योहन 3:17 - माडिया गोंड पवित्र सास्त्रम

¹⁷ देवुळि तना मग़िनु इद दुनियातोरिन सिक्सा ईयलाह लोहो, मति दुनियातोर ओना मेटे पिसना इन्जि, देवुळता विचर मता.

योहन 3:17 Iomraidhean Croise

मत्याल 18:10

“उसरते मन्ह्‌ट, नाक नमवालोर उड्लोरिनु बोने बार मीट पोहचीतप ऊळमाटु. बाराह्‌क इतेके वेरिन ऊळनव देवतुल्कु देवुळदीपते मन्ह्‌ताङ, अविस्किह्‌क अमेसा नावा बाबाना मुनेह अन्जि वेहतलाह अदिकर मन्ह्‌ता, इदिन मीट सीताते तासाटु.

मत्याल 18:11

“[लेसतोरिनु पिसिह कीयलाहे, माने-मन्कना नडुम पुटटोनन, नना वातन.]

लूकाल 19:10

माने-मन्कना नडुम पुटटोनन नना लेसतोरिन पर्ह्‌कलाह, ओसो ओरिन पिसिह कीयलाहि वातन, इदिन सीता कीम्ह्‌टु,” इनजोर इतोग़.

लूकाल 9:56

पया ओर अग्डाह दुस्रा नाग़ अतोर.

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

योहन 11:42

निमा नावाङ अमेसाये केंजिह्‌निन इनजोर, नाक एर्काय मन्ह्‌ता. तेला मति निमा नाक लोहतिन इनजोर, सर्ने निच मनवालोर लोकुर पुनदना इन्जि नमनेनाह्‌कु, नना इद्रम वळ्ह्‌कतन,” इतोग़.

योहन 17:18

बहलेह्‌का निमा नाकु दुनियातोरगा लोहतिन, अद्रमे नना वने वेरिन इद दुनियातोरगा लोहतन.

योहन 17:21

ए बाबा, बेद्रम निमा, नना, ऐंगे जोळेम आस मह्‌नल, अहे ओर सबेटोर उंद आसि मयगा जोळेम आस मनिर. अस्के निमा नाक लोहतिन इनजोरे, दुनियातोर पुनदनुर.

योहन 17:25

“ए सेतेमतोग़ बाबानिन, नीक दुनियातोर पुनोर; मति नना नीक पुह्‌नन. ओसो निमा नाक लोहतिन इनजोरे, नाक नमवालोर वने पुन्ह्‌तोर.

योहन 17:3

निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना, इदे अमेसाता पिसमुळ आंदु.

योहन 17:8

बाराह्‌क इतेके बेव गोटिङ निमा नाक वेहतिन, अविस्किन नना वेरिह्‌क वेहतन. नना वेहतस्के वेर अविस्किन पोयतोर, पोसि नना नियग्डाहि पेसिस वातन इनजोर, वेर करले पुतोर, ओसो निमाने नाक लोहतिन इन्जि वेर नमतोर.

योहन 20:21

ओसो उंद मल्का येसु ओरिन इतोग़, “मीक सुकम दोर्कि, रेयमाटु! बहलेह्‌का बाबाल नाक इद दुनियाते लोहतोग़, अहलेह्‌का नना वने मीक दुनियाते लोहतह्‌नन.”

योहन 3:34

बोनु देवुळि लोहता, ओग़ु देवुळताङे पोल्‍लोङ वेहतह्‌तोग़. बाराह्‌क इतेके देवुळि तना जीवाते ओन पूरा निहता इनजोरे.

योहन 5:36

“मति योहनना साक्सितुह्‌काय नयगा ओसो बेह्‌रा साक्सि मन्ह्‌ता. बेव कबस्किन मारिह कीयलाह, नावा बाबाल नाक लोहतोग़, बेव कबस्किन नना कीय्ह्‌नन, नाक बाबाल लोहतोग़ इनजोरे, अवे कबस्क मीक तोहतह्‌ताङ.

योहन 5:38

ओसो मीट ओना पोल्‍लोतुन, मीवा जीवाते गडिह कीस तासविर; तासिस मतेके ओग़ लोहतोन मग़िन मीट नमेरिर.

योहन 5:45

नना बाबाना मुनेह मीवा पेटळ तप तासकन, इद्रम इह्‌निर बहे, मति नना तप तासोन. केंजाट, मीटु मोसानाङ अडोन नोमिह्‌नोम इन्जि, आसा तासिस मह्‌निर, ओग़ मोसाले मीवा पेटळ तप तासनोग़.

योहन 6:29

अस्के येसु ओरिन इतोग़, “मीट बहे केमाटु, मति देवुळ लोहतोना पोग़ोन, इतेके नावा पोग़ोन मीट बर्वस तासना, इदे मीट कीयना इन्जि, देवुळता विचर मन्ह्‌ता,” इतोग़.

योहन 6:38

बाराह्‌क इतेके नना नावा विचरते कीयलाह आयो, मति नाक लोहतोना विचर मतप कीयलाह, देवुळदीपताहि रेगतन.

योहन 6:40

बोर देवुळता मग़िन पुन्जि नाक नमनुर, ओरिह्‌क अमेसाता पिसमुळ दोर्कग़ा, ओसो नना ओरिन आक्रिता दियाते मल्स जीवा अर्हतना, इद्रम नावा बाबाना विचर मन्ह्‌ता,” इन्जि येसु इतोग़.

योहन 6:57

नाक लोहतोग़ जीवात मनवाल बाबाल, ओनाय मेटे नना वने जीवात मह्‌नन. अहलेह्‌का बोर नावा मेंदुदुन तिनदनुर, ओर वने नावा मेटे जीवात मनदनुर.

योहन 7:29

नना मात्रम ओन पुह्‌नन, बाराह्‌क इतेके नना ओनग्डाह वातन, ओग़े नाक लोहतोग़,” इनजोर इतोग़.

योहन 8:11

“गूरु, नाक बोग़े बातय इनोग़,” इन्जि इता. “नना वने नीकु सिक्सा ईयलाह तयर इलेन. अन, इंजेटाहि निमा नीवा पापमतुन विळ्सिस मन,” इनजोर येसु तान इतोग़.]

योहन 8:42

अस्के येसु ओरिन इतोग़, “देवुळबाबाल मीवा बाबाल आस मतेके, मीट नाक जीवा केवेरिर; बाराह्‌क इतेके नना देवुळताहि पेसिस वातोनन आंदन. नना नावाय गिर्दाते इद बूमतगा वावोन, मति नावा बाबाल लोहताह्‌के, नना वातन.

1 योहन 2:2

मावा पापमता मापि आयना इन्जि, मावा सिक्सातुन तना पोग़ोन एचि, डोलिस मतोग़. सिरप मावाय आयो, मति पूरा दुनियामेटोरा पापमतेनाह्‌क डोलिस मतोग़.

1 योहन 4:14

इद दुनियातोरिन पिसिह कीयलाहि, देवुळबाबाल तना मग़िन लोहतोग़ इनजोर, माट ऊळतोम. ओसो अद पोल्‍लो निटमे मन्ह्‌ता इनजोर, साक्सि मह्‌नोम.