याकुब 3:16 - माडिया गोंड पवित्र सास्त्रम

¹⁶ बेगा कुदतेनाह्‌क कदर पर्ह्‌कनदु, जीवा कर्वनदु मन्ह्‌ता, अगा कट्ला मन्ह्‌ता, ओसो सबे रीतिनाङ लाग्वाङ कबस्क वने मन्ह्‌ताङ.

याकुब 3:16 Iomraidhean Croise

मार्कल 3:25

अहे बेदाय लोतगा कोंटेङ पुटटेके, अद लोन निच मनो.

बळयिर 19:29

अद्रमे ओरा सहरतगा पका रोदा पोसि, सहरता मुल बाताल कीतोर, पोलुना संगे नाह्‌क-नाह्‌क तिरियवालोर गयुस ओसो अरिस्तरकुस, वेर मकिदुनियातोर मन्कलोरिन पोयतोर. वेरिन पोसि कतमतोर गोटुदगा ओळियतोर.

रोम सहरतोर 2:8

बोर बार तमेनाह्‌के कदर पर्ह्‌किह्‌तोर, सेतेमतुन केंजोर, मति लाग्वाङ पोल्‍लोङ केंजिह्‌तोर, ओरा पोग़ोन देवुळ ओङ आसि, पका सिक्सा ईयग़ा.

1 कुरिंततोर 14:33

बह इतेके देवुळि गळ्बळ कीयनद आयो, मति तना लोकुर तान सुकमते मोळ्कना इनजोर, अद विचर कीस्ता. बेगा बेगा देवुळता मुलु जमा आस्तोर,

1 कुरिंततोर 3:3

इंजेक वने मीट मन्कना बुदते ताकलाह आतिर, अदिनेनाह्‌क मियगा कुळ्सा मन्ह्‌ता, गिटोगटो आयनद मन्ह्‌ता. पया मीट मन्कना बुदते ताकवालोरिर आयविरा? देवुळतुन पुनवोरा लेह्‌का ताकविरा?

2 कुरिंततोर 12:20

बाराह्‌क इतेके, नना मियगा वातस्के, मीक विचर वावदिन नना कीयनाह आयो बहा; नाक विचर वावदिन मीट कीकिर बहा इनजोर रेयतन. इतेके जग्ळम, कुळ्सा, ओङु, कुदता पाय्दा ऊळना, कूदिङ, गुरागुरा वळ्ह्‌कसोर तिरियना, मोर्दोप, रोदा पोयतना, इव पोल्‍लोङ मियगा दिसनुङ बहे इनजोर रेयतन.

याकुब 3:14

मति मीवा जीवातगा, मियेनाह्‌के कदर पर्ह्‌कनव, ओसो जीवा कर्वनव, विचर्क निंदिस मताङ इतेके, बुदतोरोम इनजोर, पोग़यसोर तिरियमाटु. सेतेमतुन मकिह कीसि, जोल वळ्ह्‌कमाटु.

1 योहन 3:12

मीट काय्नुना लेह्‌का मनमाटु. ओग़ देयह्‌कना लेह्‌का, लाग्वा बुदतोग़ मतोग़; ओसो तना तमिन हव्कतोग़. बाराह्‌क हव्कतोग़? बह इतेके तनाङ कबस्क लाग्वाङ मताङ, मति तना तमिनाङ कबस्क बार सेतेमताङ मताङ, अदिनेनाह्‌क तनतमिन हव्कतोग़.