इब्रितोर 6:4 - माडिया गोंड पवित्र सास्त्रम

^4-6 बोर देवुळतगा विस्वस कीसि, पया तमा विस्वसतुन विळ्सिह्‌तोर, ओरिन माट बेद्रम जर मल्हतकल? ओर देवुळता सेतेमता वेह्‌चतगा वास मतोर, पोग़ोटाहि देवुळ ईयनद बर्कततुन दोर्किह कीस, तान पुन्ज मतोर; दुस्रोर विस्वसिरा संगे, ओर वने देवुळता जीवातुन दोर्किह कीस मतोर. देवुळता पोल्‍लो बेसतल इनजोर पुतोर; वायनद कालमते देवुळि तोहचीयनद लावतुन, बेस-नेह्‌ना पुतोर. अद्रमतोर तमा विस्वसतुन विळ्सतेक अचोन, देवुळता मग़िन ओसोवने हव्कनागुटातगा वेळ्हतप लेह्‌का, ओसोवने दुस्रोरा मुनेह, ओना लजा रेहतप लेह्‌का कीस्तोर. अदिनेनाह्‌क ओरिन विस्वसलेवद अग़दाहि ओसोवने जर मल्हतलाह, मुर्तिय पग़नाह आयो.

इब्रितोर 6:4 Iomraidhean Croise

मत्याल 12:45

अस्के पया अद अन्जि, तन्काय लाग्वव एळुङ देयह्‌किन, तना संगे गोत कीस ततह्‌ता. अस्के अवु ओग़ मन्कना लोप्पा नेङिस जागा आस्ताङ. पया ओना इंजेटा गोसा, मुनेतदिह्‌काय वेल्‍ला करबता आस्ता. अद्रमलेह्‌काने इद लाग्वा पीळतोरिह्‌कु, तमाङ जीवाने नावाङ पोल्‍लोह्‌क जागा एवाह्‌कु, इद्रमे गोसा आयग़ा,” इनजोर इतोग़.

मत्याल 5:13

“(इह केंजाट, मीटु ओवुर तिंडटगा वाटटाह्‌के मिटस आस्ता, ओसो अद अवो वने. अद्रमे) मीटे इद बूमता ओवुरलेह्‌का आंदिर. (दुनियातोरा लाग्वा बुद वीळनदायो इन्जि, मीट सेतेमताङ कबस्क कीम्ह्‌टु.) मति ओवुरता मिटस अतु बार इतेके, अद ओवुर मुनेतलेह्‌का ओसो आयग़ाया? पया अदिन पलते पोहचीतस्के, मन्कलोर काल्कने ओय्कना-विह्‌कना कीतस्के, ताना बातय कबळ अरवो.

योहन 15:6

बोर नयगा जोळेम आस मनोर आयनुर, ओरिन नावा बाबाल कांदान डायतप लेह्‌का, डायिस पोहचीयनोग़. इद्रमताङ कांदाङ वततस्के, अविस्किन गुम कीसि किसतगा वाटिह्‌तोर, पया अव पूरा कर्विस दास्ताङ.

योहन 3:27

योहन ओरिन इतोग़, “देवुळि देय्वा एवालेवा, बोन्काय बातय दोर्को.(अदिह्‌के सबेटोर ओनक्‍केन दास्तोर इन्जि, मीवा जीवा कर्वतप आयमाकि.)

योहन 4:10

येसु तान इतोग़, “देवुळ बेद देय्वा नीक ईकन इन्ह्‌ता, ओसो उनडलाह ईम इनजोर नीक ताल्ह्‌कवाल बोग़ु, इदिन निमा पुतेके, नाक निमा अद देय्वातुन ताल्ह्‌केनिन. अस्के नना नीक जीवात मनदनद एग़ एवेनन.”

योहन 6:32

येसु पया ओरिन इतोग़, “इह केंजाट, नना सेतेम वेहतह्‌नन, पोग़ोटाहि तिंड अर्हतोग़ मोसा मुय्तोग़ आयोग़, नावा बाबाले मतोग़. ओसो इंजेके ओग़े पोग़ोटाहि वायनद करलता तिंडि मीक ईय्ह्‌नन इन्ह्‌तोग़.

बळयिर 10:45

रेगतस्के कुरनेलिना लोतगा मनवालोर, तमा मुर्तिय पुनवव बासाने वळ्ह्‌कलाह, ओसो देवुळि बेरा डीसाता इनजोर जोहर कीयलाह आतोर. पत्रुना संगे यापा नाटेनाहि वास मतोर यहुदि विस्वसिर इव सबे ऊळतोर, केंजतोर. केंजिसि, डायना रिवज केवोर दुस्राङ जातिनोरा पोग़ोन वने, पवित्र जीवा रेगिह्‌ता इन्जि, ऊळिस बामतोर. पया पत्रु तना तोळतोरिन इतोग़,

बळयिर 11:17

माट किर्स्तु येसुसामिन विस्वस कीतस्के, बेद्रम देवुळि पवित्र जीवातुन मावा पोग़ोन उदिह कीता, अद्रमे ओरा पोग़ोन वने उदिह कीता. कीताह्‌कु इंजेक नना बोनन आंदन, देवुळतुन रोमिह केवानन?” इनजोर इतोग़.

बळयिर 15:8

सबेटोर लोकुरा पोटालोप्पाडाङ पोल्‍लोन पुनदनद देवुळि, माट यहुदि विस्वसिरा पोग़ोन तना पवित्र जीवातुन बेद्रम उदिह कीता, अद्रमे ओर यहुदि आयवोरा पोग़ोन वने तना पवित्र जीवातुन उदिह कीसि, ओरिन वने आचता इनजोर तोहता.

बळयिर 8:20

अस्के पत्रु ओन इतोग़, “नीवाङ कोताङ नीवाय संगे बूळेम आयिङ! देवुळि पुनेम ईयनदिनु, कोताने असकन इनजोर, विचर कीतिन अय?

रोम सहरतोर 1:11

बाराह्‌क इतेके, नावा सेवाता मेटे, मीकु देवुळता जीवाताहि बुद दोर्किसि, मीवा विस्वस बेस मेग़्कना इन्जि, नना मियगा वायलाह ऊळिह्‌नन.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

गलातितोर 3:2

इद उंदिय पोल्‍लो नाक मीट वेहाटु! देवुळि तना पवित्र जीवातुन मीक बह ईता, मीट अडोन माळताह्‌कु ईताया, बारा किर्स्तुनाङ केंजिसि, विस्वस तासताह्‌कु ईता?

गलातितोर 3:5

इतेके देवुळि तना पवित्र जीवा मीक ईस्ता, मियेनाह्‌कु बामिह कीयनाङ कबस्क कीस्ता बहु? मीट अडोन माळताह्‌कु कीस्ताया, बार किर्स्तुनाङ केंजिसि, विस्वस तासताह्‌कु कीस्ताया?

इपिसुसतोर 1:18

बेचोक बेसताङ पोल्‍लोन आसा कीयलाहि तना माक केयता, अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्‌ता. इदिन पुनदलाहि, देवुळि मीवा बुदतगा पुन्पिह कीयि.

इपिसुसतोर 2:8

देवुळि मीक दया कीताह्‌कु, मीट किर्स्तुन विस्वस कीतिर, अदिनेनाह्‌क मीक पिसिह कीता. देवुळता पिसमुळतुन दोर्किह कीयलाह, मीट बाताले केविर; इद पूरा देवुळता दर्मम आंदु.

इपिसुसतोर 3:7

देवुळि नयगा तना लावतुन पका ताकिह कीताह्‌कु, नाक इद बेसता कबुरतुन पोकुर कीयनद सेवाता देय्वा दोर्कता.

इपिसुसतोर 4:7

मति किर्स्तु तना विचर कीतद इसबते, अलग-अलग सेवातेनाह्‌क, माक ओर्वोग़-ओर्वोग़ मन्कह्‌क देय्वा तूसिस ईतोग़.

1 तिमोति 4:14

विस्वसिराङ मुक्यालोर नीवा पोग़ोन तमाङ कय्क तासतोर, अह कीसि देवुळि इतद पोल्‍लो वेहचि, नीक ताना कबळतेनाह्‌क निल्पिह कीतोर. अस्के देवुळता जीवाते नीक दोर्कतद बुदतुन माग़्ङमा.

2 तिमोति 2:25

ओसो विरुद केवालोरिन, कुलुल बुदते तेळियिह कीयना. अद्रम कीतेके, देवुळि ओरिन वने पापमता अग़दाहि मल्हचि, सेतेमतुन पुनाह कीतेक कीयग़ा बहे.

2 तिमोति 4:14

ओसो कोल्से कबळ केवाल सिकंदर पेदिरतोग़, नाक पका लाग्वाङ कीतोग़. ओग़ कीतव कबस्कना इसबते, येसुसामि ओन्क बद्ला ईयनोग़.

इब्रितोर 10:32

अळ्न्दम मीट बेसतल कबुरतुन विस्वस कीस, देवुळता वेह्‌चतगा वातस्के, मीक बेद्रम कींदुर इनजोर, सीता कीस ऊळाट! बेस्के-बेस्के नाटेनोर मन्कलोरा मुनेह, विरुदतोर मीक लजा अर्हन्दुर, मीक तिपल कींदुर; बेस्के-बेस्के दुस्रोर विस्वसिरिह्‌क इद्रम आयह्‌पा, मीट ओरिह्‌क साय्ता कीतिर. इद्रमलेह्‌का विस्वसतेनाह्‌क वेल्‍लाय तिपलते पप्ळेम आसोर मतिर. (अस्के वने मेग़्किस मतिर.)

1 योहन 5:16

बोग़ाय तना तोळतोग़ विस्वसिनु, देवुळताहि एग़िह केवद पापम कीयह्‌पा ऊळतेके, ओनेनाह्‌क ओग़ पार्तना कीयना गावले. पापम केवाल पापमताह मलतेके, देवुळि ओन्क पूना पिसमुळ ईयग़ा. इद्रमता पापमते बोर दल्गिस मन्ह्‌तोर, ओरिन अद पापम देवुळताहि एग़िह केवो आयग़ा, ओरेनाह्‌के नना इव पोल्‍लोङ वेहतलाह आतन. मति बेद पापम देवुळताहि एग़िह कीस्ता, अद पापम केवानेनाह्‌क मीट पार्तना कीम्ह्‌टु इनजोर नना वेहोन.