याकुब 3:6 - माडिया गोंड पवित्र सास्त्रम

⁶ मावा वेंजेग़ वने किसतळ्मता लेह्‌कान मन्ह्‌ता. तानगा कतम लाग्वाङ पोल्‍लोङे निंदिस मन्ह्‌ताङ. अद मावा मेंदुदगा मन्जि, मावा पूरा मेंदुदुन करब कीस्ता. ओसो मावा पूरा मनमुळतुन बोळ्सिसि, (अमेसा कट्ला पुटिह कीस्ता). अद्रमता किसु देयमदीपताहे पेसिह्‌ता.

याकुब 3:6 Iomraidhean Croise

मत्याल 12:24

मति अगा मतोर परुसिर इदिन केंजिस इतोर, “वेग़ कोनि बेल्जेबुब इनदनद देयह्‌कना मुक्यानाय साय्ताते, देयह्‌किन पूंड पग़यह्‌तोग़!” इद्रम अडम वळ्ह्‌कतोर.

मत्याल 5:22

मति इंजेके नना मीक वेहतह्‌नन, बोग़ तना ऐंगेटोनु [उगसे] ओङ कीस्तोग़, ओग़ वने देवुळता नेयम जोकना सिक्सातगा अरयनोग़. ओसो बोग़ तना ऐंगेटोना कदर रेहतह्‌तोग़, ओग़ु यहुदि जाततोराङ पेदल्कना बेरा कोरटटगा दांड निहतनोग़. ओसो बोग़ दुस्रोनु ‘एय, पिसा-बय्तळि!’ इद्रम इन्ह्‌तोग़, ओग़ु देयह्‌कना मळ्गना किसबटटा सिक्सातुह्‌क ओजनोग़.

मार्कल 7:15

(कय्क नोग़तेकाय, नोग़वेकाय,) बेद मन्कना कुमतगा दास्ता, अद ओन देवुळता मुनेह कळ्‍वोग़ केवो. मति मन्कना पोटाताहि, बेव पोल्‍लोङ तोडटुह्‌क पलते पेसिह्‌ताङ, अवे ओन कळ्‍वोग़ कीस्ताङ. [

लूकाल 16:24

अस्के पया ओग़ अब्रहमिन आळो कीस इद्रम इतोग़, ‘ए अब्रहम तादोनिन! नाक ऊळिस जीवा लोपा रा! नना किसबटटगा कर्वलाह आतन. निमा मुर्बत कीसि लाजरिन लोहचीम, ओग़ वासि तना वेळ्न्जतुन एतगा मुळ्हचि, नावा वेंजेटुन सितुर कीयेग़,’ इनजोर केयतोग़.

बळयिर 20:30

ओसो मीवाय विस्वसिरग्डाहि, उय्तुर बाताल कीयनुर, विस्वसिरिन तमेह ओयलाह, देवुळता सेतेम पोल्‍लोतुन मिळ्हच-मिळ्हच काग़्हतनुर इनजोर, नना पुतन.

बळयिर 5:3

मति पत्रु ओन इतोग़, “अनन्या! देयमदीपता विचरतुन नीवा बुदतगा बाराह्‌क वाया ईतिन? जागातुन वमतव वळ्गा कोताङ मियेनाह्‌क तासतिन, वळ्गा कोताङ ततिन, (पूराय कोताङ ततप लेह्‌का, अविस्किन मयगा तचि ईतिन). इद्रम निमा देवुळता पवित्र जीवाता मुनेह जोल आतिन.

बळयिर 6:13

अहे जोल साक्सि एवालोरिन वने तचि, यहुदिराङ तग्वाङ केवालोरा मुनेह निल्पिह कीतोर. कीतस्के, “वेग़ इस्तिपन इद पवित्र गूडटुन, मोसानाङ अडोनु, रोमवालेवा पास्कसोरेन मन्ह्‌तोग़.

तीतुस 1:11

इद्रमलेह्‌का ओप्पवव पोल्‍लोन काग़्हचि, वेल्‍लाङे लोह्‌कनोरिन लेसिह कीस्तोर. लाग्वा कबळते कोताङ कमय कीयलाह, इद्रम कीस्तोर. इद्रमताङ ओप्पवव पोल्‍लोङ काग़्हवालोरिन, केमेन कीयना गावले.

याकुब 2:7

ओसो पिसिह केवाल किर्स्तुना बेसता पेदिर मीक अरता, अद पेदिरतुन वने पास्कवालोर, वेरे साव्कर मन्कलोर आयो रा?

याकुब 3:7

ऊळाट, सबे जातिनाङ गेळा जन्वर्किनु, पिटेनु, सबे मीन्किनु, मन्कल आव्रे कीया पग़यह्‌तोग़, अद्रम आव्रेम आताङ वने.

2 पत्रु 3:3

मुने मीट इद पोल्‍लोतुन पुनदना गावले: आक्रिताङ दियाने, आपुना लालुसते ताकवालोर वायनुर, ओर मीक कवयनुर, ओसो

3 योहन 1:10

अदिनेनाह्‌क नना अगा वासि, ओग़ बाताल बाताल कीयलाह आतोग़, अदिन सबेटोर विस्वसि मुडोरिन वेहतकन. ओग़ नावा पोग़ोन, करबताङ पोल्‍लोने जोल कसुर वाटिह्‌तोग़; अचोने आयो, उननाटोर विस्वसिर ओनगा अतेके, ओरिन बेस गिर्दाते ऊळोग़. ओसो विस्वसिरिन वने, अद्रमलेह्‌का कीयलाहि एवोग़. अद्रम केवालोरिन विस्वसिरा मुडाहि पलते पेहचीस्तोग़.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 18:23

इंजेके ईकळ आयह्‌पा, चिमलिङ पोतिह कीयलाहि, मन्कलोर मनोर आयनुर. मर्मिना गिर्दाते एंदना-पाग़ना केंज वावो आयग़ा. नियगा दंदा केवालोर पूरा बूमतोरिह्‌क बेरोर मंदुर. नियग्डोर मन्कलोर तमाङ ओदेने, सबे जातिनोरिन लेसिह कींदुर.

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)