इब्रितोर 9:12 - माडिया गोंड पवित्र सास्त्रम

¹² मावोर बूमयालोर कीयना लेह्‌कान, एर्रे नेतुर, कोंदा पियोता नेतुर अग़्के ओळियोग़; मति (तना हव्कनागुटातगाडोलताह्‌कु,) तनाय नेतुर अग़्के, उंदिय मल्का, सबेट्क पवित्र गूडटगा ओळियतोग़. ओसो अद इसबते, माक कतम पापमताहि, अमेसातुह्‌क विळ्सिह कीतोग़.

इब्रितोर 9:12 Iomraidhean Croise

लूकाल 1:68

“मावा इस्रयेलतोरा बेरा डीसाता देवुळतुह्‌कु जोहर आयि, अद तना लोकुरा पोग़ोन जीवा वाटिस, ओरिन तमा कोंटेतोराहि पिसिह कीयलाह वाता.

बळयिर 20:28

ओसो आपुना, अहे मियग्डोर विस्वसिरा मुडा, बेस राका कीसोर मन्ह्‌टु. बह इतेके ओराङ मुक्यालोर आयना इन्जि, देवुळता जीवाये मीक निल्पिह कीता. देवुळि तना मग़ना नेतुरता कर्सा कीसि ओरिन असता, इदिन सीताते तासाटु. अदिह्‌क मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

कुलुसितोर 1:14

ओग़े माक विळ्सिह केवाल आंदोग़, ओनाय मोकतेनाह्‌कु मावा पापमता मापि आता.

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

इब्रितोर 10:19

अदिनेनाह्‌क मावोर विस्वसिरिर! येसु किर्स्तु नेतुर पोहच डोलिस मताह्‌कु, माट देवुळतके दायलाह, मयेनाह्‌कु पूना, जीवा ईयनद अग़ तयर कीसीतोग़.(पोग़ोटा सबेट्क पवित्र गूडटगा,) पळ्‍दा गेंदेतगाह्‌क अतप लेह्‌का, ओग़ तना मेंदुदा मोक ईसि ओळियतोग़. ओना मेटे, माट वने अद पवित्र गूडटगा ओळियलाह, दीरा पोयतल.

इब्रितोर 13:12

अद्रमलेह्‌काने येसु वने, तना नेतुरते मन्कलोरा पापमतुन एडिह कीयलाहि, येरुसलेम सहरता पलते, तिपल आसि डोलतोग़.

इब्रितोर 5:9

देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

इब्रितोर 7:27

आरुनना कूळतोर पेर्मालोर बारा, मुने तमाय पापमतेनाह्‌कु मोक ईस्तोर, पेग़्के दुस्रोर मन्कलोरा पापमतेनाह्‌कु मोक ईस्तोर; अद्रम दिनम कीस्तोर. मति येसु अद्रम आयोग़; ओग़ कतमतोरा पापमतेनाह्‌कु, उंदिय देबाहव्कनागुटातगा तनाय जीवा ईतोग़.

इब्रितोर 9:13

डागिललेवा मनदनद एर्रेता नेतुर, कोंदाता नेतुर, बोळ्सतद पडा पियोता नेग़ु, इविस्किन इल्ह्‌कतेके, कळ्‍वोग़ आतोग़ मन्कल एडिह्‌तोग़ इनजोर मुनेता अडो इन्ह्‌ता.

इब्रितोर 9:14

अह इतेके, किर्स्तुना नेतुर बेचोन वीळिस एडिह कीया पग़यह्‌ता! देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता. मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता. कीयनाह्‌कु, माट जीवात मनदनद देवुळतुन माळ पग़यह्‌नल.

इब्रितोर 9:15

देवुळि ईस मतद पाळ्ना करलतुन देहतोर पाप्यह्‌लोरिन विळ्सिह कीयलाह, किर्स्तु डोलतोग़. डोलताह्‌कु, ओग़ देवुळि आचतोरगा पूना करल ततह्‌तोग़. देवुळि मुनेन पोल्‍लो विळ्सतपु, ताना अमेसा मनदनद बर्कतता तूस, पूना करलते कलियवालोरिह्‌क दोर्किह्‌ता.

इब्रितोर 9:19

अदिनेनाह्‌क मोसाल इद्रम कीतोग़. अडोना इसबतव सबे उकुम्किन, सबेटोर इस्रयेल मन्कलोरिह्‌क वेहतोग़. वेहचि कोंदा पियोता ओसो एर्रेता नेतुरतुन, एता संगे काल्ह्‌पिस, तुल्स कोमातगा रेंगाल गोरे केल्क दोहचि, अडोङ रासिस मतद सास्त्रमता पोग़ोन, ओसो सबेटोर मन्कलोरा पोग़ोन वने, नेतुर इल्ह्‌कतोग़.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

इब्रितोर 9:7

मति पेग़्केडा अरातगा, (सबेटोर बूमयालोरा पोग़ोन मनवाल)पेर्माल ओग़े अंदोग़, वर्सातुह्‌क उंदिय मल्का. ओळियिह्‌पा पया, तना कीता पापमतेनाह्‌क, ओसो इस्रयेल मन्कलोर चुकिस कीता पापमतेनाह्‌क वने, मोकता नेतुर अग़्के अंदोग़.(अन्जि तान देवुळतेनाह्‌क वळ्ह्‌पिंदोग़.) नेतुरलेवा ओळियनद ओन्क पोलो आंदु.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.