योहन 2:11 - माडिया गोंड पवित्र सास्त्रम

¹¹ इद्रमि येसु गालिल पटटा काना नाटे, इद मुनेटा बामिह कीयना सीना कीसि, तना डीसा तोहतोग़. अदिह्‌कु ओनाङ कग़यवालोर, (ओग़ देवुळ लोहतोग़ राजाल मनदनोग़ इन्जि,) ओन नमतोर.

योहन 2:11 Iomraidhean Croise

योहन 1:14

देवुळता जीवात मनदनद पोल्‍लो, मावा लेह्‌का कय-कादोग़ आसि, मन्कना रूपते मावा बूमतगा वाता. ओग़ु देवुळता पूरा देय्वातुनु, पूरा सेतेमतुनु पोसि, मावा नडुम जागा आतोग़. ओग़ देवुळबाबाना वग़ोग़ मग़ आंदोग़; माट ओना डीसातुन ऊळतोम. (ओग़े येसु किर्स्तु आंदोग़.)

योहन 1:17

इतेके मोसाल इनवाल देवुळता कबुरतोना मेटे, देवुळताङ अडोङ माक अस्के दोर्किस मताङ; येसु किर्स्तुना मेटे बार देवुळता सेतेमि, ओसो ताना दया मयगा एवता.

योहन 1:43

इमा दिया येसु गालिल पटटे दायलाह तयर आतोग़. आतस्के पिलिप इनवान कलियिसि ओन इतोग़, “नावा संग वय, नावाङ कग़या,” इतोग़.

योहन 1:50

“(बोग़े ऊळवाय मतोग़ अस्के,) नीकु नना अंजिर मराता इळ्न ऊळतन, इद्रम इताह्‌कु नाक निमा विस्वस कीय्ह्‌निना? निमा तेन्काय ओसो बेह्‌रा डीसाताङ पोल्‍लोङ ऊळकिन.

योहन 10:41

अस्के ओनक्‍के वेल्‍लाय मुल वातोर, वासि इतोर, “योहन वेना लेह्‌का बातय बामिह कीयना सीना तोहोग़, निटमे! तेला मति योहन वेना लोप्पा बेव गोटिङ वेहच मतोग़, अव सबे करलताङे आंदुङ इनजोर, वेग़ु देवुळ लोहतोग़ पिसिह केवाल राजाले मनदनोग़!” इन्जि, अग्डोर वेल्‍लाटोरे येसुन नमतोर.

योहन 11:15

ओसो मीवा विस्वस बोल्गग़ा इन्जि, ओग़ डोलतस्के नना ओनगा इलेन आसि, इदे नाक बेसु. मति बार आयो, दट, माट ओनक्‍के दाकल,” इनजोर इतोग़.

योहन 11:47

अदिनेनाह्‌क पेर्मालोर ओसो परुसिर वेरु, यहुदिराङ सेह्‌नालोरिन केयिसि, मीटिङ उदिह कीतोर. अस्के पया इतोर, “ओग़ इतेके वेल्‍लाङे बामिह कीयनाङ सीनाङ तोहतह्‌तोग़. माट बह केमेन मनदनाया?

योहन 12:18

येसु इद सीना तोहतोग़ इन्जि, तेना साक्सि केंजताह्‌कु, लोकुर ओन कलियलाह वातोर.

योहन 12:37

ओरा मुनेह इचोटाङ बामिह कीयनाङ सीनाङ येसु तोहतोग़; तेला मति ओग़ देवुळ लोहतोग़ पिसिह केवाल आंदोग़ इन्जि ओर नमोर.

योहन 12:41

(देवुळता दळ्मि ओना पोग़ोन अरताह्‌कु,) यसयाह्‌कु येसुना डीसा दिसता, अदिह्‌क ओग़ु येसुना लोप्पा इद्रम आयना मन्ह्‌ता इन्जि, मुने वळ्ह्‌किस मतोग़.

योहन 14:13

ओसो मग़ना लोप्पा बाबाना डीसा दिसना इन्जि, मीट बेव गोटिनु, माट नीवाङे लोकुरोम इन्जि ताल्ह्‌ककिर, अविन नना कीकन.

योहन 16:27

बाराह्‌क इतेके बाबाल कुदि मीक जीवा कीस्तोग़. मीट नाक जीवा कीयलाह आतिर, ओसो नना देवुळताहि वातन इनजोर नमलाह आतिर, अदिह्‌क बाबाल मीक जीवा कीस्तोग़.

योहन 16:30

इंजेक निमा कतमतविनु पुह्‌निन इनजोरे माक तेळियता. इनजोर कोनि बोग़ाय नीक ताल्ह्‌कनद गर्ज इले. अदिह्‌क इंजेक माटु निमा देवुळताहि वातिन इनजोर, सेतेम पोयह्‌नोम,” इतोर.

योहन 2:1

पया मूंड दियाने, गालिल पटटा काना नाटेनगा बोनाङो मर्मिङ मताङ, अगा येसुना तलोग़ वने मता.

योहन 2:23

येसु आवना पंडुमता वेलाते, येरुसलेम सहरते मनदह्‌पा, वेल्‍लाटोर ओनाङ बामिह कीयनाङ सीनान ऊळतोर. ऊळिसि येसुये देवुळ लोहतोग़ पिसिह केवाल आंदोग़ इन्जि ओर नमतोर.

योहन 3:2

ओग़ उंद दिया नग़्का येसुन कलियलाह वातोग़, वासि, “गूरु, इव निमा कीयनव सीनाङ, देवुळता तोळलेवा बोग़े कीया पग़वोग़. अदिह्‌के निमा देवुळताहे वातोनिन गूरुनिन इन्जि, माक एर्का आता,” इनजोर ओग़ येसुन इतोग़.

योहन 4:46

पया येसु ओसोवने गालिल पटटा काना इनदनद नाटे वातोग़. इदे नाटे कोनि, ओग़ मुने एतुनु अंगुर जोमा मारियिह कीस मतोग़. गालिलता कापेर्नाटे, सर्करता ओर्वोग़ साय्बाल मतोग़, ओना पेकाल पका दुक अर्स मतोग़.

योहन 4:54

इद्रमि ओसो उंद मल्का येसु यहुदा पटटाहि गालिल पटटे वासि, सीना तोहतोग़.

योहन 6:14

येसु कीतद इचोटा बेरा सीनातुन ऊळिसि, लोकुर इनदलातोर, “बोग़ मोसानलेह्‌का देवुळता कबुरतोग़ इद दुनियाते वावाल मतोग़, ओग़ निटमे वेग़े आंदोग़ रो!”

योहन 6:2

ओग़ वेल्‍लाङे रोगह्‌किन सव्रे कीयनव सीनान ऊळसोर मताह्‌कु, वेल्‍लाय मुल ओना पयाह पयाह अंदुर.

योहन 6:26

अस्के येसु ओरिन इतोग़, “इह केंजाट, नना सेतेम वेहतह्‌नन, मीटु नावाङ बामिह कीयनाङ सीनाङ ऊळताह्‌कु आयो, मति पंजनाह आरिङ तिताह्‌कु, ओसोवन दोर्कनुङ बहे इनजोर नाक पर्ह्‌किह्‌निर.

योहन 6:30

अग्डोर नाटेनोर ओन ताल्ह्‌कतोर, “अह इतेके माट नीक नमना इन्जि, माक बेद्रमता सीना तोहतकिन? निमा बाताल कीकिन?

योहन 7:31

तेला मति अग्डा मुडग्डाहि वेल्‍लाटोरे येसुन नमतोर. “देवुळ लोहवाल पिसिह केवाल वायनोग़ अस्के, वेन्काय एक्‍वा बामिह कीयनाङ सीनाङ तोहतनोग़ा?” इन्जि ओर इनदलातोर.

योहन 9:16

तेन केंजिस उय्तुर परुसिर इतोर, “ओग़ मन्कल देवुळताह इलेग़, मतेके ओग़ पोल्वादियाते इद सव्रे कीयना कबळ केवोग़ आवेग़.” ओसो उय्तुर इतोर, “इंगो मति बोग़ाय पापि मन्कल, इद्रमताङ बेह्‌राङ सीनान बह तोहता पग़यनोग़?” इद्रम तमतमाय वह्‌चिसि, ओर रेंड तुंगाङ आतोर.

2 कुरिंततोर 3:18

इंजेके माट सबेटोर विस्वसि मन्कलोरल, मोसाना लेह्‌का आयवल. मावा मोकमतुन मुळ्हच मतद गेंदे तेंडटप लेह्‌कान आता. अदमतगा ऊळना लेह्‌कान, माट इंजेके येसुसामिना मान-डीसातुन ऊळिह्‌नल. ओसो ओग़ तना जीवाता मेटे, माक बद्ले कीसोर दायलाह आतोग़. माट ओना लेह्‌कान आयना इन्जि, बेस-नेह्‌ना बद्लेम आसोर दायलाह आतल.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

1 योहन 5:13

देवुळता मग़ि येसुसामिना पोग़ोन विस्वस केवालोरिर, अमेसाता पिसमुळ इंजेके मियगान मन्ह्‌ता इन्जि, मीट पुनदना इनजोर, रासलाह आतन.