योहन 10:3 - माडिया गोंड पवित्र सास्त्रम

³ ओनेनाह्‌के राका केवाल अग़दुन तेग़यिह्‌तोग़. ओनाय आल्कातुन गोरेङ केंजिह्‌ताङ. ओग़ तनाङ गोरेनु उंद-उंदता पेदिर पोस केयिह्‌तोग़, केयिसि अविन पलत पेहच ओस्तोग़.

योहन 10:3 Iomraidhean Croise

योहन 10:14

मति नना नेह्‌ना कोपानन. बहलेह्‌का बाबाल नाक पुन्ह्‌तोग़ ओसो नना बाबान पुह्‌नन, अद्रमे नावाङ गोरेन नना पुह्‌नन, अहे अव वने नाक पुन्ह्‌ताङ. ओसो गोरेनेनाह्‌क नना नावा जीवातुन ईयलाह तयर मह्‌नन.

योहन 10:16

ओसो बेव गोरेङ मन्ह्‌ताङ, अव इद गोह्‌डटग्डाङ (इतेके यहुदि जातता गोह्‌डटग्डाङ) आयोङ. अविस्किन वने नाक नावा गोह्‌डटे काल्ह्‌प पोयतग़ा, अस्के अव नावा आल्कातुन केंजनुङ. पया उंदिय गोह्‌डि आयग़ा, अस्के नना ओरा वग़ोनन मेहवाल कोपानन आयकन.

योहन 10:4

तनाङ कतम गोरेङ पलत पेहतस्के, ओग़ अविस्कना मुनेह दास्तोग़. ओना पयाह पयाह गोरेङ वने दास्ताङ, बाराह्‌क इतेके अवु ओना आल्कातुन पुन्ह्‌ताङ इनजोरे.

योहन 10:9

देवुळतके दायनद गोरेना अग़दन ननान आंदन. नयेनाहि बोर लोप्पा नेङनुर, ओरिन नना पिसिह कीकन. ओरु लोप्पा-पलत ओळियाङ-पेसाङ कीयनुर, ओरिह्‌क तिंड-बंड वने दोर्कग़ा.

योहन 6:37

बोन-बोन नाक बाबाल ईस्तोग़, ओर कतमतोर नयगा वास्तोर. ओसो बोर नयगा वायनुर, ओरिन नना बेस्केन मल्हच लोहोन आयकन.

योहन 6:45

मुनेतोर देवुळता कबुरतोरा सास्त्रमते बह रासतद मन्ह्‌ता इतेके, ओर कतमतोरिन देवुळि काग़्हतग़ा, इद नाक नमवालोरा लोप्पा रासतदु. बोर बाबानग्डाहि केंजिसि कग़यिह्‌तोर, ओर नावाङ पोल्‍लोङ केंजलाह नयगा वास्तोर.

रोम सहरतोर 8:30

बोर-बोरिन आचता, ओरिन तना अग़दे ताकलाह, केयता वने. बोर-बोरिन केयता, ओरिन सेतेमतोर कीता वने. बोर-बोरिन सेतेमतोर कीता, ओरिह्‌क पका मान ईयग़ा वने.

1 कुरिंततोर 16:9

बाराह्‌क इतेके, इगा वेल्‍लाटोरा पाय्दा आनाह, सेवा कीयलाह बेस-नेह्‌ना अग़ दोर्कता. मति विरुद केवालोर मन्कलोर वने वेल्‍लाटोर मन्ह्‌तोर.

पिलिपितोर 4:3

नावा सेतेमतोग़ तोळतोनिन! अव रेंड आसि आस्कु उंदिय एकाते मनदलाहि, अविस्किह्‌क तोळ आमु. बाराह्‌क इतेके किलेमेन्‍सना ओसो नावा ऐंगे कबळ केवालोरा संगे कलियिसि, अव रेंड आसि आस्कु, बेसता कबुरतुन पोकुर कीयलाहि कह्‌टेम कीताङ. ओर सबेटोराङ पेदिर्क, देवुळतगा मनदनद अमेसातुह्‌क पिसवालोरा पुस्तकतगा रासतव मन्ह्‌ताङ, इदिन सीता कीम्ह्‌टु.

कुलुसितोर 4:3

अद्रमे ओसो मयेनाह्‌क वने पार्तना कीम्ह्‌टु. किर्स्तुना लोप्पा मन्कलोर मुने पुनवा मंदुर, अद पोल्‍लोतुन पोकुर कीताह्‌कु, नना जेलते मह्‌नन. अदे पोल्‍लोतुन सबेटोरिह्‌क माट पोकुर कीयलाहि, देवुळि अग़ तेग़यि इनजोर, पार्तना कीम्ह्‌टु.

2 तिमोति 2:19

(अद्रम कीतेक तेला, लोतुन मेग़्किह कीयनद जोताता लेह्‌कान,) देवुळताङ निटम विस्वसिर, विस्वसते मेग़्किस निच मन्ह्‌तोर. जोतातगा माल्काना पेदिर रासतपु, (ओरा ताकमुळ इव पोल्‍लोङ तोहतह्‌ता:) सामि तना मन्कलोरिन पुन्ह्‌ता ओसो “बोर सामिनोरोम इन्ह्‌तोर, ओर लाग्वाङ कबस्कनाहि जेक मनिर,” इनजोर तोहतह्‌ता.

1 पत्रु 1:12

इव गोटिङ मात्रम ओरेनाह्‌क आयोङ, मति वायना कालमतोरेनाह्‌क इतेके, मियेनाह्‌कु मन्ह्‌ताङ इन्जि, देवुळि ओरिह्‌क पुन्पिह कीता. अद्रमे मावा कालमते अव सबे गोटिनु, येसुना मेटे बेसता कबुर वेहवालोर, देवुळदीपताहि लोहतद देवुळता पवित्र जीवाता लावते, मीकु वेहतोर.देवतुल्क इंका इव असलताङ गोटिङ बेद्रम आस्ताङ, इदिन पुनदलाह ऊळसोरेन मन्ह्‌ताङ!

1 योहन 4:6

मति माट देवुळता लोकुरल. बोरु देवुळतुन पुतोर, ओर मावा पोल्‍लोतुन केंजिह्‌तोर; मति बोरु देवुळतुन पुनोर, ओर मावा पोल्‍लोतुन केंजोर. इद्रमलेह्‌का सेतेमता पवित्र जीवा ओरगा मन्ह्‌ताया, बार लेसिह कीयनद जीवा मन्ह्‌ता इनजोर, माक पुनमुळ आस्ता.

3 योहन 1:14

मति नीक बेस्के कलियकन अस्केन, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, नना आसा कीयलाह आतन.

तोहचीतव पोल्‍लोङ 20:15

देवुळता संगे अमेसातुह्‌क पिसवालोरा पुस्तकतगा, बोराङ पेदिर्क रासतव इलेङ, ओर कतमतोरिन देवुळि मळ्गनद किसबटटगा वाटिसीता.

तोहचीतव पोल्‍लोङ 3:20

केंजाट! नना मीवा दारावंडटगा निच केयलाह आतन. बोर बोर नावा लेङतुन केंजिसि अग़दुन तेग़यनुर, ओरगा निटम ओळियकन, ओसो ओरा संगे नना उदिसि, माट ऐंगेन तिनदकोम, उनडकोम.