योहन 10:6 - माडिया गोंड पवित्र सास्त्रम

⁶ इद्रमता पुन्पिह कीयनद पोल्‍लोतुन, येसु अगा केंजवालोरिह्‌क वेहतोग़. मति ताना अर्तम ओरिह्‌क तेळियो.

योहन 10:6 Iomraidhean Croise

मत्याल 13:34

इव सबे पोल्‍लोङ, येसु लोकुरिन पुन्पिह कीयनाङ पीटोने वेहतोग़. पुन्पिह कीयनाङ पीटोङलेवा, येसु ओरा संगे बातय वळ्ह्‌कोग़ आंदोग़.

मत्याल 13:51

“इव सबे पोल्‍लोङ मीक तेळियताङा?” इन्जि येसु कग़यवालोरिन ताल्ह्‌कतोग़. “इंगो गूरु, माक तेळियताङ,” इन्जि ओर इतोर.

मार्कल 4:34

मुडा लोकुरिन पुन्पिह कीयनाङ पीटोङलेवा बातय वेहोग़ आंदोग़, मति मुल लेवस्के, तना संगे मन्जि, कग़यवालोरिह्‌क सबे पीटोना अर्तम तेळियिह कीस वेहन्दोग़.

योहन 16:25

“इव गोटिङ मीकु पुन्पिह कीयनव पीटोने वेहतन. मति बाबाना लोप्पा पिङम-पङम वेहतनद वेला वासोर मन्ह्‌ता. अद वेला वातस्के, नना ओसो पुन्पिह कीयनव पीटोङ मीकु बेस्केन वेहोन आयकन.

योहन 16:29

अस्के ओनाङ कग़यवालोर इतोर, “ऊळा, बेद्रम निमा इंजेक पिङम-पङम वळ्ह्‌किह्‌निन, पुन्पिह कीयनव पीटोङ वेहविन!

योहन 6:52

इदिन केंजिसि यहुदिर तमतमाय जेटामारा आतोर, “वेग़ मन्कल माक तना मेंदुल तिनदलाह, बेद्रम ईयनोग़, अय?”

योहन 6:60

इव गोटिङ केंजिसि, येसुनाङ कग़यवालोर वेल्‍लाटोर इतोर, “माकु एग़्ङ वास्ता, रा! इविन बोग़ केंजनोग़?”

योहन 7:36

‘मीट नाक पर्ह्‌ककिर, मति नना मीक दोर्कोन आयकन. ओसो बेगा नना मनदकन, अगा मीट वाया पग़विर आयकिर,’ इन्ह्‌तोग़. इद बेद्रमता पोल्‍लो आंदु?” इनजोर पेदल्क इंदुर.

योहन 8:27

मावा संगे वेग़ु देवुळबाबानाये लोप्पा वळ्ह्‌किह्‌तोग़ इनजोर, ओरिह्‌क तेळियो आसि.

योहन 8:43

नावाङ पोल्‍लोङ मीक बह केंज वसो. अदिह्‌के नना वेहतनव गोटिङ मीक तेळियोङ.

1 कुरिंततोर 2:14

मति बोग़ु मन्कना बुदते ताकिह्‌तोग़, ओग़ देवुळता जीवाताङ पोल्‍लोन केंजोग़. ओग़ अव पोल्‍लोन बुदलेवव पोल्‍लोङ इन्ह्‌तोग़. बाराह्‌क इतेके, देवुळता जीवातेने, अव पोल्‍लोन बेस-नेह्‌ना पर्ह्‌किस ऊळनदु. ओग़ अद्रम केवाह्‌कु, अविस्किन पुनदा पग़वोग़.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.