योहन 1:44 - माडिया गोंड पवित्र सास्त्रम

⁴⁴ वेग़ पिलिप इतेके, गालिल पटटा बेत्‍सेदा नाटेनोग़, इतेके आंद्रेयाल, पत्रु, वेर तमोग़ इर्वुरा नाटेनोग़ मतोग़.

योहन 1:44 Iomraidhean Croise

मत्याल 10:3

पिलिप ओसो बार्तोलोम; तोमाल ओसो मत्याल (ओग़ सिद्‌वा एनवाल मन्ज तेला); अल्पुना मग़ि याकुब ओसो तदु;

मत्याल 11:21

“ए कोराजिन नाटेनोरिर! ए बेत्‍सेदा नाटेनोरिर! देवुळि मीक सिक्सा ईयग़ा. बाराह्‌क इतेके मियगा बेव बेरा डीसाताङ कबस्क कीतन, अवु सोर, सिदोन इव लाग्वाङ नाह्‌कने कीस मतेके, अग्डोरु अस्केन बेस्कोटे निटमे केंजेर; पोता-गेंदेङ उहचि, तलातगा नेग़ दोसिसि, मावा पापमताहि मिळ्न्दतोम इन्जि, ओर तोहेर. (मति मीट इतेक मीवा पापमताहि मिळ्न्दविर!)

मार्कल 3:18

आंद्रेयाल, पिलिप, बार्तोलोम, मत्याल, तोमाल, अल्पुना मग़ि याकुब, तदु इनवाल यहुदाल, सिमोन (वेग़ रोम सर्करता अडम पार्टितोग़ मतोग़).

मार्कल 6:45

पया तिन्ज-उन्ज मारतस्के, येसु कग़यवालोरिन इतोग़, “नना लोकुरिन मल्स लोहतलाह पयाह मह्‌नन, मीट मात्रम ओडाते उदिसि, सम्दुरता अबर बाजे वेंडिसि, बेत्‍सेदा नाग़ अन्ह्‌टु,” इतोग़.

मार्कल 8:22

अद्रमे पया येसु बेत्‍सेदा नाटेनगा वातोग़. वातस्के नाटेनोर ओर्वोग़ गुडिनु येसुनगा ततोर. तचि “वेग़ तोवनाह, वेनाङ कोंडान इटा गूरु,” इनजोर अर्जि कीतोर.

लूकाल 10:13

पया ओसोवने वेहतोग़, “ए कोराजिन नाटेनोरिर! बेत्‍सेदा नाटेनोरिर! देवुळि मीक सिक्सा ईयग़ा. बाराह्‌क इतेके, मियगा बेव बामिह कीयनाङ कबस्क कीतन, अव सोर, सिदोन, इव लाग्वाङ नाह्‌कने कीस मतेके, अग्डोर अस्केन बेस्कोटे केंजिसि, पोता-गेंदेङ उहचि, तलातगा नेग़ वाटिस, तमा पापमताहि मिळ्न्दिस मनेर, (मति मीट मीवा पापमताहि मिळ्न्दविर.)

लूकाल 6:14

ओर बारा मन्कलोराङ पेदिर्क इह मन्ह्‌ताङ: सिमोन (वेन पत्रु इनजोर, येसु दुस्रा पेदिर तासिस मतोग़), सिमोनना तमोग़ आंद्रेयाल, जेबेदिनाङ मग़्कु याकुब ओसो योहन वेर तमोग़ इर्वुर, पिलिप, बार्तोलोम,

लूकाल 9:10

पया येसुनाङ बळयिर सेवाताहि मल्स वासि, तमा बाताल बाताल कीतोर, अव सबे कबस्किन येसुह्‌क वेहतोर. वेहतापया ओग़ ओरिन पोसि, बेत्‍सेदा नाटेनगा बोरिह्‌के एर्का आयवाह अतोग़.

योहन 1:43

इमा दिया येसु गालिल पटटे दायलाह तयर आतोग़. आतस्के पिलिप इनवान कलियिसि ओन इतोग़, “नावा संग वय, नावाङ कग़या,” इतोग़.

योहन 1:45

पिलिप पया अन्जि नतन्याल इनवान कलियतोग़, कलियिस ओन इतोग़, “बोना लोप्पा मोसा मुय्तोग़ ओसो देवुळता कबुरतोर मुने सास्त्रमते रासिस मतोर, ओग़ माक दोर्कतोग़, रा! ओग़ नासरेत नाटेनोग़ योसेपना मग़ि येसु आंदोग़,” इन्जि पिलिप नतन्यान वेहतोग़.

योहन 1:46

“बह नासरेत नाटेनग्डाहि बेसताङ गोटिङ पुट पग़यनुङा?” इनजोर नतन्याल पिलिपिन इतोग़. “वास बह ऊळा रा!” इन्जि पिलिप इतोग़.

योहन 1:48

“नना बेद्रमतोनन इन्जि, निमा बह पुह्‌निन?” इन्जि नतन्याल येसुन इतोग़. “पिलिप नीक केयनामुनेन, निमा अंजिर मराता इळ्न मतिन अस्के, नना नीक ऊळतन,” इन्जि येसु ओन इतोग़.

योहन 12:21

ओरु गालिल पटटा बेत्‍सेदा नाटेनोग़ पिलिप, वेनगा वासि इतोर, “दादा, येसुन माट कलियलाह वातोम,” इतोर.

योहन 12:22

इद पोल्‍लो पिलिप वासि, पत्रुना तमोग़ आंद्रेयान वेहतोग़. पया इर्वुर कलियिस वासि, येसुन वेहतोर.

योहन 6:5

पया येसु अग्डाहि ऊळनेके, ओना पयाह वावालोर वेल्‍लाय मुडुन ओग़ ऊळतोग़. अस्के येसु तनाङ कग़यवाल पिलिप इनवान ताल्ह्‌कतोग़, “वेर कतमतोरिह्‌क तिनदलाह आरिङ बेगा असलाह दोर्कनुङ, डा?” (नावा डीसातगा पिलिपना विस्वस मन्ह्‌ताया, इलेया,) इदिन ऊळलाह, येसु ओन इह ताल्ह्‌कतोग़. बाराह्‌क इतेके तना बाताल कीयना मता, अद येसुह्‌कु एर्काये.

योहन 6:7

“गूरु, आट नेलाना कूलताङ कोताने, आरिङ असिस ईतेकाय, वेर सबेटोरिह्‌क किळ्केङ वने आलोङ आयनुङ,” इन्जि पिलिप येसुन इतोग़.

बळयिर 1:13

ओर सहरते मल्सि, तमा रोमनद लोते, पोग़ोटा मिदेता अरातगा अतोर. (ओर बळयिर अक्रा मुलु बोर आंदुर इतेके,) पत्रु, आंद्रेयाल वेर तमोग़ इर्वुर, योहनि, याकुब वेर तमोग़ इर्वुर, पिलिप, तोमाल, बार्तोलोमि, मत्याल, अल्पुना मग़ि याकुबि, सिमोनि (ओग़ रोम सर्करता अडम पार्टितोग़), दुस्रोग़ याकुबना मग़ि यहुदाल, (इच्वुर बळयिर अगा मतोर).