योहन 10:12 - माडिया गोंड पवित्र सास्त्रम

¹² मति कूलतोग़ इतेके, कोपाल वने आयोग़ ओसो माल्काल वने आयोग़, अदिह्‌कु लोळ्ङाङ वायनदिन ऊळिसि, गोरेन अगान विळ्सिस वितिह्‌तोग़. बाराह्‌क इतेके गोरेङ ओनाङ आयोङ इनजोरे. पया लोळ्ङाङ वासि उचुकिन पोयह्‌पा, गोरेङ कतम बिरोबटो आस्ताङ.

योहन 10:12 Iomraidhean Croise

मत्याल 10:16

“इद केंजाट, लोळ्ङानगा गोरेन लोहतपु, नना मीक दुनियाते लोहतह्‌नन. अदिह्‌कु मीटु तरस्कना लेह्‌का सत्रल मन्ह्‌टु, मति परेवाङ मतप, नाळेह केवोरा लेह्‌का वने मन्ह्‌टु.

मत्याल 7:15

“देवुळता कबुर जोलते वेहवालोरग्डाहि उसरते मन्ह्‌टु. ओरु गोरेनलेह्‌का नाळेह केवप दिसिह्‌तोर, मति ओरा पोटालोप्पाडा विचरि, पिळ्हपळ कीयनाङ लोळ्ङानलेह्‌का मन्ह्‌ता.

योहन 10:13

ओग़ कूलतोग़ आंदोग़, अदिह्‌क गोरेना पर्वा केवोग़, ओग़ वितिह्‌तोग़.

योहन 10:2

मति बोग़ अग़देनाहि लोप्पा नेङिह्‌तोग़, ओग़े गोरे कोपाल आंदोग़.

योहन 10:3

ओनेनाह्‌के राका केवाल अग़दुन तेग़यिह्‌तोग़. ओनाय आल्कातुन गोरेङ केंजिह्‌ताङ. ओग़ तनाङ गोरेनु उंद-उंदता पेदिर पोस केयिह्‌तोग़, केयिसि अविन पलत पेहच ओस्तोग़.

बळयिर 20:29

नना अतस्के, लोळ्ङास्क एर्रेन पोस ओयना लेह्‌का, जोल काग़्हवालोर मियगा वायनुर इनजोर, नना पुतन. ओर विस्वसिरिन विळ्सोर आयनुर.

1 तिमोति 3:3

ओग़ कल लोटि मनदनद आयो, नल्हतना-कोह्‌कना केवाल मनदनद आयो, वह्‌चळ केवाल मनदनद आयो, मति गूनमते वळ्ह्‌कवाल मनदना, ओसो कोताना लालुस मनदनद आयो.

1 तिमोति 3:8

अद्रमलेह्‌का विस्वसिरा मुडगा, सेवा केवालोरिन वने तासनदु. बेद्रमतोर सेवा केवालोरिन निल्पिह कीयना इतेके, नाटेनोर ओरिन कदर एवालोर मनदना गावले. ओरु कल लोटिर मनदनद आयो, नाळेह कीस तिनवालोर मनदनद आयो. ओसो ओरगा रेंड वेंजेह्‌कना बुद मनदनद आयो.

तीतुस 1:7

विस्वसिरा मुडुन ताकिह केवाल मन्कल, देवुळता लोतुन ताकिह केवाना लेह्‌कान आंदोग़. अदिह्‌क ओग़ बाताले कसुर दिसवोग़, कैंगम आयवोग़, केनेन ओङ आयवोग़, कल लोटि आयवोग़ु, जग्ळम केवोग़ु, कोताना लालुस केवोग़ मनदना गावले.

1 पत्रु 5:2

नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु. इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु. मालसोम दोर्कग़ा इन्जि आयो, मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.