याकुब 5:7 - माडिया गोंड पवित्र सास्त्रम

⁷ अदिनेनाह्‌क मावोरिर, येसुसामि ओसोवने वानाह्‌जोम, दीरा पोस केपाटु. ऊळाट, बेद्रम पोलमता कबळ केवालोर, पोलमते वीततद तमा पिसवग़ता अनमतेनाह्‌कु, सुरुमुनेता पेग़दुन ओसो मारेंगा पेग़दुन केपिह्‌तोर.

याकुब 5:7 Iomraidhean Croise

मत्याल 16:27

केंजाटु, माने-मन्कना नडुम पुटटोनन, नना नावा बाबाना डीसाते, नावाङ देवतुल्कना संगे वायकन. अद तूकने नना सबेटोराङ, बोना ओना कबळतुन ऊळिसि, नेयह्‌क कीकन;

मत्याल 16:28

इह केंजाट, नना सेतेम वेहतह्‌नन, माने-मन्कना नडुम पुटटोनन इद दुनियाते राजेम कीयलाह वायकन अस्के, मियग्डाहि उय्तुर नावा संगे मनवालोरिर, हायनामुनेन नाक ऊळकिर,” इतोग़.

मत्याल 24:27

बाराह्‌क इतेके, बेद्रमि किस-उळ्म मिळ्स्कसोरे, उंद बाजेताहि दुस्रा बाजेवनाह मिळ्स्किह्‌ता, अद्रमि माने-मन्कना नडुम पुटटोनन वायनस्के कतमतोर नाक ऊळनुर.

मत्याल 24:44

अद्रम मीट वने तयर मन्ह्‌टु, बाराह्‌क इतेके मीट नावा अग़ ऊळवा वेलाते नना, माने-मन्कना नडुम पुटटोनन वायकन.

लूकाल 18:8

नना मीक वेहतह्‌नन, देवुळि ओरा नेयम चट्पिट कीसीयग़ा. तेला मति माने-मन्कना नडुम पुटटोनन, नना बेस्के मल्स वायकन, अस्के इद बूमतगा विस्वसतुन विळ्सवा, पार्तना केवालोर दोर्कनुरा?” इनजोर वेहतोग़.

लूकाल 21:27

अस्के कोनि माने-मन्कना नडुम पुटटोनन नना बेरा डीसाते, लावते, मोयुलता संगे वायनदिन, लोकुर ऊळनुर.

लूकाल 8:15

मति राब जागा इहलेह्‌का आंदु. बोर आपुना जीवातगा बेस-नेह्‌ना सेतेम बुदते पोल्‍लोतुन केंजिसि तासिह्‌तोर. पया ओर आरेम आयवालेवा, देवुळतुह्‌क विचर वातव कबस्क कीसोर दास्तोर,” इनजोर वेहतोग़.

योहन 21:22

“नना इद बूमते मल्स वानाह्‌जोमु, ओग़ पिसिस मनदना इन्जि, नावा विचर मतेकाय, तेना नीकु बाताल वास अरता? निमा नावा सेवा कीसोर वय!” इन्जि येसु पत्रुन इतोग़.

योहन 21:23

येसु इह इताह्‌कु, वेग़ कग़यवाल बेस्केन हायोग़ आयनोग़, इद्रमता पोल्‍लो विस्वसिरा नडुम आबुर आता. मति ओग़ हायोग़ आयनोग़ इन्जि येसु इनोग़, सिरप “नना मल्स वानाह्‌जोमु, ओग़ पिसिस मनदना इन्जि, नावा विचर मतेकाय, तेना नीकु बाताल वास अरता?” इचोने वळ्ह्‌किस मतोग़.

रोम सहरतोर 15:4

इद्रमलेह्‌का देवुळता सास्त्रमतगा बाताङ बाताङ पोल्‍लोङ मुने रासतव मन्ह्‌ताङ, अव पोल्‍लोङ माक काग़्हतलाहि, रासतव मन्ह्‌ताङ. अविस्किन अर्वतेके माक दीरा दोर्किह्‌ता. अद्रमे माट तिपल्कने आरेम आयवा, देवुळता पोग़ोन आसा तास पग़यह्‌नल.

रोम सहरतोर 2:7

बोर मन्कलोर आरेम आयवा, बेसताङ कबस्क कीसि, देवुळतग्डाहे मान, कदर,अमेसाता पिसमुळ दोर्किह कीयलाह ऊळिह्‌तोर, ओरिह्‌क देवुळि अमेसाता पिसमुळ ईयग़ा.

गलातितोर 5:5

नना इद्रम बाराह्‌क इह्‌नन? माट विस्वसिरल इतेके किर्स्तुन नमिसिये सेतेमतोरल आतल; सेतेमतोरेनाह्‌कु देवुळि तासतद बर्कतता आसाते माट मह्‌नल. इद आसा देवुळता जीवातग्डाहिये वास्ता.

गलातितोर 6:9

अद्रमे माट बेसताङ कबस्क कीयलाह, बेस्के लंडा आयनदायो. इद्रम माट आरेम आयवेके, देवुळ तासतद कगोते माक अव कबस्कना पाय्दा दोर्कग़ा.

कुलुसितोर 1:11

ओसो इद्रम वने पार्तना कीयलाह आतोम: मीक बेदाय तिपल वातेक वने, मीट आरेम आयवा, ओङ आयवा, विस्वसते निच मनदलाहि, देवुळि तना पका बेरा डीसाते मीक लाव ईयि. ओसो मीट बेस गिर्दाते देवुळतुन जोहर कीसोर मनदना इनजोर, पार्तना कीयलाह आतोम. बाराह्‌क इतेके, पोग़ोन तना वेह्‌चतगा पिसवालोर ओना मन्कलोरेनाह्‌क, मावा देवुळबाबाल वेल्‍लाय बर्कत तासतोग़. ओसो मीक वने अग्डा तूस दोर्कना लायकतोर कीतोग़.

1 तिसलुनितोर 2:19

मीक पकाय ऊळ वसिस मता. बाराह्‌क इतेके, मावा येसुसामि वायनोग़ अस्के, ओना मुनेह मीट वने मावा संगे मनदकिर इनजोर, माक आसा तासनाह कीतिर. अस्के मीटे माक गिर्दा आनाह कीकिर. माट मावा कबळतुन बेस-नेह्‌ना मारिह कीतोम इनजोर, पोग़यनाह केवालोरिर मीटे!

इब्रितोर 6:15

अब्रहम पया आरेम आयवा केमेन केपतोग़, केपिसि देवुळि पोल्‍लो विळ्सिस मतदिन दोर्किह कीतोग़.

याकुब 4:11

मावोरिर! ओर्विह्‌क-ओर्विना विरुद वळ्ह्‌कमाटु. बोग़ु तना ऐंगेटोग़ विस्वसिना विरुद वळ्ह्‌किह्‌तोग़, इलवेके ओनगा कसुर वाटिह्‌तोग़, ओग़ देवुळताङ अडोना विरुद वळ्ह्‌किह्‌तोग़. ओसो देवुळताङ अडोन चुकताङ इन्ह्‌तोग़. अद्रम बार मीट देवुळताङ अडोङ चुकताङ इतिर इतेके, अडोङ वेहतप ताकवालोरिर आयविर. मति मीटे नेयम केवालोरा लेह्‌का मन्जि तपिह्‌निर.

याकुब 5:10

वेल्‍लाय मुने देवुळता कबुरतोरु तानाङ पोल्‍लोङ वेहन्दुर, ओसो ओर बेद्रम तिपल्किन आपिसि, आरेम आयवा दीरा पोस मंदुर, अदिन सीता कीम्ह्‌टु. ओसो मीट वने ओरा लेह्‌कान मन्ह्‌टु.

याकुब 5:3

मीवाङ बंगर्क-वेंडिनु सिलुम पोयलाह आता. देवुळि नेयम कीयह्‌पा, मीवा पोग़ोन लालुसता कसुर मन्ह्‌ता इनजोर, अद सिलुम साक्सि ईयग़ा. इद आक्रि कालमते, मियेनाह्‌क बंगर्क-वेंडिङ जमा कीतिर. (मति मीवाङ बंगर्क-वेंडिङ सिलुम पोस बूळेम आयना लेह्‌का, देवुळि) मीक देयमदीपता किसते बूळे कीयग़ा.

2 पत्रु 3:4

इद्रम इनदनुर: “ओसोवने वायकन इनजोर, किर्स्तु पोल्‍लो विळ्सिस अतोग़, ओग़ बेगाडोग़? मावाङ तादोर-बाबोर वने डोलतोर! अस्केडाहि बाताले बद्लेम आयो! देवुळि बूमतुन पुटिह कीतस्के सबेटव बेद्रम मताङ, अद्रमलेह्‌काने इंजेक वने मन्ह्‌ताङ,” इनदनुर.