याकुब 2:5 - माडिया गोंड पवित्र सास्त्रम

⁵ मावोर विस्वसिरिर, केंजाट! इद दुनियातोरा इसबते बोर गरिबते मन्ह्‌तोर, ओरिन विस्वसते बेरोर कीयलाह, देवुळि आचताया, आचो? नावा राजेम मियेनाह्‌के आयग़ा इन्जि, देवुळि तन्क जीवा केवालोरेनाह्‌क पोल्‍लो विळ्सिस मता इन्जि पुतिर; अदे राजेम गरिबतोर विस्वसिरिह्‌क आयग़ाया, आयो?

याकुब 2:5 Iomraidhean Croise

मत्याल 11:5

नाक देवुळ ईतद लावते गुडिर तोवयलाह आतोर, कूटालोर ताकलाह आतोर, मोंडरोगमतोर सव्रेम आस्तोर, एव्डालोर वेनदलाह आतोर, हातोर बार तेग़्किह्‌तोर, गरिबतोरिह्‌क बेसता कबुर केंजलाह दोर्किह्‌ता.

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

मत्याल 5:3

“बोर माट पापमतोरोम इन्जि देवुळतुन पर्ह्‌किह्‌तोर, ओर देवुळता देय्वातोर. देवुळबाबाल अद्रमतोरिह्‌के राजाल आस्तोग़.

मार्कल 7:14

अस्के येसु लोकुरिन तनके केयिसि ओरिन इतोग़, “नना इंजेके बार इह्‌नन, तेन सबेटोरिर केंजिसि कग़याटु.

लूकाल 12:21

इद्रमलेह्‌काने बोग़ाय मन्कल, देवुळतुन पेग़्के कीसि, तनेनाह्‌क मालसोम जमा कीस्तोग़, ओन्क अद्रमलेह्‌काने आयग़ा,” इनजोर येसु इतोग़.

लूकाल 12:32

“माट उड्ला गोह्‌डटाङ (गोरेना लेह्‌का कमजोर मह्‌नोम इन्जि) मीट रेयमाटु! बाराह्‌क इतेके देवुळदीपता राजेम मीवा कयदे ईयलाह, मीवा देवुळबाबाल तयरे मन्ह्‌तोग़.

लूकाल 16:22

“मनेक मनेके उंद दिया, गरिब मन्कल डोलतोग़. अस्के देवतुल्क वासि, ओना जीवातुन पोग़ोन सिंगर्दीपतगा अब्रहम मुय्तोना कचुल ओस तासताङ. पया उचुक दियाने, ओग़ साव्कर मन्कल वने डोलतोग़. लोकुर ओना सति-गति कीतोर.

लूकाल 16:25

अस्के अब्रहम इतोग़, ‘ऊळा पेका! निमा सीता कीम, जीवात मनदह्‌पा, नीवा पिसमुळते बाताल गावले मता, अद सबे नीक दोर्कता. मति वेग़ लाजरिह्‌क इतेके, अद्रमता सुकमता पिसमुळ दोर्को. इंजेके इगा वेन्क बाताले तिपल इले. मति निमा मात्रम अगा कर्वलाह आतिन.

लूकाल 22:29

बेद्रम नावा बाबाल राजेम कीयलाह अदिकर नाक ईतोग़, अद्रमे नना वने मीकु अद्रमता अदिकर ईय्ह्‌नन.

लूकाल 6:20

पया येसु तनाङ कग़यवालोरिन ऊळिस इद्रम इतोग़, “बोर लेवोरिर मह्‌निर, मीट देवुळता देय्वातोरिर. देवुळबाबाल मियद्रमतोरिह्‌के राजाल आस्तोग़.

योहन 7:48

माट यहुदिराङ पेदल्कनोम आयि, परुसिरोम आयि, वेर बोराय ओन नमिह्‌तोरा?

बळयिर 7:2

इस्तिपन इतोग़, “मावोरिर, पेदल्कनिर, नावा पोल्‍लो केंजाट. मावा पेदामुय्तोग़ अब्रहमना पोल्‍लो वेहतकन. ओग़ हारान सहरतगा अनवाय मतोग़, अस्के कसदि जाततोर मनदनद मेसोपोटामिया इनदनद देसेमतगा मतोग़. अगा मनदह्‌पा तना डीसाते मांजनद देवुळि ओनगा वाता.

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

1 कुरिंततोर 2:9

मति माक बार अद पोल्‍लोतुन, देवुळि तना जीवाते तोहचीता. देवुळता सास्त्रमतगा इद्रम रासतद मन्ह्‌ता: बोग़े बेस्केन ऊळवव, बोग़े बेस्केन केंजवव, बोना बुदते पुटवव, वेहता वावव पोल्‍लोन, तन्क जीवा केवालोर मन्कलोरेनाह्‌क, देवुळि तयर कीस तासता. इनजोर रासतद मन्ह्‌ता.देवुळता जीवा सबे पोल्‍लोन पर्ह्‌किह्‌ता. देवुळतग्डाङ पुनवव पोल्‍लोन इंका पर्ह्‌किह्‌ता.

2 कुरिंततोर 4:15

इव सबे पोल्‍लोङ मियेनाह्‌के आयलाह आताङ; देवुळता दया वेल्‍लाटोरगा पोकुर आयि इनजोर, आयलाह आताङ. पोकुर आतेक अचोन, वेल्‍लाटोर मन्कलोर देवुळता डीसातेनाह्‌क तान जोहर कीयनुर, अदिनेनाह्‌क वेल्‍लाटोर मन्कलोर देवुळतुन मान ईसि मोळ्किह्‌तोर.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

इपिसुसतोर 1:18

बेचोक बेसताङ पोल्‍लोन आसा कीयलाहि तना माक केयता, अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्‌ता. इदिन पुनदलाहि, देवुळि मीवा बुदतगा पुन्पिह कीयि.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

2 तिसलुनितोर 1:5

मीट येसुनेनाह्‌क तिपल आताह्‌कु, देवुळता राजेमता लायकतोरिर आतिर. मति बेस्के येसुसामि तना लावतव देवतुल्कना संगे, देवुळदीपताहि रेगतद दिसनोग़ अस्के, देवुळि सबेटोर मन्कलोरा नेयम कीयग़ा. अद तूकने मीट येसुनेनाह्‌क तिपल आयवालोरिर ओसो माट वने, ताना राजेमते दायना लायक मह्‌नल इन्जि, देवुळि माक आरम ईयग़ा. मीक तिपल केवालोरिह्‌क बारा, देवुळि निटम सिक्सा ईयग़ा. इद्रमलेह्‌का (मीवा पोग़ोन इचोन विरुद वातेक तेला, मीट दीरा पोस मह्‌निर,) इद पोल्‍लो देवुळता नेयम सेतेम मन्ह्‌ता इन्जि, पोळ्क्नेन तोहतह्‌ता.

1 तिमोति 6:18

मता मन्कलोर बेसताङ कबस्क कीसोर मनिर. (कोताने मता मन्कल आयना लेह्‌का,) बेसताङ कबस्कने मता मन्कलोर आयिर, चिव्टम आयमाकिर. बेदाय मादुन दुस्रोरिह्‌क तूसिसीयिर.(तिमोति! इद्रम मनदलाहि, ओरिन उकुम ईम.)

2 तिमोति 4:18

अद्रमे सबे लाग्वाङ पोल्‍लोनाहि येसुसामि नाक पिसिह कीयनोग़, ओसो नाक पोग़ोन तना राजेम ताकिह कीयनगा, बेस-नेह्‌ना ओयनोग़. ओन्के अमेसा-अमेसातुह्‌क मान आयि. आमेन!

2 तिमोति 4:8

(गेल्सवालोरिह्‌क दोर्कना लेह्‌कान,) देवुळि इंजेटाहि नयेनाह्‌क उंद राजटोपि तासता, अदु सेतेमते पिसवालोरिह्‌क ईयनद इनम आंदु. सेतेमते नेयम केवाल येसुसामि, तना नेयम कीयनद दियाते, अद राजटोपतुन नाक ईयनोग़. सिरप नाके आयो, सामि ओसोवने मल्स वायनदिन गिर्दाते केपवालोर सबेटोर मन्कलोरिह्‌क ईयनोग़.

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

याकुब 1:16

मावोर विस्वसिरिर! मीट इद्रमलेह्‌का देवुळता तप तोहचि, नाळेम आयमाटु.

याकुब 1:19

मावोरिर! मीट सबेटोरिर बेस उसरते केंजना गावले, वळ्ह्‌कलाह कंद्रेम आयना आयो, ओसो चट्पिट ओङ वने आयनद आयो, इव पोल्‍लोन सीताते तासाटु.

याकुब 1:9

देवुळि तना मुनेह माक कदर ईता इनजोर, कदरलेवोर विस्वसिर गिर्दा आयना गावले.

1 पत्रु 1:4

ओसो मयेनाह्‌कु इन्जि, देवुळदीपते बेरा उंदि जीवाता बर्कत तासतद मन्ह्‌ता. अद उंदि बेस्केन बूळेम आयवदु, माचलेवदु, वाग़वदु बर्कत आंदु. इद बर्कत आक्रिता दियाते देवुळि सबेटोर विस्वसिरिह्‌क तोहतग़ा. अदु बर्कत मीक दोर्कनाह्‌जोमु, देवुळि तना लावते मीकु काप आडग़ा, बाराह्‌क इतेके, मीटु देवुळता पोग़ोन बर्वस तासिह्‌निर इनजोरे.

2 पत्रु 1:11

अद्रम मतेके, मावा सामि, माक पिसिह केवाल येसु किर्स्तु, अमेसाता राजेम ताकिह कीयह्‌पा, पकाय गिर्दा आसि, मीक बेस-नेह्‌ना उदिह कीयनोग़.

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.

तोहचीतव पोल्‍लोङ 21:7

बोर बोर लाग्वाङ पोल्‍लोन गेल्सनुर, ओरिह्‌क नना इव सबे ईकन. नना ओरा देवुळि आयकन. ओर नावाङ पिलाङ-पेकोर आयनुर.

तोहचीतव पोल्‍लोङ 3:18

अदिनेनाह्‌क नना मीक बुद काग़्हतह्‌नन, केंजाट: मीट (विस्वसता इसबते) मता मन्कलोरिर आयलाहि, नयग्डाहे किसते कारियिह कीसि, जूत कीतद बेसता बंगरतुन असाट. कूळल आसि लजा अर्स मनदनदिन दुस्रोर ऊळवाह, नयग्डाहे उहतलाह पांड्रि गेंदेङ असाट. मीवाङ कोंडानगा ओकलाह, नयग्डाहे मत असाट, अस्के तोवयकिर!