योहन 13:34 - माडिया गोंड पवित्र सास्त्रम

³⁴ “अदिह्‌क नना मीक उंदि पूना उकुम ईय्ह्‌नन: मीटु ओर्विह्‌क-ओर्वोग़ जीवा कीम्ह्‌टु. बेद्रम नना मीक जीवा कीतन, अहे मीट वने ओर्विह्‌क-ओर्वोग़ जीवा कीम्ह्‌टु.

योहन 13:34 Iomraidhean Croise

मत्याल 5:44

मति नना मीक वेहतह्‌नन, मीट मीवाङ कोटुलतोरिन वने जीवा कीम्ह्‌टु, ओसो बोर मीक तिपल कीस्तोर, ओर बेस पिसिर इनजोरे, देवुळतुन कोळ्‍व कीसोर ताल्ह्‌काटु.

योहन 15:17

मीट ओर्विह्‌क-ओर्वोग़ जीवा कीम्ह्‌टु, इदे मीकु नावा उकुम आंदु.

योहन 17:21

ए बाबा, बेद्रम निमा, नना, ऐंगे जोळेम आस मह्‌नल, अहे ओर सबेटोर उंद आसि मयगा जोळेम आस मनिर. अस्के निमा नाक लोहतिन इनजोरे, दुनियातोर पुनदनुर.

रोम सहरतोर 12:10

तमोग़-दादाना लेह्‌कान, ओर्विह्‌क-ओर्वोग़ जीवा कीम्ह्‌टु. ओर्विह्‌क-ओर्वोग़ उड्ला बुदते मान ईयलाह उसर आम्ह्‌टु.

रोम सहरतोर 13:10

दुस्रोरिन जीवा कीतेके, ओरिन बाताले कोटुल कीया वावो. इद्रमलेह्‌का माट जीवा कीतल इतेके, देवुळताङ पूरा अडोन माळतप आतल.

रोम सहरतोर 13:8

देवुळि माक लेकालेवा जीवा कीताह्‌कु, माट वने दुस्रोरिन जीवा कीयनाय गावले. इद करातुन विळ्सिसि, दुस्रा बेदे कराता मोता मियगा मनमाकि. सास्त्रमतगा रासतव मोसानाङ अडोन मीट पुतिरे: साट्याल कबळ केमा, दुस्रोन हव्कमा, कलमा, दुस्रोना मादगा कोंडा केमा इनजोर रासतद मन्ह्‌ता. मोसानाङ सबे अडोङ, सास्त्रमता उंदिय पोल्‍लोते माळतप आताङ. अद बेद इतेके, निमा कुदतुन जीवा कीयना लेह्‌का, दुस्रोरिन वने जीवा कीम.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

गलातितोर 5:6

इतेके किर्स्तु येसुन नमतेके, डायना रिवज कीयनदु बार आयो, केवद वन बार आयो; येसुनगा विस्वस तासिसि, दुस्रोरिन जीवा कीयना, इदे मोदुल पोल्‍लो आंदु.

गलातितोर 6:10

अदिनेनाह्‌कु माक बह मोका दोर्किह्‌ता, अह माट सबेटोरेनाह्‌क बेसताङ कबस्क कीयिङ, कास कीसि मावोर विस्वसिरेनाह्‌कु. (इद्रमलेह्‌का माट देवुळता जीवाता पेग़्के ताकना गावले.)

गलातितोर 6:2

मीट ओर्विना-ओर्वोग़ तिपलतुन-मोतातुन कांजाटु. इदे रीतते किर्स्तु वेहतद अडोतुन माळकिर.

इपिसुसतोर 5:2

किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़. बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.

1 तिसलुनितोर 3:12

माट मीक जीवा कीतप लेह्‌का, मीट वने विस्वसिरिर, ओर्विह्‌क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम. मावा सामि येसु तनाङ सबे पवित्र देवतुल्कना संगे ओसोवने वायह्‌पा, मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़ इनजोर वने, पार्तना कीयलाह आतोम.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

इब्रितोर 13:1

मीट उंदिय लोतोरा लेह्‌कान, ओर्विह्‌क-ओर्वोग़ जीवा कीसोर मन्ह्‌टु.

याकुब 2:8

ओसो निटम मीट देवुळता राजेमताङ अडोङ माळतिर इतेके, पका बेस कीय्ह्‌निर. देवुळता सास्त्रम वेहतपु, निमा कुदतुन जीवा कीतपु, दुस्रोरिन वने जीवा कीम.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

2 पत्रु 1:7

अद्रम ताकसोर, मीवा तोळतोर विस्वसिरा संगे गूनमते मनदलाह ऊळाटु; अद्रम मन्जि, सबेटोर मन्कलोरिन वने जीवा कीसोर अन्ह्‌टु.

1 योहन 3:11

माटु ओर्विह्‌क-ओर्वोग़ जीवा कीसोर मनदना, इद पोल्‍लोतुन इतेके, मीट सबेटोरिर विस्वसते वातग्डाह केंजतिर.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.

1 योहन 4:21

देवुळि माक इद्रम उकुम ईता: बोग़ देवुळतुन जीवा कीस्तोग़, ओग़ तना ऐंगेटोग़ विस्वसिन वने जीवा कीयना गावले.

2 योहन 1:5

केंजा! नना नीक पूना उकुम रासोन; मति माट मुने केंजतल, अदे उकुमतुन रासलाह आतन. इतेके माट ओर्विह्‌क-ओर्वोग़ जीवा कीयना, इदे अद उकुम आंदु.