याकुब 1:9 - माडिया गोंड पवित्र सास्त्रम

⁹ देवुळि तना मुनेह माक कदर ईता इनजोर, कदरलेवोर विस्वसिर गिर्दा आयना गावले.

याकुब 1:9 Iomraidhean Croise

लूकाल 1:52

बेरोर मुक्यालोरिन तमाङ कुर्सिनाहि इळ्न रेहता, पोहचीतप मतोरिह्‌क बार मान ईता.

लूकाल 10:20

मति देयह्‌क मीवा पोल्‍लोतुन केंजिह्‌ताङ इनजोर, इचोन गिर्दा आयमाटु! मति मीवाङ पेदिर्किन, देवुळ तना पिसमुळता पुस्तकते रासिस तासता, तानेनाह्‌के पका गिर्दा आम्ह्‌टु,” इनजोर इतोग़.

लूकाल 14:11

बोग़े मनेग़, तना कुद नना बेरोनन इनदनोग़, ओन देवुळ उड्लोग़ कीयग़ा. मति तना कुद नना उड्लोनन इनदनोग़, ओन मात्रम देवुळ बेरोग़ कीयग़ा,” इनजोर इतोग़.

लूकाल 9:48

कीसि “बोग़ु वेग़ उड्लोग़ पेकान नावा पेदिरते एरे कीस्तोग़, ओग़ नाक एरे कीतपे. ओसो बोग़ु नाक एरे कीस्तोग़, ओग़ नाक लोहतोन वने एरे कीस्तोग़. अदिनेनाह्‌क बोग़ मियग्डाह सबेटोरिह्‌क उड्लोग़ मन्ह्‌तोग़, ओग़े सबेटोरिह्‌क बेरोग़ आंदोग़,” इतोग़.

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

पिलिपितोर 3:14

सीनातगा एववालोरिह्‌क देवुळि बेद इनम ईकन इनजोर केयिह्‌ता, अद इनमतुन किर्स्तु येसुना मेटे दोर्किह कीयलाह, नना वितलाह आतन.

पिलिपितोर 3:3

(ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.