योहन 12:10 - माडिया गोंड पवित्र सास्त्रम

^10-11 मति पेर्मालोर पट आसि, लाजरिन वने हव्कलाह ऊळिंदुर. बाराह्‌क इतेके येसुना लोप्पा ओनाय साक्सितेनाह्‌क, वेल्‍लाटोर यहुदिर ओरिन विळ्सिसि येसुन नमिंदुर.

योहन 12:10 Iomraidhean Croise

मत्याल 12:14

मति ओर परुसिर पलत पेसिसि, येसुन बह कीस हव्ककल इनजोरे, तमतमाय वळ्ह्‌कतोर.

मत्याल 2:16

ओर मुवुर मिसर देसेमते अतापया, उकान ऊळवालोर नाक नाळेह कीतोर इनजोर ऊळिसि, एरोद राजाल पकाय ओङ आतोग़. ओङ आसि, उकान ऊळवालोरिन ताल्ह्‌कता वेलाता लेका कीसि, (वेग़ पुटटोग़ पेकाल रेंड वर्साह्‌क उड्लोग़ मनदनोग़ इन्जि, राजाल पुतोग़. इद्रम गंता कीसि, वेग़ पेकाल बेत्लेहेमतेन इंजेक मनदनोग़ इन्जि,) बेत्लेहेमते ओसो तानाङ एरेगूरेताङ नाह्‌कने, बोर रेंड वर्सानोर ओसो ओरिह्‌काय उड्लोर पेकोर मतोर, ओरगा सीपय्किन लोहचि, ओरिनु कतमे हव्कनाह कीतोग़.

लूकाल 16:31

अस्के अब्रहम ओन इतोग़, ‘मोसाल रासतव अडोना, ओसो दुस्रोर देवुळता कबुरतोराङ पुस्तकिना पोल्‍लोतुन केंजोर इतेके, डोलतोग़ मन्कल जीवा अर्सि, ओरिन वेहतलाह अतेक वने, ओर केंजोर आयनुर,’ इनजोर इतोग़.”

योहन 11:57

मति पेर्मालोर ओसो परुसिर ओन पोयतना इनजोर, “ओग़ बेगा मन्ह्‌तोग़ इन्जि, बोन्काय एर्का आतेके, माक कबुर ईम्ह्‌ट, ऊळाट!” इनजोर वेर अगा वातोर कतमतोरिह्‌क उकुम ईसि.

योहन 12:9

येसु अगा मन्ह्‌तोग़ इन्जि, वेल्‍लाटोर यहुदि लोकुरिह्‌क एर्का आता, एर्का आताह्‌कु ओर अगा वातोर. सिरप येसु अगा मन्ह्‌तोग़ इन्जि वावोर, मति हामुरताहि जीवा अरतोग़ लाजरिन वने, ओर ऊळलाह वातोर.