योहन 21:3 - माडिया गोंड पवित्र सास्त्रम

³ अस्के सिमोन पत्रु ओरिन इतोग़, “नना मीन्क पोयतलाह दाय्ह्‌नन, डा,” इतोग़. “माट वने नीवाय संगे वाय्ह्‌नोम, डा,” इन्जि ओर ओडाते पेसतोर. मति अद नग़्का ओरिह्‌क उंद मीन वन दोर्को!

योहन 21:3 Iomraidhean Croise

लूकाल 5:5

इतस्के सिमोन इतोग़, “गूरु! माट नग़्का पिळ्‍विळ इद एतगा तिपल आतोम, माक उंद वने मीन दोर्को, इंजेक बेगा दोर्कनुङ? अले निमा इह्‌निन अदिह्‌क, ओडातुन मुनेह ओसि वदिङ वाटिस ऊळकोम,” इतोग़.

योहन 21:4

पया पंङवियतस्के येसु वासि, सम्दुर दडटगा निच मतोग़. तेला मति ओग़ येसु आंदोग़ इन्जि, कग़यवालोर पुनोर.

बळयिर 18:3

ओर आळ इर्वुर टमिङ पंडिस वमना दंदा कींदुर. पोलु वने टमिङ पंडिंदोग़, अदिह्‌क ओग़ वने ओरगा मन्जि, अद कबळ कींदोग़.

बळयिर 20:34

इव नावाङ कय्किन ऊळाट, इवे कय्कने कबळ कीसि, नावा ओसो नावा तोळतोर मन्कलोरा पिसवग़ आता, इदिन मीट पुतिरे.

1 कुरिंततोर 3:7

इतेक तेना बाताल अर्तमि? वीतवाल ओसो एग़ अर्हवाल बातोरे आयोर, मति बेर्सिह कीयनद देवुळिये मोदुल आंदु.

1 कुरिंततोर 9:6

कबळ केवालेवा मियगा उदिस तिनदलाह नना, बार्नबस, सिरप माक इर्वुरिह्‌के अदिकर इलेया? (मीक बेसता कबुरतुन पोकुर कीयलाहि, मावाङे कोताङ बाराह्‌क कर्सा केवेरोम?)

1 तिसलुनितोर 2:9

मावोर विस्वसिरिर! मियगा मनदह्‌पा, माट बेद्रम एपुर पेसनाह कह्‌टेम कीतोम, इदिन मीट सीता कीय्ह्‌निर! मियग्डाहि बोनगाने माट ताल्ह्‌किस तिनदनद आयो इन्जि, नग़्का पिळ्‍विळ पियल-पोळ्‍दु, कबळ कीस तितोम! अद्रम मनजोरे मीक देवुळता बेसता कबुरतुन पोकुर कीतोम.