योहन 4:39 - माडिया गोंड पवित्र सास्त्रम

³⁹ पया बार आता इतेके “नना बाताङ बाताङ कीतनो, अविन कतम पुतोग़ु वग़ोग़ नाक वेहतोग़,” इन्जि वेहतनद अद आंचाना गोटटुन केंजिसि, अद नाटेनोर सामरि जाततोर वेल्‍लाय मुल, देवुळ लोहतोग़ राजाल येसुये आंदोग़ इन्जि नमतोर.

योहन 4:39 Iomraidhean Croise

मत्याल 10:5

ओरिन येसु इद्रम काग़्हच लोहतोग़: “मावा इस्रयेल देसेमतोर इतेके, लेसताङ गोरेनलेह्‌का मन्ह्‌तोर, अदिह्‌क ओरेकेन मीट अन्ह्‌टु; मति ओरिन विळ्सिसि, दुस्राङ जातिनोरक्‍के मात्रम अनमाटु, अहे सामरिया पटटाङ नाह्‌कने नेङमाटु.

योहन 1:37

योहन इद्रम इताह्‌कु, वेर इर्वुर कग़यवालोर केंजिसि, येसुना पयाह अतोर.

योहन 11:45

मरियान कलियलाह वातोर यहुदिर, येसु बह बह कीतोग़, अदिन ओर कतम ऊळतोर. ऊळिसि अग्डोर वेल्‍लाटोरे ओन नमतोर.

योहन 4:30

अस्के वेर नाटेनाहि पेसिसि, ओनक्‍के वायलाह आतोर.

योहन 4:38

बेदिनेनाह्‌क मीट मुने कह्‌टेम केविर, अदिन कोयलाह नना मीक लोहतन. नना कह्‌टेम कीसि देवुळता पोल्‍लो वेहतह्‌नन, दुस्रोर वने मुने वेहच मतोर, मति मावा कह्‌टेमता पंटा कोयलाह मीट वने कलियतिर,” इन्जि येसु तनाङ कग़यवालोरिन वेहतोग़.

योहन 4:40

ओर सामरियातोर येसुनगा वातोर, वासि ओन इनदलातोर, “ए गूरु, मयगान निद्र कीम,” इनजोर इताह्‌कु पया, ओर अद नाटे रेंड दियाङ आनाह मतोर.

योहन 4:42

ओर नाटेनोर अद आंचान इतोर, “सिरप निमा वेहताह्‌के माट नमोम, मति इंजेके माट कुदि ओनाङ केंजतोम. केंजिसि दुनियातोरिन पिसिह केवाल निटम वेग़े आंदोग़ इनजोर, माट पुह्‌नोम,” इतोर.

योहन 4:5

सामरिया पटटा सूकर नाटेना कचुलि, यहुदिरा मुनेतोग़ पेदामुय्तोग़, याकुब इनवाल, तनमग़ि योसेपिह्‌क ईतद जागा मता. अदे जागातगा येसु एवतोग़.

योहन 4:8

(ओनाङ कग़यवालोर इतेके, तम्क तिनदलाह तिंडि असलाह नाटे अन्ज मतोर. अदिह्‌के ओन्क एग़ तोग़लाह बोग़े इलेग़.)