याकुब 4:17 - माडिया गोंड पवित्र सास्त्रम

¹⁷ अदिनेनाह्‌क बोग़ बेसता कबळ कीयलाह पुन्ह्‌तोग़, मति अदिन केवोग़ इतेके, ओग़ पापम कीस्तोग़.

याकुब 4:17 Iomraidhean Croise

योहन 13:17

इव गोटिङ मीक तेळियिह्‌ताङ निटमे, इविन सीता कीसि ताकतेके, मीट देय्वातोरिर.

योहन 15:22

नना वासि ओरा संगे वळ्ह्‌कवेके, (ओरिह्‌कु नीवाङ केंजोम इनदलाह दोर्को आवालि, इतेके) ओरगा कसुर मनो आवालि. मति इंजेके नना ओरा संगे वळ्ह्‌कताह्‌कु, ओरिह्‌कु तमा कसुरतुनु मकिह कीयलाह जागाय इले.

योहन 9:41

अस्के येसु ओरिन इतोग़, “‘माट गुडिरा लेह्‌का ईकळते ताकिह्‌नोम, (मति तोवयलाह, देवुळताहि कग़यलाह माक गिर्दा मन्ह्‌ता,’) इद्रम मीट इन्ज मतेके, मीवा कसुर मनो आवालि, (देवुळि मीक मापि केवालि). मति माट तोवयह्‌नोम, (पूरा पुतोरोम) इनजोर इह्‌निर. अदिह्‌के मीवा पापम अहे मन्ह्‌ता, (देवुळि मीक मापि केवो,)” इनजोर इतोग़.

रोम सहरतोर 1:32

देवुळता अडो मतपु, इद्रमतोर हामुरता सिक्साता लायक मन्ह्‌तोर इनजोर, वेर तमा पुतोर. पुन्जाय मति तमाये अद्रम ताकिह्‌तोर. ओसो अद्रम ताकवालोरिन बेसतोर इनजोर वने गिर्दा आस्तोर.

रोम सहरतोर 7:13

अह इतेके, इव बेसताङ अडोङ नाक डोलनाह कीस्ताङा? अद्रम मुर्तिय केवोङ! नावा पापम बुदिये बेसताङ अडोना मेटे, नाक हामुरता अग़देके ओसीता. इद्रमलेह्‌का देवुळताङ अडोङ, नावा पापम बुदतुन पुन्पिह कीताङ; ओसो पापम बेचोन लाग्वा मन्ह्‌ता इनजोर तोहताङ.

2 पत्रु 2:21

इतेके, वेर देवुळता सेतेम अग़दुन पुनवा मन्ज मतेके, वेरिह्‌क बेस ओप्पिस मनालि. “नयु तना ककतदिने नाकलाह मलयह्‌ता, नोग़तद पदि मल्स चिक्‍लातगाने दोळ्गलाह दास्ता,” अद्रमलेह्‌काने आतोर; वेर देवुळ तोहतद अग़दुन पुन्ज मन्जि, अद पवित्र अग़दुन विळ्सिसि, (तमा पाळ्ना अग़दुने ओसोवने पोयतोर).