योहन 10:11 - माडिया गोंड पवित्र सास्त्रम

¹¹ नेह्‌नोग़ गोरे कोपानन ननान आंदन. नेह्‌नोग़ कोपाल तनाङ गोरेनेनाह्‌कु तना जीवा ईयलाह तयर आस्तोग़.

योहन 10:11 Iomraidhean Croise

मत्याल 20:28

माने-मन्कना नडुम पुटटोनन, नना वने दुस्रोरिन नावा सेवा कीया वेहतलाह, इद बूमते वावोन. मति दुस्रोरा सेवा कीयलाहि, ओसो वेल्‍लाटोरा पापमता दांड निहतलाह, नना नावा जीवा ईयलाह वातन.(अहलेह्‌का मीट वने दुस्रोरा सेवा कीम्ह्‌टु,)” इन्जि येसु इतोग़.

योहन 10:2

मति बोग़ अग़देनाहि लोप्पा नेङिह्‌तोग़, ओग़े गोरे कोपाल आंदोग़.

योहन 15:13

बोग़ाय तनाङ गोततोरेनाह्‌क तना जीवा ईयनद, तेन्क वीळिस बेदे गूनम बेरा इले.

इपिसुसतोर 5:2

किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़. बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

1 पत्रु 5:4

इद्रम मतिर इतेके, सबेटोरा बेह्‌रा कोपाल येसु वानेके, मीकु बेस्केने मायवदु, बूळेम आयवदु डीसाता पाय्दा दोर्कग़ा.

1 योहन 3:16

येसुसामि मयेनाह्‌क तना जीवा ईतोग़. अस्केडाहिये जीवा कीयनद पोल्‍लोतुन माट पुतल. अदिनेनाह्‌क माट वने मावा ऐंगेटोर विस्वसिरासाटि गर्ज अरतेके, जीवा वने ईयलाह तयर मनदना गावले.