योहन 17:5 - माडिया गोंड पवित्र सास्त्रम

⁵ ए बाबा, इद दुनिया पुटनामुने, बेद्रम माट इर्वल ऐंगे डीसातोरल मतल, अद्रमे इंजेके नीवा संगे नाक डीसातोग़ आयलाह ईमु.

योहन 17:5 Iomraidhean Croise

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

योहन 10:30

बाबाल, नना, माट उंदिये मह्‌नोम,” इन्जि येसु वेहतोग़.

योहन 14:9

अस्के येसु ओन इतोग़, “पिलिप, नना इचोक दियाङ मीवा ऐंगे मन्ज तेला, निमा नाक पुनविना? बोग़ नाक ऊळतोग़, ओग़ बाबान ऊळतपे मन्ह्‌तोग़. इतेके निमा बाबान माक तोहा इनजोर, बेद्रम इह्‌निन?

योहन 17:1

इव गोटिङ वळ्ह्‌कतस्के, येसु पोग़ोटा बूमतेके ऊळतोग़, अह कीस देवुळबाबान वळ्ह्‌कतोग़, “ए बाबा, नावा हायना कगो एवता. बोरिन निमा नाक ईतिन, ओर सबेटोरिह्‌क नना अमेसाता पिसमुळ ईयना इन्जि, निमा नाक माने-मन्कना पोग़ोन अदिकर ईतदे मन्ह्‌ता. अहलेह्‌का बाबा, नना नीक मान ईयना इन्जि, निमा नाक मान ईमु.

योहन 17:24

“बाबा, ओरिन निमाने नाक ईतिन. ओर नावा डीसातुन ऊळनेनाह्‌क, बेगा नना दाय्ह्‌नन, अगाने ओर वने नावा संगे मनदना, इदे नावा विचर आंदु. अद डीसा निमा नाक ईतिन बाराह्‌क इतेके, दुनिया पुटनामुनेने नाक जीवा कीतिन.

योहन 3:13

माने-मन्कना नडुम पुटटोनन, नना देवुळदीपताहि रेगतन; नाक विळ्सिसि, देवुळदीपतगा अतोग़ु बोग़े इलेग़.(अदिह्‌के देवुळदीपताङ गोटिङ वेहतलाह अदिकर नयगा मन्ह्‌ता.)

योहन 8:58

येसु ओरिन इतोग़, “इह केंजाट, नना सेतेम वेहतह्‌नन, अब्रहम मुय्तोह्‌काय सुरुमुनेतोनन नना मतन, इंजेक ओसो मह्‌नन!”

पिलिपितोर 2:6

ओग़ पूरा देवुळिय मतोग़. अद्रम मन्ज तेला, देवुळता बराबरतोनन इनजोर अद अदिकरतुन पोस मनोग़.

इब्रितोर 1:10

सामि! सुरुमुने निमान पूरा बूमता जोता दोहतोनिन, निमान पोग़ोटा बूमतगा मनदनव सबेटविन पंडटोनिन.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

1 पत्रु 1:20

इदे कबळतुह्‌क इन्जि, देवुळि येसुनु इदु बूमि पुटनामुनेने, आचिस मता; मति इंजेके इव आक्रिताङ दियानेन, येसु मियेनाह्‌कु इन्जि, इद बूमते वासि, दुनियातोरिह्‌क दिसतोग़.

1 पत्रु 1:21

येसु मियेनाह्‌क बाताल कीतोग़, तान ऊळिसि मीटु देवुळता पोग़ोन विस्वस तासिह्‌निर. देवुळि येसुनु हामुरताहि जीवा अर्हचि, ओन्कु बेरा पेदिर ईसि तासता. तासताह्‌कु, मीटु देवुळता पोग़ोन विस्वस तासिसि, करलता आसाते मह्‌निर.

1 योहन 1:2

बोग़ देवुळता पिसमुळ आंदोग़, ओन देवुळि मन्कल मारियिह कीस लोहताह्‌कु, माट ओन ऊळतोम, अद पोल्‍लोता साक्सि माट ईयलाह आतोम. ओसो माट ओन पुनदनामुने, ओग़ देवुळबाबाना संगे मतोग़, ओग़ अमेसाता पिसमुळ एवाना लोप्पा, मीक वेहतलाह आतोम.

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

तोहचीतव पोल्‍लोङ 3:21

बोर बोर लाग्वाङ पोल्‍लोन गेल्सनुर, ओरिनु नना नावा संगे राजेम ताकिह कीयलाह अदिकर ईकन. बेद्रम नना लाग्वाङ पोल्‍लोन गेल्सिसि, नावा बाबाल उदिस ताकिह कीयनद राजकुर्सतगा ओना संगे उदतन, अद्रम ओरिन उदिह कीकन.