इब्रितोर 7:1 - माडिया गोंड पवित्र सास्त्रम

^1-3 वेग़ मेल्किसेदेक इनवाल इतेके, सालेम सहरता राजाल मतोग़. ओसो सबेट्क बेरा डीसाता देवुळता बूमयाल मतोग़. ओना पेदिरता अर्तम इतेके “सेतेमतोग़ राजाल,” ओसो इब्रि पोल्‍लोते सालेमता अर्तमि “सुकम” आंदु. इतेके ओन सुकमता राजाल वने इनदा पग़यह्‌नल. मेल्किसेदेकना तलोग़-तपे बोर आंदुर, ओनाङ तादोर-बाबोर बोर आंदुर, ओना पुटटद ओसो डोलतदिना लोप्पा वने, देवुळता सास्त्रमतगा बाताले रासतद इले. ओग़ देवुळता मग़ना लेह्‌कान, अमेसा बूमयाल मन्ह्‌तोग़. अब्रहम मुय्तोग़ नालवुर राजालोरा संगे लळय आसि, ओरिन आरे कीस मल्स वायह्‌पा, वेग़ मेल्किसेदेक ओन कलियतोग़, ओसो ओन बर्कतताङ पोल्‍लोङ वळ्ह्‌कतोग़. अस्के अब्रहम (तना आरे कीतोरग्डाहि ततद) सबे मादुन, दहा तूस्क कीसि, अग्डाह उंद तूस ओन्क ईतोग़.

इब्रितोर 7:1 Iomraidhean Croise

मार्कल 5:7

पया येसु ओग़ मन्कन पोयतद देयमतुन “वेग़ मन्कनग्डाह पेसिस अन!” इनजोर इतोग़. अस्के “एय येसु, सबेट्क बेरा देवुळता मग़निन, निमा नाक बाराह्‌क अडम आय्ह्‌निन? निमा नाक सिक्सा एवोन इनजोर, देवुळता मुनेह किरिया कीम!” इनजोर देयम पोयतोग़ इतोग़.

बळयिर 16:17

अद पिला बेद्रम कींदु इतेके, “वेर सबेट्क बेरा देवुळताङ सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु.

इब्रितोर 6:20

अद जागातगा येसु मयेनाह्‌कु मुनेने ओळियतोग़. मेल्किसेदेकना लेह्‌कान, ओग़ मावा अमेसातुह्‌क पेर्माल आतोग़.

इब्रितोर 7:6

मति मेल्किसेदेक इतेके, लेविना कूळतोग़ आयोग़. आयवेक वने, अब्रहम मुय्तोग़ ओन्क दहा तूस्कनाहि उंद तूस ईतोग़. (इतेके मेल्किसेदेक अब्रहमिह्‌क बेरोग़.) दुस्रा पोल्‍लो: अब्रहमिने देवुळि मुनेन पोल्‍लो विळ्सिस मता; मति मेल्किसेदेक अब्रहमिह्‌क वने बर्कतताङ पोल्‍लोङ इतोग़.