योहन 15:9 - माडिया गोंड पवित्र सास्त्रम

^9-10 “बेद्रम बाबाल नाक जीवा कीतोग़, अद्रमे नना वने मीक जीवा कीतन. नना बाबानाङ केंजिसि ओना पोल्‍लोतुन माळिह्‌नन, अदिह्‌क ओग़ नाक जीवा कीयनदिन पुनजोरेन मह्‌नन. अद्रमलेह्‌काने मीट वने नावाङ केंजिसि नावा पोल्‍लोतुन माळाटु; अस्के मीट वने नना मीक जीवा कीयनदिन पुनजोरेन मनदकिर.

योहन 15:9 Iomraidhean Croise

योहन 15:11

नावा लेह्‌का मीट गिर्दाते मनदना, ओसो मीवा गिर्दा पूरा निंदना इन्जि, मीक इव गोटिङ नना वेहतन.

योहन 15:13

बोग़ाय तनाङ गोततोरेनाह्‌क तना जीवा ईयनद, तेन्क वीळिस बेदे गूनम बेरा इले.

योहन 17:26

बेद्रम निमा नाक जीवा कीय्ह्‌निन, अद्रमे वेर वने जीवा केवालोर आयना. ओसो नना वने वेरगा जोळेम आस मनदना इन्जि, नना नीक ओरिन पुन्पिह कीसीतन, ओसो कीसोर मनदकने,” अह इन्जि येसुना पार्तना मारता.

योहन 3:35

देवुळबाबाल तनमग़िन जीवा कीसि, ओना कयदे कतमे ईतोग़.

इपिसुसतोर 3:18

अह मतेके, वेहता वावप अचोन लेकालेवा, किर्स्तु माक जीवा कीस्तोग़ इनजोर, मीटु ओसो देवुळता मन्कलोर सबेटोर पुनजोर दाकिर. अद्रम आसोर, मीवा गून देवुळता गूनता लेह्‌का बाताले कमिलेवा मनदग़ा.

1 योहन 2:28

ए पेकोरिर, किर्स्तुना संगे जोळेम आस मन्ह्‌टु. अद्रम मतेके, ओग़ बेस्के इद बूमते मल्स वायनोग़, अस्के माट रेयवल आयकल. ओसो ओग़ वायह्‌पा, ओना मुनेह लजा आयवालेवा मनदकल.

यहुदाल 1:20

मति नावा गोततोरिर! मीट देवुळताहि दोर्कतव पवित्र पोल्‍लोने बेस मेग़्किस मनदना इन्जि, ओर्विह्‌क-ओर्वोग़ तोळ आम्ह्‌टु. देवुळता पवित्र जीवा मीक वेहतप, पार्तना कीम्ह्‌टु.