याकुब 1:17 - माडिया गोंड पवित्र सास्त्रम

¹⁷ बाराह्‌क इतेके पोळ्‍दतुन, नेलातुन, उकानु पुटिह कीतोग़ देवुळबाबानग्डाह, सबे बेसताङ माचलेववु बर्कत्कु वास्ताङ. मति (पोळ्‍दता, नेलाता वेह्‌च बेद्रम एक्‍वा-तक्‍वा मिळ्न्दसोर दास्ता, अद्रमलेह्‌काडा मावा देवुळ आयो.) ताना गूनम बेस्केन मिळ्न्दो.

याकुब 1:17 Iomraidhean Croise

मत्याल 7:11

मीट पापमतोरिर मन्ज तेला, मीवाङ पिलाङ-पेकोरिह्‌क बेसता मादुन ईयलाह पुह्‌निर, इतेके मीवा देवुळदीपतोग़ बाबाल, ओन ताल्ह्‌कवालोरिह्‌क बेचोटा बेसतल माल ईयनोग़!

लूकाल 11:13

मीट पापमतोरिर मन्ज तेला, मीवाङ पिलाङ-पेकोरिह्‌क बेसता मादुन ईयलाह पुह्‌निर इतेके, देवुळदीपतोग़ बाबाल तन्क ताल्ह्‌कवालोरिह्‌क, तना पवित्र जीवा बह एवोग़?” इनजोर वेहतोग़.

योहन 1:9

बोन सेतेमता वेह्‌च इन्ह्‌तोर, ओग़े सबेटोरिह्‌क वेह्‌च एवाल, ओग़ इद दुनियाते वावाल मतोग़.

योहन 3:27

योहन ओरिन इतोग़, “देवुळि देय्वा एवालेवा, बोन्काय बातय दोर्को.(अदिह्‌के सबेटोर ओनक्‍केन दास्तोर इन्जि, मीवा जीवा कर्वतप आयमाकि.)

योहन 3:3

अस्के येसु ओन इतोग़, “इह केंजा, नना सेतेम वेहतह्‌नन, बोन्काय देवुळताहि पूना पुटमुळ दोर्कवालेवा, देवुळ राजेम कीयनदु ओन्क मुर्तिय दिसो!” इन्जि इतोग़.

योहन 8:12

अस्के मंदिरते, येसु ओसो ओरिन काग़्हता बोटटोग़. “ननाने दुनियाता वेह्‌चतन आंदन. बोर नावा संगे वास्तोर, ओर ईकळते बेस्केन ताकोर आयनुर, मति ओरगा देवुळ ईतद जीवातेके ओसीयनद वेह्‌च मनदग़ा.”

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

बळयिर 5:31

जीवा अर्हचि, ओने सामि, पिसिह केवाल इन्जि, देवुळि निल्पिह कीता. मावा इस्रयेलतोरिन पापमता अग़दाहि मल्हतलाहि, मावा पापमतुन मापि कीयलाहि, ओने निल्पिह कीसि, तना तिनळ बाजे पका कदर ईसि उदिह कीता.

रोम सहरतोर 6:23

(अदिह्‌कु माट पापम कीसोरेन दाकल इन्जि इनमाटु.) बह इतेके, पापमता कमय इतेके, हामुरिये दोर्किह्‌ता. मति मावा किर्स्तु येसुसामि मयेनाह्‌क कीतद कबळतेनाह्‌कु, देवुळि माक तना संगे अमेसा पिसनद दर्मम ईस्ता.

1 कुरिंततोर 4:7

पोग़यवानिन! निमा दुस्रोरिह्‌क बेरोनिन इन्जि, बोग़ वेहतोग़? नियगा मनदनद बुदि, पूरा देवुळि ईताह्‌के कोनि मन्ह्‌ता! पूरा देवुळिये ईता इतेके, बाराह्‌क पोग़य बोटटिन?

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

इपिसुसतोर 1:18

बेचोक बेसताङ पोल्‍लोन आसा कीयलाहि तना माक केयता, अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्‌ता. इदिन पुनदलाहि, देवुळि मीवा बुदतगा पुन्पिह कीयि.

इपिसुसतोर 2:8

देवुळि मीक दया कीताह्‌कु, मीट किर्स्तुन विस्वस कीतिर, अदिनेनाह्‌क मीक पिसिह कीता. देवुळता पिसमुळतुन दोर्किह कीयलाह, मीट बाताले केविर; इद पूरा देवुळता दर्मम आंदु.

पिलिपितोर 1:29

बह इतेके देवुळि मीक देय्वा ईता, सिरप किर्स्तुन विस्वस कीयलाहिये आयो, मति ओनेनाह्‌क तिपल आयलाह वने देय्वा ईता.

1 तिमोति 6:16

बेस्केन डोलवदु अदे, अद बोग़े एवया पग़वद वेह्‌चतगा मन्ह्‌ता, तान बोग़े मन्कल ऊळोग़, ओसो बेस्केन ऊळ वने पग़वोग़, ताने सबेटोर मान ईयिर. राजेम कीयनद लाव, अमेसा-अमेसातुह्‌क तानाय मनि. अहे आयि.

इब्रितोर 13:8

येसु किर्स्तु मुने वने, इंजेक वने, अमेसा-अमेसातुह्‌क बेस्केन वने, बद्लेम आयवाल आयोग़.

याकुब 1:5

मियग्डाह बोन्क बुदता कमि मन्ह्‌ता, ओग़ देवुळतुन ताल्ह्‌केग़, अस्के देवुळ ओन्क ईयग़ा. बाराह्‌क इतेके, तान ताल्ह्‌कवालोर कतमतोरिह्‌के, अद नारज केवा लेकालेवा ईस्ता.

याकुब 3:15

इद्रमता बुदि देवुळतग्डाहि वावो, मति मन्कना बुदतग्डा, इद दुनियातग्डा, देयमदीपतग्डा आंदु.

याकुब 3:17

मति देवुळतग्डा बुद मनवाल, देवुळतगान पूरा सीता तासिह्‌तोग़, दुस्रोरा संगे गूनमते मन्ह्‌तोग़, कुलुल बुदते ताकिह्‌तोग़, दुस्रोरा पोल्‍लो केंजिह्‌तोग़, जीवा लोपिह्‌तोग़, अमेसा बेसताङ कबस्क कीस्तोग़, उड्लोग़-बेरोग़ इद्रम इनोग़, ओसो सोङ केवाल आयोग़.

1 योहन 1:5

येसु किर्स्तुनग्डाह बेद पोल्‍लो केंजतोम, अदिन मीक वने वेहतलाह आतोम. अद इद्रम मन्ह्‌ता, देवुळि वेह्‌चलेह्‌का मन्ह्‌ता. तानगा मुर्तिय ईकळ इले.

1 योहन 4:10

बेद्रम जीवा कीयना इनजोर, माट देवुळतुन जीवा कीसि तोहवल. मति देवुळिये इद पोल्‍लोतुन बेस-नेह्‌ना तोहता. बेद्रम इतेके, अद माक जीवा कीता, ओसो तना मग़ि मावा पापमता सिक्सातुन तना पोग़ोन एचि डोलेग़ इनजोर, ओन लोहच मता. इदे निटम जीवा कीयनद आंदु.

तोहचीतव पोल्‍लोङ 21:23

अद सहरतगा वेह्‌च ईयलाह पोळ्‍दता, नेलाता गर्ज इले. बाराह्‌क इतेके अगा वेह्‌च ईयनद चिमलि इतेके, गोरेपिलाये मन्ह्‌ता; तानगा देवुळता बेरा वेह्‌च दींचिह्‌ता.

तोहचीतव पोल्‍लोङ 22:5

पया अगा बेस्केन नग़्का आयो आयग़ा. अहे अगा चिमलि वेह्‌चता, पोळ्‍द वेह्‌चता गर्ज इले आयग़ा. अगा बेरा डीसाता देवुळिये, ओरिह्‌क तना वेह्‌च ईयग़ा. ओर अमेसा-अमेसातुह्‌क ताना संगे राजेम ताकिह कीयनुर.