योहन 2:9 - माडिया गोंड पवित्र सास्त्रम

^9-10 पया ओग़ मुक्याल अद एतुनु उचुन ऊतिस ऊळतस्के, अद एग़ पूरा अंगुर जोमा मारियिस मता. इद बोग़ ततोग़ इनजोर, ओन्क मुर्तिय तेळियो; एग़ निहवालोरिह्‌क बारा, इद पोल्‍लो एर्का मता. अस्के कुळ्पता मुक्याल मर्मपेकान केयिस इतोग़, “बोराय बेसतल अंगुर जोमा मुने ईस्तोर, तान लोकुर उन्जि मिटस कीस्तोर, पया केनकेनेता जोमा ईस्तोर. निमा मात्रमि बेसतल अंगुर जोमा, इंजेक एवनाह पिसिह कीस तासतिन,” इन्जि मुक्याल इतोग़.

योहन 2:9 Iomraidhean Croise

मत्याल 27:34

अस्के ओरु येसुना मेंदुदुह्‌कु नोयनद पुनदनायो इन्जि, येसुह्‌कु अंगुर जोमाते कयमुल जबाता जोमा काल्ह्‌पिसि, उनडलाह ईतोर. मति ओग़ु अदिन वडिस ऊळतस्के, उनोन इतोग़.

मत्याल 9:15

अस्के येसु इतोग़, “मावा नडुम मर्मपेकाल मन्ह्‌तोग़ इन्जि, संगेतोर मर्मिनस्के उपस ओसो बार्किया कीयनुर? मति कोटुलतोर वासि मर्मपेकान ओरग्डाहि एग़्‍पिह कीसि पोस ओयनुर, इद्रमता वेला वायग़ा, अद तूकने ओर दुकम आसि तिनोर आयनुर,” इन्जि इतोग़.

योहन 2:8

पया येसु ओरिन वेहतोग़, “इंजेके उचुन तेंडिसि, कुळ्प ऊळवाल मुक्यानगा ओम्ह्‌टु.” अस्के ओर ओतोर.

योहन 4:46

पया येसु ओसोवने गालिल पटटा काना इनदनद नाटे वातोग़. इदे नाटे कोनि, ओग़ मुने एतुनु अंगुर जोमा मारियिह कीस मतोग़. गालिलता कापेर्नाटे, सर्करता ओर्वोग़ साय्बाल मतोग़, ओना पेकाल पका दुक अर्स मतोग़.

योहन 7:17

मियग्डाहि बोग़ाय देवुळ वेहतप ताकनद विचर कीयनोग़, ओन्कु इव नना काग़्हतनव गोटिङ बारा नावाङो, आयवेक देवुळताङो इनजोर तेळियग़ा.