिकरतुन पोस मनोग़.

तोहचीतव पोल्‍लोङ 22:1

पया अद देवतुल नाक उंद बेरेग़ तोहता. अद बेरेटा एग़ु आदुर्कना लेह्‌कान, सिरसिर एडिस मता. अद एग़ु जीवा ईयनद मता. देवुळता ओसो गोरेपिलाता राजकुर्सतग्डाहि, अद बेरेग़ पोङसोर मता.

तोहचीतव पोल्‍लोङ 22:3

अद सहरतगा, देवुळ सरप ईतद बेदे मनो आयग़ा; मति देवुळि ओसो गोरेपिला, अविना राजकुर्सि अगा मनदग़ा. देवुळतुन माळवालोर ताना सेवा कीयनुर.